El videu correspuende a dos cachinos del programa estaunidense de viaxes pel estáu español "Spain on the road again".

La visita a Asturies ta enllena de tópicos, la cueva de la Santina, Pelayu y la so "brava resistencia" (fuercia asturianu lo llamen ellos), la sidra, el quesu, la fabada... Pero ente too ello, a lo menos, tuvieron la decencia de visitar a una paisana de pueblu y magar qu'intentó forzar el castellanu pa que la entendieran bien, desbordó asturianía y asoleyó dalgo qu'ellos escaecieren al describir la Asturies oficial.... la llingua asturiana.

---------------------------------------------------------------------------------------------------------------

PD: La paisana ye del pueblu de Silviella (nel programa rotulen Sirviella).

Y nel doblaxe al castellanu del programa "asturian" pasa a ser "bable".

Comments

Comments

Comments

Pegata asoleyada poles Mocedaes Revolucionares d'Asturies (añu esautu desconocíu, pero nos 70-80).

Les Mocedaes Revolucionaries d'Asturies fueron la rama xuvenil del Movimientu Comunista d'Asturies.

El nome primitivu d'esta organización política foi Movimiento de Juventudes Comunistas. Al final de la so trayectoria camudó tamién el so nome pol de Griesca, de la mesma manera que'l Movimientu Comunista d'Asturies lo ficiera pol de Lliberación.

A nivel estatal encuadrábase dientro de la Federación de Juventudes Revolucionarias, na que s'amestaben tola riestra d'organizaciones xuveniles del Movimientu Comunista.

Les Mocedaes Revolucionaries d'Asturies llegaron a editar un periódicu del que s'asoleyaron dellos números a finales de los años setenta: Andecha Xoven.

Comments

Hola Güelín:

Que guapu tan dexando a Sietes,  estos siñores de Madrí; Tan pintándolo tou….de colorau, de verdi, d’azul…..que colores tan prestosos, verdá ?

Paez que grabaron unos anuncios equí y el Miercoles 21 d’Ochobre van  presentar  un programa d’ordenaores, y van venir xentes perimportantes…..

Que bien Güelín, tengo munches ganes que llegue’l Miércoles pa ver a toa esa xente importante….de xuro qui lo va pasar per-bien en Sietes

Y lo meyor de tou, ¿sabes que?, que  van dexanos el pueblu asina pintau……jope, que chuli…..

El nuesu pueblu yera conociu per los sos  horros, pero dende agora va ser famosu per tener les casines pintes más guapes del mundiu … Como la casina d’azul; ¡qué guapes quearon les sos ventanes!….

Tengo munches ganes que salgues de la residencia y tornes pa Sietes…..ya verás como ti presta…

Munchos Besinos, Güelín…

Aida.

Sitiu Oficial la Campaña SIETES, Un pueblo de Expertos, de Microsoft : http://sietesunpueblodeexpertos.com/

Sitiu  de la Comunidá “GNU/Linux” n'Asuries -  Sietes, Un Pueblu d’Espertos : http://www.sietesunpuebludespertos.com/

Comments

Opentrad ye un sistema de traducción automático en códigu abierto diseñáu inicialmente para toles llingües del Estáu y d'usu gratuito pa tol públicu.

Esa ye la torna al asturianu qu'ufre'l sistema cuando-y metemos el testu en castellanu de la definición d'Opentrad.

Esti proyeutu qu'entamara'l Ministeriu d'Educación español, al envís de tornar testos y sitios webs nes llingües oficiales del estáu ve aumentada, nesta nueva versión, la escoyeta de llingües que l'usuariu pue seleicionar. Ente elles esiste la opción (na segunda columna) de facer tornes "Español-Asturiano", "Asturiano-Español" midida anunciada va un añu pola Conseyería d'Educación del Principáu pal 2012, y llueu pal 2010, pero que polo visto yá tien versión beta a finales d'esti añu.

Como pudistis comprobar, nel testu que vos punxi enriba y si intentais facer más tornes, tovía nun ta iguada al 100% por eso cuido que ye una beta. Anque bien ye verdá que viendo les chapuces pa col asturianu a les que mos tienen avezaos nun habríamos d'estrañanos un res si lo dexaren asina...

La llista completa de llingües qu'ofrez Opentrad nesta nueva versión ye la siguiente:

Con esti sistema nuevu y sobremanera cuando tea iguau al 100% vamos poder ver coses anguaño impensables (col so tornador de webs). Una noticia de LNE dafechu n'asturianu:

Adulces l'asturianu va faciéndose oficial na rede, el mundu virtual... una pena que nun seya asina na vida real.

Comments

El 12 d'ochobre'l PPSOE asina como oligarquíes varies celebrarán la conquista imperial d'América y el xenocidiu escontra los pueblos indíxenes nun día marcáu por un racismu fonderu xuníu a la promoción del españolismu más ranciu y xovinista.

L'estáu español aprovechará la ocasión pa llexitimase y pa tentar amenorgar el fondu y xustu refugu que seutores amplios de la sociedá amuesen a les fuercies armaes neo-franquistes y demás cuerpos represivos.

Ye mui posible tamién que les bandes neo-nazis y los grupos ultra-derechistes intenten encontase propagando'l so mensaxe racista , xenófobu y antidemocráticu; cabe la posibilidá de que - como ye yá habitual - asocedan una serie d'atentaos de corte nazi-fascista por parte d'estos energúmenos contando cola impunidá que-yos otorga l'aparatu del estáu y la clas política española.

El 12 d'ochobre ye un día de refugu, escontra'l calter de fiesta NAZIonal que se-y da, escontra'l racismu, el xovinismu, l'imperialismu y el militarismu que se va promocionar.

Glayemos al altu la lleva que nun hai nada que celebrar.

12 D'OCHOBRE UN RES QUE CELEBRAR

Comments

L'Ensame República Asturiana convoca nuevamente esti añu una manifestación escontra los Premios Príncipe y pola República Asturiana, baxo'l llema "Premios Príncipe: ¿Quién lo decidió?"

La manifestación partirá de la Estación del norte d'Uviéu el 22 d'ochobre a les 22:00 hores.

Manifiestu República Asturiana:

Les persones y coleutivos que roblamos esti 'Manifiestu' queremos espresar lo que vien de siguío:

1) Asturies vive nuna situación antidemocrática dafechu, na que los valores republicanos y los derechos sociales y nacionales vienen siendo negaos y xabazmente reprimíos per parte del estáu español, formáu en Reinu.

2) Una de les espresiones sociales más significatives d'esti fechu ye la denomación institucional d'Asturies como "Principado", figura política impuesta a esti Pueblu qu'afala'l vasallaxe y el servilismu a una institución arcaica, elitista y antidemocrática cola qu'Asturies y les asturianes y asturianos nada ganamos nin tenemos nada que ver.

3) Oponémonos a cualquier tipu de réxime monárquicu, por ser ésti'l paradigma de la desigualdá social y la falta de derechos con impunidá llegal. Tampoco podemos escaecer que la designación del monarca español foi fecha durante'l franquismu, siendo ésti designáu y coronáu a deu directamente pol propiu dictador, ensin qu'entá viéremos enfotu dalu nesta institución predemocrática por pedir perdón tres cuarenta años de fascismu xenocida col beneplácitu del sistema llegal 'constitucional' actual.

4) Denunciamos el compromisu col capitalismu xabaz, asesín de tolos pueblos del mundu, que remanez de la monarquía española, siendo ésta garante de la defensa de les clases privilexaes y de la desigualdá económica, social y de derechos. Refugamos, tamién, les actitúes machistes, homófobes, represores y censores que surden dende la monarquía española, qu'afiten, una vegada más, el so orixe feudal y arcaicu, comportamientos mui estremaos a los que defendemos nosotres y nosotros.

5) Consideramos una humildación a Asturies la cellebración de los 'Premios Príncipe de Asturias', considerándolos una coartada pa 'llavar la cara' internacionalmente a la monarquía, faciéndola pasar por institución moderna y que respeta la cultura, visión mui alloñada d'una, muncho más cercana a la realidá, de 'familia de vividores a sueldu de toes y toos' que conocemos perbién y manipulando al traviés de los medios españolistes, al tiempu, la imaxe de la sociedá asturiana. Poro, nun podemos dexar de pidir la crítica pa los galardonaos por estos 'premios de pandereta', que faen el xuegu cómpliz a la monarquía española, nin dexar d'ablucar y protestar, tampoco, polos costes de les fartures 'reales' a cargu de los nuestros impuestos –nestos tiempos de crisis– , asina como de la situación d'estáu y ocupación militar y policial ostentoria que nel nuestru país se xenera con cualaquier 'visita' de los miembros d'esa familia 'real'.

6) Queremos afitar dende agora mesmo la necesidá d'articular y crear un movimientu republicanu asturianu que lluche pola lliberación d'esti país y refugue cualquier tipu d'opresión nacional y social, como la que constitúi la monarquía española y cualquier réxime monárquicu. Asina, namás entendemos un cambiu de modelu de país pa construyir una República Socialista asturiana onde los valores republicanos d'igualdá, llibertá, accesu a la cultura y llaicismu seyan los finxos que caltengan la nuestra llucha por una Asturies xusta y un mundu de pueblos llibres.

¡¡PUXA LA REPÚBLICA ASTURIANA, SOCIALISTA Y SOBERANA!!

Comments

Comments

Comments

Lleo nel web d'Unión Asturianista que'l Partíu Asturianista (PAS) -únicu "partíu" que paez facer "daqué" dientro d'esa coalición- a un tal Xosé Avelino Devesa felicitando a la cadena de supermercaos Mercadona pol emplegu de la toponimia asturiana nel so establecimientu nuevu de Ciañu. Nel curtiu artículu -redautáu en castellanu- podemos lleer una serie d'afalagos hacia la compañía y nenguna crítica nin encamientu.

Fueyaenblanco ye un blogue personal y la mayoría de la información qu'equí asoleyo sal de la rede na que s'espubliza, la rede internet. En viendo qu'entereme d'esto per un web siguí esa dinámica y empobiné al web de dicha empresa. Camiento que'l respetu a la toponimia centraráse en cartafueyos publicitarios qu'unvien a casa y onde apaez esi topónimu (prestábame que daquién me lo confirmare y si ocurre asina n'otros conceyos cola toponimia oficializada), pero nel web el respetu pol asturianu relluma pola so ausencia.

Puedo dexar de llau que'l web nun s'ufra n'asturianu al nun ser una llingua oficial, tal cual y pascual.... pero dicir qu'esta empresa s'esmolez pola toponimia ye cuanto menos graciosu yá que nun apaez iguada en nengún momentu.

 

Como yá comentare col tema del sobresaliente na tesis n'asturianu, paezme qu'esta dinámica de felictar y congratulase por caxigalines nun lleva a nenyure y que, pa min, la meyor táutica ye la ufiensiva y nun quedanos coles cuatro migayes que mos suelten...

 

 

 

Quexes: 

Mercadona, S.A. CIF:A-46-103834 C/ Valencia, nº 5 Tavernes Blanques VALENCIA - C.P.46016900 500 103

900 500 103

Atención al cliente: http://www.mercadona.es/corp/esp-html/atencion.html

Comments

Comments

El resultáu foi un informe fechu por Ramón d'Andrés que yá entamare a esbillar na etapa anterior d'esti blogue. Esta ye la cuarta entrada sobre'l tema, les otres tres apaecerán referenciaes al final.

ARMES:

* Alabarda

N'asturianu, alabarda. Tien formes idéntiques o paecíes nes llingües de la
contorna: gall. alabarda, port. alabarda, cat. alabarda, it. alabarda, fr. hallebarde.

* Ariete

Trátase d'un cultismu, del llatín ARÍETEM 'carneru'; l'adaptación normal al asturianu ye ariete. Nes llingües de la contorna: port. aríete, cat. ariet, it. ariete, pero fr. bélier, ing. battering ram.

* Balista

Ye un cultismu, del llatín BALÍSTAM, tomao del griegu. Na forma llatina hai una -Ly non -LL-; en cualesquier casu, l'adaptación n'asturianu ha ser balista. La forma ballista paez una confusión con ballesta.

* Cimitarra

Palabra procedente del árabe. N'asturianu paez ser cimitarra. Nes llingües de la contorna tien forma asemeyada: port. cimitarra, fr. cimeterre, it. scimitarra, ing. scimitar.

* Contramisil

Dende l'asturianu misil fórmase normalmente contramisil.

* Culebrina

L'adaptación al asturianu ha ser, naturalmente, culebrina, que s'interpreta
fácilmente na nuestra llingua como un diminutivu de culiebra. Nes llingües de la contorna: fr. couleuvrine, it. colubrina, ing. culverin (del francés).

* Katana

Palabra xaponesa. La grafía normal n'asturianu ha ser catana. Hai poques razones pa caltener la «k»: katana.

* Kubotan o Kubaton

Palabra xaponesa. Pue adaptase al asturianu cola grafía cubotan o cubaton, y mesmamente con adaptación al esquema acentual más frecuente: cubotán o cubatón. Hai poques razones pa caltener la «k» nesti casu.

* Lanzavenablo o átlatl

N'asturianu pue adaptase como llanzavenablu o átlatl.

* Mangonel

A falta de más datos, pue adaptase al asturianu como mangonel. Nes llingües de la contorna: port. manganela, fr. mangonneau, ingl. mangonel.

* Nunchaku

Palabra d'orixe xaponés. Pue adaptase al asturianu como nunchacu, plural
nunchacos. El nome xaponés caltiénse nes llingües de la contorna, anque hai delles peculiaridaes: el castellanu almite tamién linchaco (de xuru qu'en relación con linchar), y el portugués almite tamién matracas. Anque ye arriesgao proponelo, n'asturianu podría usase tamién la voz tradicional manales, pola gran asemeyanza que tienen.

* Onagro

Voz griega que significa 'burru montés'. L'adaptación normal n'asturianu ye
onagru.

* Pica

N'asturianu, pica.

* Shuriken

Palabra xaponesa. L'adaptación normal al asturianu ha ser xuriquen, y
mesmamente col esquema acentual más frecuente, xuriquén. La grafía orixinaria shuriken tamién se pue considerar.

* Subfusil

El Drae recueye subfusil como sinónimu de metralleta; n'ing. submachine gun, y en francés pistolet mitrailleur. N'asturianu paez que la forma más normal ha ser metralleta.

* Trabuquete o Fundíbulo

Nes llingües de la contorna: cat. fonèvol, port. trabuco, fr. trébuchet, it. trabucco., ing. trebuchet o trebucket. La forma trabuquete ye perfectamente almitible n'asturianu.

Pela so parte, cast. fundíbulo ye un cultismu, del llatín FUNDÍBULUM; en casu d'adaptase n'asturianu, fadríalo baxo la forma fundíbulu.

Ver tamién:

* ¿Blog o blogue?

* Alimentos

* Animales

Comments

[...] “sin lugar a dudas”, en las autonómicas y municipales de 2011 UPyD será un partido decisivo tanto en la Comunidad de Madrid como en Valencia, y obtendrá importante presencia en los Parlamentos autonómicos de La Rioja, Asturias, Cantabria y Castilla y León. No así en Cataluña, [...]

Noticia orixinal: El Confidencial

Comments

 NON A L'ASTURIES LLIBERAL

Comments

Gracies a un llector pudi tener accesu a un direuto de Dixebra nel añu 1991 en sofitu a l'Asociación de parados del Valle del Nalón (ADEPAVAN).  Un documentu perintaresente que me prestaría compartir con toes vosotres.

Da-yos caña

Discursu de Xune Elipe

Tolos cartelos

Rapaza nacionaliega

Grieska

Asturalia

Skandalera

Rock militar

Manifiestu'l frenti folixariu

Comments

El 17 de setiembre próximu podemos vivir ensin capitalismu n'Asturies.

El xueves 17 de setiembre colocaráse un puntu informativu en Cuatro Caminos (Xixón - La Calzada) ente les 18 y les 21 hores.

Nél entablararáse un puntu de comunicación coles persones interesaes sobre formes, maneres y alternatives qu'esisten pa sacar al capitalismu de les nueses vides.

‘Podemos vivir sin capitalismo’ ye una campaña formada por miles de persones y coleutivos que puntualmente salen a la cai pa facer visible quienes son y llegar a más xente, mientres que día a día van realizando práutiques, cada vuelta más, pa cambiar la so forma de vida.

Dellos de los temes que debaten:

* Fuelga d'usuarios y usuaries de bancos; pequeños pasos p'amenorgar bultablemente los beneficios de los bancos; Inversión direuta en cooperatives; Rede d'insolventes ya insumisos.
* Recuperación d'edificios vacíos; Masovería urbano; Cooperatives de vivienda de cesión d'usu.

* Autoconstrucción ecolóxica; Cesión de Tierres pa la relocalización agraria; Cooperatives de producción y consumu; Güertos comunitarios; Redes d'intercambéu.

* Economía Comunitaria; Cómo poner en marcha una cooperativa integral; proyeutos de repoblación.

* Campaña pa un tresporte público xusto; Tresporte coleutivo y compartío.

* Cooperativa d'enerxíes anovables; Autoconstrucción de molinos de vientu.

* Educación llibre; Creando Universidaes Llibres.

Fonte:  http://decrecimientoenasturias.blogspot.com/

Coordinación de puntos d'alcuentru

Campaña podemos vivir sin capitalismo

www.17-s.info /

www.sincapitalismo.net

17-S@podem.cat

Comments

Comments

El pueblu andaluz ta saliendo a les cais, col Sindicato Andaluz de Trabajadores a la cabeza, nestos momentos de crisis del capitalismu. Les agresiones por parte de les "fuercies de seguridá" son constantes pero tamién la so llucha, un exemplu pa toes y toos.

Les sos vindicaciones principales anguaño son:

1 - Trabayu pa los paraos

2 -  Un PER estraordinariu que dea trabayu a los paraos del mediu rural al menos demientres cuatro meses.

3 - Una moratoria de pagu de les hipoteques pa toles persones en paru.

4 - Que la duración del subsidiu agrario y renta agraria seyan de 10 meses y la so cuantía'l salariu mínimo interprofesional (624 €).

5 - Aides direutes al comerciu y empreses pequeñes, asina como la condonación de dellos impuestos.

6 - El desaniciu de les 35 peonaes como requisitu pa solicitar el subsidiu de desemplegu,

7 - Aides a los pequeños agricultores y cooperatives p'afalar cultivos sociales que xeneren beneficios económicos y trabayu.

8 - El desaniciu del “decretazu” pa que toles persones que reúnan los requisitos puedan solicitar el subsidiu agrariu.

9 - Talleres d'emplegu, escueles taller, cases d'oficiu en base de los paraos/es y al númberu d'habitantes pa cada pueblu y ciudá.

10 - Que los y les trabayadores inmigrantes y les sos families tean incluyíos nestes midíes y puedan acceder a les emprestaciones sociales n'igualdá de condiciones.

UN SALUDU AL PUEBLU ANDALUZ

Comments

Según l'alcalde que carecemos los uvieínos les fiestes de San Mateo d'esti añu son "una excelente manifestación de ovetensismo y asturianía".

Comprobémoslo...

VIENRES 11

* Xuegos populares con 7 actividaes más, amás d'otres non especificaes nel Palaciu de los neños.

* Pregón: Boris Izaguirre.

* Chupinazu: Mejuto González.

* Teatru: "Felices 30". Compañía madrilana: Secuencia tres.

* Conciertu: Guaraná (pop-rock llatinu), Sole Giménez (pop), La Excepción (Rap). Amás d'actuaciones de Jazz na Plaza'l paragües a cargu de Jacobo de Miguel Cuarteto y Carlos Carli Cuarteto.

* Verbena en El Fontán. Orquesta Estrella del Norte.

* Concursu de Rock "Ciudad de Oviedo".

Nula presencia del asturianu, faense unos "xuegos populares", da'l chupinazu un llangreanu, toca una orquesta asturiana y se-yos da "la oportunidá de publicitase a grupos asturianos nel concursu de rock".

SÁBADU 12

Repítense les actividaes pa los más pequeños y la obra de teatru madrilana.

*Conciertos: Jorge Ilegal y los Magníficos (Rock) , Ojos de brujo (flamencu+mecíu d'estilos) y Los Secretos (Pop-Rock).

* Jazz y otres músiques: Marcio Dhiniz Cuarteto  y Xam Campos Trío.

* Verbena: Nueva Banda.

* Concursu de Rock "Ciudad de Oviedo".

Orquesta asturiana, grupu de rock asturianu y más rock nun concursu fechu supuestamente pa promocionar a grupos llocales, patrocináu dafechu por Coca-Cola, que ye lo único qu'apaez nel cartelu. Cero cultura asturiana, nada de llingua y primer grupu flamenquista de les fiestes.

DOMINGU 13

Esti ye'l día más "asturianu" de toos.

* Romería de Monte Alto (col cartelu percutre fecho a mano, que podeis ver arriba, pero eso si, n'asturianu, cosa que nun apaez nel testu del cartafueyu).

* Narración de cuentinos a cargo de Milio el del Nido (yá tornen hasta'l so nome, pero lo de cuentinos da un toque bable mui guapu).

* Les Pandereteres de Fitoria, Exhibición de Asturcones, venta de productos artesanos y juegos tradicionales.

* Exhibición de deportes autóctonos: Corta de troncos con hachu (ye que tueru nun s'entiende) tronzón y en altura, tiru de barrote, carrera de lecheras, de madrelas, lucha baltu, tiro de cuerda, levantamiento de yunque y piedras, lanzamiento de troncos....

* Carrera de cintas a caballo, concurso de cestas de merienda.

* Escuelina pa Neñus (tal cual), donde los niños podrán conocer la lengua, (si, sobremanera eso) indumentaria y mitología asturiana, y podrán jugar los juegos de corro, sentados a la rana, hacer su propia carioca, aprender a hacer frixuelos, y tortos de maíz, etc... (mecigaya "asturianista")

* Grupo de Baile Tradicional Xuno.

* Recreación de un Mini Zoológico (non si cola fauna que plania estes fiestes da pa munchu...).

* Actuación de Pipo Prendes.

* Les mesmes actividaes pa neños (que non neñus) nel Campu San Franciso y nel Palaciu los neños.

* Conciertos: Canteca de macao (flamencu+mecíu d'estilos), Pignoise (Pop-Rock), Warcry (power metal).

*Les otres músiques de la Plaza'l Paragües: Son Flamenco (obviamente flamencu), Juan Salazar (nun topé referencia), Pepín Salazar (flamencu) y Aires de Levante (+ flamencu).

* Verbena: Orquesta Dominó.

* Concursu de Rock "Ciudad de Oviedo".

El día asturianu por escelencia nun ye más que lo de siempre, les migayes pa los "asturianistes" que se conformarán colo qu'heba y una supuesta promoción de la nuesa llingua, destrozada y marxinada por otra parte nel cartafueyu. Cultua asturiana: 1 - Flamencu: 5. Un grupu asturianu metaleru y otra orquesta asturiana.

LLUNES 14

* Mesmes actividaes infantiles.

* 10 años de Trebolgu: "Banda de gaitas ciudad de Oviedo", La Curuxa y Dixebra.

Cultua asturiana: 3 - Flamencu: 5 (la banda gaites resta por nun tener el nome n'asturianu).

MARTES 14

* Segundu día del Real Oviedo.

* Chocolatada.

* Gala Real Oviedo.

* Actividaes infantiles.

* Conciertu de Melendi (pop-rumba-flamencu).

Nacíu n'Asturies si, pero flamenquista. Cultura asturiana: 3 - Flamencu: 6.

MIÉRCOLES 16

* Mesmes actividaes infantiles (los guahes yá nun van dir, toi viéndolo).

*Gira OT (oh con ún que nació n'Uviéu!!!! eso debe ser l'ovetensismo).

* Mesmes actividaes infantiles.

* Conciertu: Tequila ("los nuevos" ¬¬, pop-rock) y Vetusta Morla (indie rock).

* Otres músiques: Bob Shams y Adrian Carrio e Irene Shams Quintetu (Jazz).

* Concursu de Rock "Ciudad de Oviedo".

* Uno más Uno (rap).

Un grupu avilesín de rap, Adrian Carrio que ye uvieín y el supuestu apoyu a los grupos llocales que se quexen tolos años (por qué sedrá).

* Mesmes actividaes infantiles.

* Teatru: "Calcetines Opus 124".

* Conciertu: Sara Baras ("bailaora" flamenca), Chambao ("flamencu chill") y Son de Cuba (salsa).

*Otres músiques: Terela Gradin y Gem, Joaquím Chacón y Mariano Díaz (Jazz).

* Verbena: Orquesta Sonora Real.

* Conciertu de Los Imposibles (Pop-Rock)

Lo único asturianu la orquesta y el concursu de grupos llocales. Más flamencu pal sacu;  Cultua asturiana: 3 - Flamencu: 8. Tampoco nel teatru se dignen a meter a una compañía asturiana...

Con esto yá'l flamenquismu gana por goliada....

Lo coyonudo ye que nun se queda ehí la cosa - ensin analizar yá tan exhaustivamente como primero, pa nun cansar y porque me paez que quedóyá mui claro... - esti mesmu día actúa Pitingo, el llunes 21 xuntu con La Pantoja apaez otra flamenca, Diana Navarro y dalgo grande vien anunciáu tamién nesta guía tan asturiana, dalgo que va tar na nuestra ciudá depués de les fiestes pa enantar esa visión flamenquista...

Organizáu pola "Peña flamenca Enrique Morente" los mesmos de la misa flamenca.

Si esto ye asturianismu que venga l'independentismu...

Y col tema económicu yá pa que metese porque entós yá ye pa suicidanos. Los cachés apaecieron toos en LNE y ta nidio'l gastu en flamenquismu aculturización, mentanto'l coste identitariu ye imposible de calcular.

PD: Sé qu'hai errores de formatu, pero siéntolo, nun pueo igualos.

Un saludu.

Comments