ESCONTRA LA MONARQUÍA ESPAÑOLA GÜEI Y AYERI
Pegata asoleyada poles Mocedaes Revolucionares d'Asturies (añu esautu desconocíu, pero nos 70-80).
Les Mocedaes Revolucionaries d'Asturies fueron la rama xuvenil del Movimientu Comunista d'Asturies.
El nome primitivu d'esta organización política foi Movimiento de Juventudes Comunistas. Al final de la so trayectoria camudó tamién el so nome pol de Griesca, de la mesma manera que'l Movimientu Comunista d'Asturies lo ficiera pol de Lliberación.
A nivel estatal encuadrábase dientro de la Federación de Juventudes Revolucionarias, na que s'amestaben tola riestra d'organizaciones xuveniles del Movimientu Comunista.
Les Mocedaes Revolucionaries d'Asturies llegaron a editar un periódicu del que s'asoleyaron dellos números a finales de los años setenta: Andecha Xoven.
Tags: premios príncipe república asturiana socialista y soberana príncipes de asturias
Esbilla | 
del.icio.us
VITY
Mui interesantes les pegates del MCA y demás, la mayoría nun les conocía. A ver si les garro pal mio blog porque xusto tengo delles d'otros grupos d'años 70-90 pa subir.
¡Salú!
Ye tremenda la desconocencia qu'hai d'un pasáu non tan llonxanu na política d'Asturies. Esa pegatina nun ye de los 70, sinon del periodu ente los 80 y entamos de los 90. Correspuende a la dómina de la unidá d'aición ente'l MCA y la LCR, los dos partíos de la izquierda estraparlamentaria más fuertes nesos años n'Asturies. Esa unidá d'aición incluyía pancartes firmaes conxuntamente nes manifestaciones, y tamién la cartelería y les pegatines tanto de los partíos como de les respectives organizaciones xuveniles. La semeya de más enriba amuesa claramente la firma d'estes dos últimes. La organización moza del MCA llamábase yá nesi momentu MRA (Mocedaes Revolucionaries d'Asturies), mentantu que la de la Liga entá yera JCR (Juventudes Comunistas Revolucionarias), que más tardi pasó a denomase XCR. A les MRA correspuende el primer anagrama, mentes que'l de la drecha ye'l de les JCR. Pa la dómina del referéndum de la OTAN (1989) el nome yá llevaba tiempu n'asturianu, asina que la imaxen podría datase ente los años 80 y 85 más o menos.
You dende llueu nun lo decidí, peru esperu decidir que NON quiero reyes nel miou país.
Salú