EL PAS Y EL SO SOFITU A MERCADONA
Lleo nel web d'Unión Asturianista que'l Partíu Asturianista (PAS) -únicu "partíu" que paez facer "daqué" dientro d'esa coalición- a un tal Xosé Avelino Devesa felicitando a la cadena de supermercaos Mercadona pol emplegu de la toponimia asturiana nel so establecimientu nuevu de Ciañu. Nel curtiu artículu -redautáu en castellanu- podemos lleer una serie d'afalagos hacia la compañía y nenguna crítica nin encamientu.
Fueyaenblanco ye un blogue personal y la mayoría de la información qu'equí asoleyo sal de la rede na que s'espubliza, la rede internet. En viendo qu'entereme d'esto per un web siguí esa dinámica y empobiné al web de dicha empresa. Camiento que'l respetu a la toponimia centraráse en cartafueyos publicitarios qu'unvien a casa y onde apaez esi topónimu (prestábame que daquién me lo confirmare y si ocurre asina n'otros conceyos cola toponimia oficializada), pero nel web el respetu pol asturianu relluma pola so ausencia.
Puedo dexar de llau que'l web nun s'ufra n'asturianu al nun ser una llingua oficial, tal cual y pascual.... pero dicir qu'esta empresa s'esmolez pola toponimia ye cuanto menos graciosu yá que nun apaez iguada en nengún momentu.
Como yá comentare col tema del sobresaliente na tesis n'asturianu, paezme qu'esta dinámica de felictar y congratulase por caxigalines nun lleva a nenyure y que, pa min, la meyor táutica ye la ufiensiva y nun quedanos coles cuatro migayes que mos suelten...
Quexes:
Mercadona, S.A. CIF:A-46-103834 C/ Valencia, nº 5 Tavernes Blanques VALENCIA - C.P.46016900 500 103
900 500 103
Atención al cliente: http://www.mercadona.es/corp/esp-html/atencion.html
Tags: mercadona asturies n'asturianu asturias asturianu llingua asturiana bable toponimia llangréu ciañu gijón/xixón supermercados
Esbilla | 
del.icio.us
VITY
La cosa ye más revesosa de lo que paez y hai que filar fino con esto. Lleí'l citáu comentariu y trátase de la utilización por un centru concretu del topónimu del llugar, non d'una política de la cadena. De denunciar habría que lo facer con tolos supermercaos allugaos nesti conceyu y que nun utilicen la toponimia llariega, non contra les poques esceiciones favoratibles nesti sen. Esti tipu d'iniciatives suelen debese a xente concreto y dacuando escontra de la opinión xeneral del ámbitu onde trabayen. Si atacamos ehí a los que perxudicamos ye a esta xente, favoreciendo a tolos detractores, y pa Mercadona o quien fuere, ponémos-yos en bandexa cortar pela freba cualquier iniciativa llocal en favor de la llingua. Puedo compartir que l'actuación de l'agrupación de Llangréu del PAS se pasare de combayona, suponiendo que nun lo fixeren arrede p'afalar a la empresa a esparder el casu y non a torgar nueves iniciatives. Pero pasar d'ehí creo que ye un error.
NUN conozo'l casu.
Pero la esperiencia personal confirma lo que diz el xanu. Si se fai daqué (cualquier caxigalina) ye gracies a una persona concreta (un infiltráu pa entendenos!!).
Una acción tan valiente y decidida (¿?) escontra estes empreses foriates, esplotadores y colonialistes ... lleva invitablmente a desanimar al infiltráu, a ponelu na picota delantre los sos xxefes, y a escondese permanentemente al entornu prosimu. TOU UN ESITU!! (ensil dulda).
Pero eso si, nin somos unos vendidos, nin unos pedigueños.
Entiendo lo que dicís, pero ñegome a ser conformista. Si en Ciañu nun hebo problema pa iguar la toponimia a la realidá, nun lo habría d'haber nos demás conceyos... Pue felicitase-yos polo de Ciañu y anima-yos a siguir cola xera, pero nun me paez que la forma tan combayona (como diz xanu) de felicitar que tien el PAS seya la más afayadiza.
Boicó a Mercadona, esplotadores y acosadores!!
como furrula la "vida real":
1/Un rompese los morros lluchando escontra la empresa, escontra los xefes, escontra los compañeros pa poner una frase n'asturianu o un topónimu tradicional.
2/Pa vencer esa reticencia, el probe home trabaya más de la cuenta y implicase especialmente nesa xera
3/Por esti motivu los compañeros de trabayu mírenlu con precaución (por esa implicación), los xefes con cuidáu por subersivu, y la empresa ponlo nel puntu mira (d'agora n'adelantre).
4/TOOS, pero especialmente la empresa (que ye la que se xuega les perres) sigue con especial atención y procuru, esi trabayu (o campaña)
5/En cuanto sal a la calle la campaña, xorrecen los detractores de siempres (nun ye oficial, nun s'entiende, yo equi nun vuelvu comprar) que s'encargen de que la dirección de la empresa s'entere de la so postura
6/Pocos istantes dempues, salen los qu'acusen a la empresa de intentar comprar la nuestra dinidá con caxigalines, faraguyes, y de nun respetar Asturies nin l'asturianu.
7/A partir d'esi momentu, el futuru de la empresa, de los xefes, de los compañeros, del asturianu, y del probe rapaz ...ye facil de imaxinar.
AVISU: esto solo ye pal mundu real, nun tener en cuenta en foros nin blogs.
tienes un poco de fijación con el PAS ¿á manín? ¿nun te dexaron entrar o qué? L'autocrítica y les formes tamién son bones pa trabayar y algamar resultaos, entama pela to parte.
un abrazu candial.
P.D: d'esto falaba Ramón d'Andrés alrodiu de la Xuntapola por exemplu.