¿SOBRESALIENTE N'ASTURIANU?
Enterome por Asturies.com que
La Universidá d'Uviéu da'l preste a una Memoria de Práutiques redautada n'asturianu .
POS MUI BIEN.
¿Daveres hemos de mos felicitar por esti fechu miserable?.
Según la información que se mos apurre hemos de tar contentos porque la escuela universitaria respetó la llegalidá vixente.
De toes formes el rapaz sacó un sobresaliente, felicidaes de corazón, pero... ¿de xuru que tenemos que mos conformar coles migayines que mos dan y da-yos tanto bombu?... pa min que non. Que lo qu'hemos d'asoleyar son los casos de represión cuando por munches vueltes que deamos nun mos aceuten un permisu pa operanos o o pa lleer una tesis doctoral pol fechu simple de tar n'asturianu....
Creo que'l CUPA peca d'egocentrismu y de creyer que los casos que-y llegan son los únicos. Paezme a min que son munchos más los alumnos que se rebelen y pueden presentar una memoria o facer un esame na nuesa llingua pero que nun-yos da por sacar un comunicáu pa llambé-y el culu a la Universidá y agradece-y dalgo qu'habría ser normal nel nuesu país... Paez más que'l CUPA ta preocupáu por ser una organización pa dar publicidá a casos que-yos interesen qu'un muérganu qu'aide a los estudiantes... Pa eso quedabamos únicamente cola Xunta pola...
Esbilla
del.icio.us
VITY
Como bien dices, lo qu'amuesa esti fechu ye la llaceriosa situación de allegalidá y anormalidá na que ta la llingua asturiana na universidá, quedando esti tipu de casos al debalu de la diosa fortuna, qu'unes veces da y otres quita, en cuenta de tener una llexislación curiosa y clara, que respete los derechos civiles.
Ye noticia que lo permitan, non porque lu presentara n'asturianu, sinón porque ye una realidá diaria na Universidá que tolos demás alumnos y alumnes que lo intenten -nesa y otres especialidaes, y en trabayos, esámenes, proyeutos y tesines- s'atopen con milenta torgues y amenaces graves de suspensu. Y eso ye lo triste.
Pero vamos, yo refierome a que delles vegaes pese a les torgues si que salen p'alantre esamenes o otra mena de trabayos na nuesa llingua y nun s'asoleya comunicáu nengún porque cola llegalidá vixente eso habría ser lo normal.
Yo mesmu esti añu fici una Memoria n'asturianu y aceptaronmela....
la noticia paezme que nun s'aceptare y dempués que gracies a la xestión se ficiere. hai que saber dar dalguna bona noticia sobre l'asturianu, y que nun seyamos siempre causa de conflictu.
salú
"Paez más que'l CUPA ta preocupáu por ser una organización pa dar publicidá a casos que-yos interesen"
Ay, si fuere solo'l CUPA...