Como yá anunciara la presidenta de l'ALLA, Ana Cano, nel so discursu del día de les lletres
l'academia algamara un alcuerdu con Google Llibros pa entamar a xubir el so fondu bibliográfica a dicha plataforma, eso sí, con vista restrinxida.

La plataforma inda presenta problemes como nun poder topar tolos llibros xubíos únicamente pola ALLA, na so estaya de busca avanzada "Editor: Amosar los llibros espublizaos por..." o qu'ente los idiomes a escoyer pa esbillar la seleición de llibros nun tea l'asturianu (dalgo que toi acabante de facer saber a entrambes organizaciones).

Yo soi de los de la opinión de que'l fondu de l'ALLA habría ser d'accesu llibre y de baldre... pero bono, menos ye nada y de xuro que va ser un bon preseu y un pasín más na normalización llingüística de la nuesa llingua siempre tapecida y siempre escaecida.

PD: Apúrrovos un enllaz d'un documentu que yá teníen disponible en pdf pero ye que paezme bono pa ilustrar el nuesu conflictu y significativu qu'esi documentu s'esparda y se conoza per dayuri gracies a esa plataforma.

¡Un saludu!