¡PERO CÓMO TIENEN TANTA CARA! ¡EN FIN, YÁ SABE USTÉ: EL VOTU ÚTIL! (PEQUEÑA REFLEXÓN SOBRE UN ARTÍCULU DE XUAN XOSÉ SÁNCHEZ VICENTE)
Les pallabres d'un míticu nesto del asturianismu provincianu viniéronme más d'una vegada al maxín no que cinca mesmamente a esa coalición-unión asturianista formada por PAS-URAS.
¿Cómo una organización política baxo'l mandáu d'un líder cimeru por obra y gracia de dios dende tiempos inmemoriables y que nun mueve un deu nos 4 años de llexislatura hasta les eleiciones, pue sacar más de 10.000 votos?.
Pues eso señor Sanchez Vicente, yá sabe usté, va ser too por un mal entendíu votu útil de dalguna xente que bien podría votar un proyeutu d'izquierda nacionalista pero que, sicasí, decídese y confórmase con tirar el votu p'hacia un discursu asturianista tresnocháu y provincianu. (Tamién ye verdá qu'otros munchos non y que cuando esi proyeutu esfarrape colarán pal PP, como yá ficieren otros...)
¿Solución?. Pues meyor sedría que se quiten d'en medio (políticamente too, claro ta) o entamen a trabayar en daqué productivo (renovación por exemplu) qu'en 2011, si o sí, entranos UPyD na casa y tenémosla toos ensin barrer...
Semeya: GyG
Tags: xuan xosé sánchez vicente asturianismu partíu asturianista asturies asturias elecciones 2011 UPyD URAS PP
Esbilla | 
del.icio.us
VITY
URAS-PAS pa casina yá! Dexái de dicir que si PPSOE-IU son unos "viende patries", y que si los demás somos "de too menos asturianos", mientres vós en más de 30 años nun salistis en denguna ocasión, nin por enquívocu, nes manifestaciones pola oficialidá. Namái tais empuercado'l movimientu asturianista, nun valis nin valísteis nin valdréis enxamás. Dexái de facer el pinín y colái pa casina. Apartáivos del camín!
Lo de malo de los "nacionaliegos" ye que son unos indocumentaos. La xente del PAs tuvo en toles manifestaciones pola oficialidá. Y nel casu de Xuan Xosé, aunque yo nun lu vote, reconózo-y que ta trabayando pola llingua dende cuantisimayá. Vamos que cuando él entamó tu nin nacieres tovía.
Amás, esi enfotu por "apartar del camín" tien un tufu insoportable a socialfascismu. Vós sois los que sobráis, los vagos que nun trabayáis, los presuntuosos que faláis un asturianu espantible y marcianu, lo qu'enllenáis de folla al asturianismu col vuestru radicalismu de pandereta.
¡Puxa'l mal! ¡Puxa'l Capital! ¡Puxa'l PAS!
toi con Galo, equí hai xente que nun tien "nin idega" de la hestoria d'esti país.
que trabayen, que faigan crítiques constructives pa facer ente toos una alternativa pa qu'Asturies nun desapaeza no identitario y meyore no económico y social.
Otra cosa, del Partíu Asturianista munchos dicen pela rede que nun ye nacionaliegu, y que ye de dereches. Toi fartu d'esto yá, pamidea sólo hai que mirar a munchos de los sos representantes como'l secretariu xeneral y el secretariu d'organización que foron miembros del CNA, ya otros militantes que foron del Ensame Nacionalista Astur, y de la Xunta Nacionalista Asturiana (y poro de la UNA) y fasta de la Lliga Asturiana pa que dellos zarraran la boquina.
Pero lo más guapu ye engochar, y creyese l'embligu.
dato: IAS tuvo col PAS faciendo fai unos añinos actos en comuña, como'l día de la Nación Asturiana....
Impórtame enforma poco lo que fexere Xuanxo, IAS, PAS, CNA, UNA, Xunta Nacionalista Asturiama y tola riestra muérganos políticos que nomasti ehí. La cosa ta sapozada y el país necesita un cambéu yá. Lo importante ye lo que faigan y faigamos agora. Y salir nuna concentración diciendo "viendepatries" a PPSOE-IU nun ye facer daqué productivo. Sacar diccionarios y haber militao-fundao Conceyu Bable nun sirve pa nada. Tenemos trenta años d'exemplu.
Post data: nun teo la culpa de ñacer cuándo ñací, poro qu'él llevare munchos años falando n'asturianu cuando yo naciere nun-y da nenguna cridibilidá.
Señores, tamos falando por falar, nesti país 1º tiramos la piedra y darréu entrugamos.
El PAS ye un partíu NACIONALISTA que nun s'identifica coles izquierdes nin coles dereches yá qu'hai militantes de dambes ideoloxíes, pero eso déxase de lláu porque equí lo importante ye ASTURIES, 1º hai que tener representatividá, y el PAS fo, ye y será l'únicu que tuvo y tenga posibiliá de tar representáu de verdá, dempués d'iguar lo nueso yá habrá tiempu pa dereches ya izquierdes.
La OFICIALIDÁ y el PAÍS son prioridaes del PAS ente otros asuntos, pa quien mos llamen provincianos deberíen mirar p'atrás a ver quién consiguió la Llei d'usu y promoción, que ye poco, pero ¡gracies! ensin el PAS y ensin esa llei taríemos ensin nada en qué garranos y por supuestu, vamos a toles manifestaciones pola oficialidá, dimos la cara pola oficialidá y somos abiertamente nacionalistes.
Xuntámonos cola URAS, cosa que nun faen otros "d'izquierdes", que prefieren tar dixebraos en 4 ó 5 partidinos que con suerte'l que más sacaría 4.000 votos, ye dicir, nada.
L'enemigu somos nós mesmos, a los asturianos danos igual que mos llueva o que mos mexen encima y nun quedamos contentos qu'ente nós tirámonos los trastos, pa 2011 anticípovos lo que va a pasar.
PAS-URAS va tar col escañu o cuasi colos 15.000 votos de media que saca.
El restu, a tirase los trastos a la cabeza y 4 años más de PSOE ensin sacar negún partíu más de 4.000.
¿ Quién sobra ? la tontería que tienen munchos ye lo que sobra y al final pagámoslo nós, los ASTURIANOS.
Salú, ¡ Puxa Asturies ! ¡ Puxa'l PAS !