# ...4LSKNDAÑSDDFUEÑASKLDALKNDAS.............
# ....8RASKLDNSALNDASLDKASDNASYA.............
# .....15SDKASDVAÑSLDJSLÑDJASJDA.............
# .......16VEVOLSALÑDASÑKLDAÑSKK.............
# .........23SLÑDASÑLDKAVER?SDSD.............
# ...........42SIVAVOLVEROPSDOSP......

FUEYA VA VOLVER? SI,VA VOLVER... Esi yera'l mensaxe escondíu nel -quiciás mui forzáu- comentariu que recibistis dellos blogueros y que la mayoría pensastis que yera corréu puxarra (según nueva terminoloxía del ALLA).

Pues bono, merez una esplicación que me quitará yá tola (poca) credibilidá que pudiera tener cuando me fui... y realmente nun hai nenguna, ye verdá qu'ayudaron los mensaxes de sofitu tanto nel blogue como a nivel personal y el videu de GyG (que grandes) pero remanar un blogue nel que muncha xente sabe quien yes ye dalgo personal y volví porque apetecíame volver, asina de simple, valdravos o non el casu ye que toi equí otra vegada pa, si vos peta lleeme... sinón encantáu de tenevos conocío.

PD: Como veis camudó un pocoñin el blogue, con una estética nueva na cabecera ya iguando'l fallu nel nome tolo que me foi posible, tamién amesté un enllaz al mio canal de youtube pa que vos soscribais y a la estaya de semeyes blanques que camudé de sitiu web (a Ipernity), tamién amesté nueves direiciones a los enllaces y quité otres que yá nun tán actives. Per últimu dalgo que nun notareis, pero al eliminar semeyes de flickr, posts anteriores quedaben güerfanos de semeyes asina que tamién tuvi qu'igualo...

Facevos saber tamién que voi intentar que la nueva etapa de fueyaenblanco seya con más trabayu y material propiu que copiar y pegar dellos enllaces como facía enantes.

Más nada.

¡UN SALUDU!