POR UN VLOGUE N'ASTURIANU
Sí, teneis lleío bien Vlogue con V. De xuru que dellos (o munchos nun sé) tais familiarizaos col términu. Pa los que non, ye una especie d'evolución de lo que ye un Blogue, fechu en formatu videu, ye dicir, ún o más autores van grabando posts sobre determinaos temes y como na comunidá bloguera se-y retruca bien con comentarios o con otra entrada en vídeu...
Dellos exemplos:
"CiudadanoTerrorista" ye'l nomatu escoyíu por un mozu anarquista qu'emite en youtube les denominaes por él "Emisiones pirata", vídeos de denuncia y crítica política con un toque d'humor ácidu.
"Andressolo" ye un gallegu, nacionalista desencantáu y que tien como máxima que respetar daqué nun quier dicir que nun-y faiga gracia. Tien videos en castellán, gallegu, inglés ya italianu.
"Jaumesclub" ye un vlogue fechu por dos catalanes "The Xuscos"...
En fin, qu'un video blogue da munches posibilidaes pal espardimientu d'una llingua na rede, vía youtube, si se fai con maxín pue servir tanto pa critica política, como pa dar un cursin d'asturianu o lo que-y pete a caún.
¿Anímase daquién?
Esbilla
del.icio.us
VITY
Home, quiciás el nome más afayadizu seya videolog, mesmo que fotolog y weblog (d'au vien blog). Pero nome al marxe, ye interesante esti tipu de manifestaciones y d'evolución de ferramientes de la rede (a ver lo que tarda n'apaecer un audilog).
Facer un audilog sedría como facer un programín de radio hehe.
Y bono, yo siempre lo vi asina "vlog o videoblog"...
Unu de los enfotos del nuestru blogue dende'l nuestru entamu ye'l d'empobinar la creyación y espoxigue de vlogues n'asturianu, un fenómenu mui grande nel mundu anglofalante del que somos siguidores hai tiempu. Tamos seguros de que yá queda poco pa qu'apaeza'l primeru, viendo la evolución de los videos n'asturianu na páxina YouTube.com: hai un añu y mediu apaeció'l primer videu non musical y anguaño yá son miles y ente toos pañen millones de visites. Cuando apaeza'l primeru, nós vamos da-y bona publicidá abondo.
Sicasí, yá tuvimos 2 videos que van nesi camin: el de la neña entrugando a los políticos y el de Delfo Valdés hai unes selmanes n'homenaxe a Nuberu. De xuru que ye l'entamu.
Nós llevamos tiempu camentando en dar exemplu pero tovía nun atopemos nengún collaborador-a que s'animare. Asina que'encamentámoste qu'abras fueu pela to cuenta, Vity ;)
P.D.: El términu inglés más espardíu (dafechamente l'únicu en YouTube.com) ye vlog, y vien de videolog.
Tuvi mirando pela rede, y ye cierto lo que camientes YeTube de que'l términu más espardíu n'inglés ye "vlog". Pero si te decates na pronunciación n'inglés de "vlog" ye más paecida a "flog" qu'a "vlog". Creo que n'asturianu, na fala oral, habría ambigüedá ente "blog" y "vlog". Poro creo más afayadizo almitir "videolog".
Pero vamos, too depende de los falantes...
Bona iniciativa. Prestome abondu'l vídiu del terrorista, fasta'l puntu d'inspirame nún llabor que toi faciendo anguañu.