ENTAMA LA EMISIÓN, EN GAÉLICU, DE BBC ALBA
La BBC estrenó esti vienres 19 la so nueva canal BBC Alba, qu'emitirá dafechu en gaélicu escoces, la llingua celtica llariega d'Escocia que falen más de 50.000 persones. Les emisiones de BBC Alba se pueden siguir al traviés de los satélites Sky y Freesat, y incluirán un informativu diariu a les 8 de la mañana, qu'entamará'l llunes viniente.
Sigún la vocera del nuevu serviciu, Margaret Mary Murray, BBC Alba nun ta pensada namái pa los falantes de gaélicu (si fuere asina, tendría una audiencia potencial enforma probetaya): «Naguamos que la canal tenga audiéncia per toa Escocia. Los nuestros programes tarán sotitulaos n'inglés».
Los estudios de la nueva canal allúguense nes illes de Sgitheanach (Skye, n'inglés) y de Leòdhas agus na Hearadh (Lewis and Harris), na costa occidental d'Escocia, asina como en Glasgow y les emisiones podrén captase en tol Reinu Xuníu. BBC Alba emitirá ente les cinco de la tarde y medianueche.
El financiamientu de la canal ta garantizáu pol Gobiernu escocés y pola propia BBC.
La ministra de Cultura del executivu escoces, Linda Fabiani, cuida que la puesta en furrulamientu de BBC Alba sedrá «llave» pa la promoción de la llingua gaélica porque, ente otres coses, fadrála accesible a escala nacional.
PRIMERA EMISIÓN:
Sitiu web: http://www.bbc.co.uk/alba/
Esbilla
del.icio.us
VITY
"La ministra de Cultura del executivu escoces, Linda Fabiani, cuida que la puesta en furrulamientu de BBC Alba sedrá «llave» pa la promoción de la llingua gaélica porque, ente otres coses, fadrála accesible a escala nacional."
YÁ PODÍA DEPRENDER LA TPA!!!
¡¡OFICIALIDÁ DARRÉU!!
"La ministra de Cultura del executivu escoces, Linda Fabiani, cuida que la puesta en furrulamientu de BBC Alba sedrá «llave» pa la promoción de la llingua gaélica porque, ente otres coses, fadrála accesible a escala nacional."
YÁ PODÍA DEPRENDER LA TPA!!!
¡¡OFICIALIDÁ DARRÉU!!
qué envidia me dan, perguapa la bbc ALBA, y qué diferencia cola mierda que nos dan na TPA (TELEPSOE-TINI) COLOS BABAYOS DE TERAPIA DE CHIGRE y demás pijos y faltosos.
L'El gaélicu-escocés nun ye oficial n'UK, y yá veis...
El gaélicu-escocés ye oficial nes Highlands.
En UK nun hai llingües oficiales.
Nin la llingua inglesa ye "oficialmente" oficial.
Polo que lleí per ehí, el cantar esti debe ser una especie d'Asturies de Melendi pero en gaélico. Ye una versión d'un grupu ochenteru d'estos de vaqueros nevaos, camisa abotonada hasta'l pescuezu y pelo a lo McGyver
http://www.youtube.com/watch?v=LOgEZbtg7dM
El primer videoclip en gaélicu escocés.
D'otra manera, allégrome nel alma de que los gaélicofalantes tengan una emisión de tanta calidá.
¿Anque en realidá ye como si TVE ficiera una canal n'asturianu, non?
Vity tu punxisti la noticia, trendíes que sabelo xD xD. Creyo que sedría dalgo paecío a eso. Si daquien sabe que ye y ye dalgo diferente qu'esto que lo diga, porque'l saber nun ocupa llugar. Taría bien que yá seya TVE xa sía RTPA ficierenn daqué sameyao (dao que tener una televisión nacional n'asturianu dafechu ye dalgo entá perdificil).
Sí, la BBC ye lo mesmo q TVE (la televisión pública estatal). Ye asemeyáu a lo q fai RNE, tien R-1 (xeneralista), R-Clásica, R-3 (música alternativa) y R-5 Todo Noticias, qu´emiten en castellán pa tol Estáu, y llueu ta R-4 qu´emite dafechu en catalán pa Catalunya.
Anguaño nun sé como ta la cosa (por tolos que despidieron de TVE pa recurtia gastos), pero amás d´emitir los informativos territoriales (el nuesu Panorama Regional) nes llingües oficiales (anque n´Euskadi ye en castellán y col sumariu n´euskara) emitien pela 2 pela tarde (ente les 19.00 y les 21.00) programación en desconexión nes otres llingües oficiales. Asina, en Catalunya hasta fai poco (agora nun sé si sigui polo que vos dicía) tovía podíen ver "Cifres i lletres" o en Galiza ver la serie de dibuxos animaos "Marcelino, pan e viño" na so llingua dempués de que fora emitida pela 1 en castellán.
Amás, lo del cantar del entamu ye asemeyáu a lo q fizo la TPA, pero equí con más medios y queriendo llegar a la xente al traviés d´un patriotismu nidiu y despolitizáu (la llingua, el paisaxe, los neños caminando haza alantre). Digo q ye asemeyáu porque deben ser toos músicos de grupos escoceses en gaélicu, dígolo porque una de les que sal ye la cantante de Capercaille
coime qué informáu tas!!