¿LES LLENDES DE LA NACIÓN ASTURIANA?
1.- Pel Norte: la Mar Cantábrica.
2.- Pel Sur: la Cordalera Asturiana y la vertiente o divisoria d'agües.
3.- Pel Oeste: el cursu enteru del ríu Eo dende'l so nacimiemtu en Fonteo. Hasta l'añu 1954 pertenecen a la Diócesis arzobispal d'Uviéu los grandes arciprestalgos de Navia de Suarna, Burón y Grandas de Salime (incluyendo "las Terras de Fonsagrada" y Negueira) y los cartógrafos antiguos asina lo amuesen como parte civil integrante de les Asturies occidentales.
Pero la inclusión nel marcu del ethnos requier dellos datos más que los de les llendes polítiques. Estos datos vienen daos pola presencia d'arquiteutura popular asturiana, pola tipoloxía constructiva de les ilesies, pola hestoria, pol elementu llingüísticu común al restu del Navia-Eo, esto ye, la variante galaicoasturiana, y tamién pol elementu xeográficu y de vertiente. El territoriu del valle del Altu Navia configura una xuntura xeográfica y cultural a la que pertenecen los valles de Valouta, Ibias, Lamas, Suarna y por supuesto Negueira de Muñiz, conceyu esti esgayáu de Fonsagrada qu'ocupa les dos riberes del Navia nel so cursu mediu y la del ríu Ibias nel so cursu baxu.
Dientro de los elementos conformadores del ethnos amás de la variante galaicoasturiana rescampla ún sobremanera: a partir d'estos territorios y hacia l'este preséntasenos l'ambitu esclusivu de les construcciones nomaes de teitu de paya, presentes sólu dende l'Altu Navia y Ancares hasta Cabrales como un elementu más del ethnos carauterísticu y peculiar. Les agües al Cantábricu y l'elementu montesín al este del ríu Eo configuren un paisaxe nel que s'asocia la idea de Les Asturies col monte y colos pequeños valles del Navia y del este del Eo, mentanto que la idea física de Galicia asóciase a la tierra llano, a les tierres y agües del Miño. Siendo l'Eo un espaciu de llende idiomática, xeográfica y hestórica nuna zona especialmente permeable y periférica del ethnos como lo ye ésta nun hai más referencies llendantes que les que mos permitan afirmar la plena presencia hestórica del ethnos d'Asturies nes tierres de Ripa de Ove, Grandas, Oscos, Fonsagrada, Negueira, Burón, Navia de Suarna y Valouta.
4.- Pel Este: los montes que llenden el valle del Nansa. El Picu Tresmares.
Videu y fonte del testu de: RTVD
Aclaración: Equí nun hai nenguna opinión personal del autor d'esti blogue sobre'l tema, sinón un "copiar y pegar" del testu que topé y del videu p'abrir l'alderique, a poder ser ensin esbabayar, por favor.
-------------------------
Amestadura: Pa los que creen qu'esti tema nun tien nengún interés, nin alderique posible nengún, da la casualidá de que daquién dexó un comentariu anónimu en Glayíu, falando por mor de la visita del presidente español a Colláu Ḥermosu, p'afitar la so asturianidá:
Yo como Valdeones quiero decir que Colláu jermosu si es asturianu. Quizas no politicamente(lamentablemente) pero si cultural e historicamente. Mi abuelo era hablante de asturianu ,cosa que lamentablemente se perdio entre mi padre y yo, pero las historias que el contaba sobre los chorcos(trampas para cazar lobos) ,en los que mi familia estuvo siglos participando, siempre eran rematadas con : "é que los asturianos somos xenti duru". Tampoco se puede negar que los valdeoneses estamos mas a gusto de Cabrales hacia arriba que de Riañu hacia abajo.
No quiero entrar en el tema historico porque todavia no se como Asturias renuncio a territorios historicamente Asturianos y asi tsacianiegos, calpudios, Babianos, llebaniegos quedaron a su suerte divididos de la madre patria y en el caso de los "leoneses" marginados en una comunidad que solo mira para su meseta.
y como decia mi agüelu: ero asturianu!!!! puxa Asturies!!!
Saludos.
Tags: nación+asturiana llendes asturies asturias territorios+históricos
Esbilla | 
del.icio.us
"ASTURIES YE GRANDE COMO UNA MONTAÑA" Puxa Asturies Roxa y Llibre!! Puxa la República Asturiana Socialista y Soberana!!
Nin Roma, nin los Visigodos, nin los moros, nin los españolistes, nin los franceses, nin los fascistes foron quien pa con NÓS
¡¡Puxa ASTURIES DIXEBRÁ!!
Impresentable. Esto ye impresentable. Nun podréis dedicavos a coses más importantes los de la UNA, que falta fae, qu'a facer mapes imaxinarios?
...nin el mio blogue ye de la UNA -magar que delles vegaes ponga noticies d'esi partíu-, nin el mapa inventelu yo. Namás amesté la imaxe, el testu (que nun ye míu) y el videu (que tampoco). Cito la fonte como referencia a ello. En nengún momentu amueso la mio opinión personal nel testu sobre'l tema.
Los blogues sirven p'abrir alderiques sobre delles cuestiones y poro, fici esta entrada...
¿Tienes dalgún argumentu escontra estes llendes?, ¿nun te presta abrir esi alderique? ¿o namás pases per equí a esbabayar?
Nun podemos escaecer que nel nacionalismu asturianu siempre esistió la vindicación de futura anexón de lo que se llamen "territorios históricos", colos que se pue tar más o menos d'alcuerdu. Toi seguru qu'otra xente añadiría más territorios a esi mapa, mesmo que tu y muncha otra xente (según entiendo pol comentariu que dexasti) dexaría'l mapa como ta.
Un saludu y pa próximos comentarios agradeceríate qu'aselares les formes.
PD: Si tienes dalguna dulda sobre'l trabayu de la UNA entra nel so web y comentalo.
Yo creyo qu'agora mesmu yá tenemos bastante colo que tenemos y qu'esti nun ye'l momentu de ponese a facer una "gran Asturies". Per otru llau, pa mín tendría muncho más xacíu poner L.laciana y Babia (que nun tán ehí reflexáes) qu'una parte de la provincia Lugo.
Paezme un trabayu interesante dende'l puntu vista cultural. Presuponemos que los asturianos persabemos d'esti y otros temes y nun ye asina. A parte de cuatru tópicos y un puñáu folcloraes tenemos bastante desconocimientu de tolo de nueso.
El tema ye que les tierres lucenses baxo domeñu'l preláu d'Uviéu yeren lo que son, gallegues, y siempres taben n'enterriu de cutio con Asturies. Por eso mesmo, cuando Alfonso VII de Castiella punxo fin a esti enterriu escontra'l sieglu XIII, devolviendo a Lugo les tierres fasta l'Eo, la tierra de Ribadeo (Navia-Eo) quedóse n'Asturies por mor de la enfluyencia del monesteriu de San Xuan de Corias (Cangas del Narcea) quieni mandaba cuasi de xeitu direchu a Castropol, y ésti al empar a les tierres cultural y hestóricamente lucenses, d'ehí qu'en gran parte de les tierres del Navia-Eo calténgase l'escudu de Castropol nel cuartu soperior drechu de so respeutivu escudu. Llueu, étnicamente falando, destaca la presencia de cabazu/cabaceiro (l'emplegu de la cayuela, teya o la paya como atubiu nun ye relevante, pos depende del mediu y la capacidá económica familiar, hai 200 años índa había atubios de paya nel oriente y nel centru) y llingüísticamente, la presencia'l eo-naviegu (que nun dexa de ser gallegu entemecíu col asturianu occidental). Nun escaecer que les tribus de cibarcos, albiones y egobarros, qu'allugábense na riba esquierda'l Navia yeren galaiques.
En cuantes al oriente, los conceyos de Peñamellera baxa y alta y Ribedeva nun pertenecieron nunca a Asturies (políticamente, nun eclesiásticamente) fasta 1833, polo qu'en 1834 soliciten retornar a Cantabria, petición que sedrá denegada.
Amás, les tribus llariegues de vadinenses u orgenomescos yeren cántabres, y l'asturianu oriental/cántabru entama dende'l Sella, la mesma llende.
Si hai dalgún conceyu que tendría razón d'integrase n'Asturies esos son los de Vavia, L.Laciana y Omaña.
DENIS -> fore como fora la hestoria, Ribedeva, Peñamellera baxa y alta, lo mesmo que Vavia, L.laciana y Omaña, siéntensa asturianes y por eso tendríen que tar n'Asturies, lo mesmo que zona Navia-Eo y dempués del Eo non, porque la xente siéntense gallegos.
¡¡PUXA ASTURIES ROXA Y LLIBRE!!
¡REPÚBLICA ASTURIANA SOCIALISTA Y SOBERANA!
Denis: esistió una cosa llamada Reinu d'Asturies. Écha-y una güeyadina al tema. Va aclarate munchu les coses
Un reinu qu'aportó fasta tierres vascones...pero la nación asturiana ye otra cosa bien estremada.
Nación política nun significa nin nación cultural nin étnica. ¿Acuéi?
Denis nun sé si sabes que la nación ye dalgo cultural y étnico; la nación política que tu dices ye una PAÍS y asturies ha ser les dos: un país estremáu de los demás yuna xuntanza de tola cultura, llingua, vezos, costumes y tradición asturiana.
España ye una nación política, pero non una nación cultural nin étnica.
El reinu d'Asturies, con eses llendes, tampoco ye una nación cultural nin étnica(ésta cabera la menos importante pa encartichar a un pueblu).
Pa qu'Asturies algame estatus de nación política per aciu la democracia habremos de facelo tamién y namái, dende una nación cultural.
Esto yera lo que buscaba, gracies.
El términu nación ye ayén a la política. Estáu ye la pallabra que fae referencia a esa xunidá política de la que falais. La nación ye la que fae referencia, por contra, a esa xunidá cultural, hestórica y social de la que tamién falais. España ye un Estáu, Asturies una nación.
Mino-> y dalgunos esperamos qu'Asturies tamién seya un estáu y una nación.
PUXA ASTURIES DIXEBRÁ!!
¿ Que Peñamellera y Rivedeva nun pertenecieron nunca a Astruries? A ver home, a les Asturies d'Uvieu hasta 1233, pa depués ser integraes nes Asturies de Santillana, de lo que enxamás formaron parte ye de Cantabria. Y nunca solicitaron la so integración en Santander, lo que hubo fué una petición d'un santanderinu (Hipólito Hoyos) que años más tarde sería diputau pola provincia y que tenía los sos oríxenes en Ribedeva.
Pa mi la nación (histórica) asturiana fórmenla los territorios que, a diferencia d'otros del reinu, anteponíen el nome de Asturies, esto ye Tinéu, Uvieu, Santillana, Tresmiera y Santa María de Portu, o lo que ye lo mesmo, les actuales Asturies y Cantabria.
A ver, en términos "científicos" y "xudíricu-políticos" los estaos son llamaos naciones polítiques (soberanía caltenida polos ciudadanos de estáu, que nun han perqué ser del mesmu pueblu). Esti ye por exemplu el casu de Francia, Bélxica o España. Una nación cultural sin estáu/nación políticu/a ye, por casu, el Kurdu, el Mapuche, el nuesu...La nación (política, xudicial, cultural, etc...) nun significa "pueblu" o "etnia" necesariamente, por importancia ética ésta tendría de tar supeditada al pueblu nel sen políticu, y al empar tendría de ser la mesma que la cultural.
La relatividá del términu nación fai que seya, a lo menos pola mio parte, daqué inventáu pa xustificar un estáu determináu (seya o non xusto y coherente).
Y sí, oxalá Asturies seya dalgún día un estáu, supeditáu al nuesu pueblu, con tolos drechos y llibertaes. Pero nun sólo Asturies, ensinón tolos pueblos que nun gocien d'autogobiernu.