EQUÍ VA COMETESE UN ATENTÁU
...UN ATENTÁU CONTRA LA LLINGUA ASTURIANA.
Autores: los diputaos y diputaes del PP y del PSOE que van votar en contra de la oficialidá del asturianu na reforma del Estatutu d'Autonomía.
Víctimes: la llingua asturiana y la xente que quier usala llibremente y colos mesmos derechos que'l castellanu.
Inductores: "intelectuales" yá un poco ranciucos y "personalidaes" provincianes que tienen d'adoradores y llambeculos del PP y al PSOE y qu'usen el púlpitu de los periódicos llocales pa dicir la primer mentira, babayada o chiste ensin gracia que se-yos ocurra contra lo que nun ye otro qu'una aspiración democrática: que naide pueda ser discrimináu na so propia tierra pola llingua que fala.
Esti diba ser l'últimu post del branu que diba quedar equí un mes y mediu o asina, pero creo que nun voi ser quien a tar paráu tanto tiempu ensin esbillar babayaes de LNE o coses asina. Poro, propongovos qu'espardais el cartelu qu'anque nun ye una campaña actual nun creo que tea de más resucitar, teneis el cartelu orixinal enllazáu no primero d'esti post y a la mandrecha teneis un avatar enllazable a los blogues qu'al calcalu lleva a la mio cuenta de semeyes en flickr onde pon la esplicación embaxo.
Un saludu.
Tags: "llingua asturiana" asturianu bable oficialidá asturiano "lengua asturiana" "asturian language" "equí va cometese un atentáu"
Esbilla | 
del.icio.us
VITY
