La imaxe perfeuta pa l'actual dómina del consumidor que vive nel so interior adautándose a los sos códigos. La so personalidá flexibilízase p'adorar marques comerciales de comida basoria, priendes de vistir, coches, etcétera.

Nel so interior afítase'l camudamientu del ciudadanu en fatu social. Ye'l procesu d'atomización y perda d'identidá coleutiva. La sostitución de la memoria social pol deseu de mercar y l'autismu individualista. Con esa lóxica, los políticos axuntos a esti orde traten de producir el mayor númberu de fatos sociales posibles. Busquen dar continuidá al procesu. Los consumidores han de se sentir nun paraísu terrenal. El retornu del Idion aristotélicu...". Nesi mundu, les espeutatives, los deseos, les esperances, los oxetivos de cambéu, y les depresiones supérense individualmente.

La igua ye satisfacer l'angustia per aciu de la compra y venta d'oxetos disponibles en tienes y nel maxín. Si a ún lu acosen nel trabayu, si lu despiden, si violencia de xénero, si esplotación de clase, si allienación social, nun actúe coleutivamente. Nun se proponga un proyeutu alternativu de lliberación, nun critique'l sistema. Nun aluda a los mecanismos de dominación. Igüe'l problema pela vía individual. Presente una quexa na oficina del consumidor o vaya al centru comercial más próximu, merque una camisa, una corbata, tíña'l pelo y camude de peináu. Si ta peragobiáu y necesita desfogase termine faciendo yoga nel mesmu centru comercial. [...]

Lleéi'l curtiu ensayu del sociólogu Marcos Roitman. EQUÍ

Un saludu.