FELECHOSA SOBRE LA LLINGUA: "SOMOS UNA MINORÍA, PERO MÁS MINORÍA SON LOS TRANSEXUALES Y LOS SOS DERECHOS FORON RECONOCÍOS".
Esta noticia asoleyala "El Comercio" que señala que la entrega de los Premios Uviéu "calentó el sentir bablista del concejal de Cultura de Oviedo, José Suárez Arias-Cachero, 'Felechosa', que hizo sus primeras armas en las fuentes del asturianismo y ahora es edil del PP".
Y ye qu'"alliniase" cola presidenta de l'Academia de la Llingua, Ana Cano, y defender la normalización del asturianu como única forma de defender una de les señes d'identidá "rexonales" y que la oficialidá quede recoyida na reforma l'Estatutu d'Autonomía ye demasiau pa esti periódicu, nun son a entendelo.
Amás el conceyal peperu aseguró que ta "tratando de convencer a los responsables del PP de que tenemos que dar un paso adelante" y "aprovechar la oportunidad histórica que supone el futuro Estatuto", son, al so mou de ver (y al de toos), los socialistes los que más torgues ponen al llogru de la oficialidá (anque ta por ver a la hora de la verdá lo que votará'l PP).
El políticu refirióse a los dirixentes del PSOE como "apóstoles de la multiculturalidad progre" (xD), que dediquen más esfuerciu y tiempu a defender otros patrimonios "rexonales" que'l llingüísticu. Poro, convidó-yos a "defender la llingua con la misma decisión que están defendiendo al oso pardo cantábrico". (recordemos l'espectáculu bochornosu de Furacu, Paca y Tola.)
A sabiendes, según El Comercio, de que los qu'emplegamos l'asturianu nun somos mayoría, pero sí más qu'otros coleutivos discriminaos que tienen algamaos los sos oxetivos, Felechosa espetó la fras cola qu'abro esti post, que "somos una minoría, pero más minoría son los transexuales y sus derechos fueron reconocidos". Arriendes sinte menoscabaos los sos derechos y los d'otros que como él que quieren falar asturianu y, tamién, "hacer un testamento, una compraventa o la declaración de la renta". "El asturiano, sin el marco normativo que pasa por la oficialidad, no tiene valor jurídico", afitó'l conceyal.
Pallabres mui guapes, tou mui bien (anque igual el comentariu de los transexuales ye desacertáu), pero vuelvo repetir, a la hora la verdá a ver cual ye la posición del PP, que nun hemos escaecer, son los de la tía Nemesia.
Un saludu.
Tags: asturiano bable llingua lengua dialecto asturianu oficialidá
Esbilla | 
del.icio.us
VITY
¿Pero los de la tía Nemesia nun tán agora n'ASIA? Haha. Hai que reconocer el valor d'esti paisanu, dando la cara y siendo fiel a les sos idegues (non comu otros —Allende, valga l'autocrítica—). Una llástima que nun comulgue cola so idioloxía, pero lo que ye dignu de reconocer asina seya. Por desgracia, camiento que'l PP nesa futura votación que se faiga alrredior de la Oficialidá va "abstenese", digamos, a adoptar una postura media, esa famosa "oficialidá ensin obligatoriedá" tan guapa que mos quieren implantar n'Asturies y que pamidea aprebarán colos votos d'IX y PP. Ye la postura fácil y más cómoda.
Bonu, al menos se dará un "pequeñu" pasu más al favor de la llingua, anque de tantos pequeños pasos vamos acabar tóos "emboliaos".
Ah, y otra cosa, el comentariu sobro los tresexuales nun me paez nada desafortunáu. Nun lo veo como un ataque haza esti coleutivu, sinón como una crítica a la doble cara del "pseudoprogresismu" del PSOE, principalmente.
Pa otru post queda'l comentariu sobre la Uiquipedia "Arias-Cachero alegó también que "mientras no haya oficialidad en la Concejalía de Cultura asumimos el compromiso de seguir haciendo normal lo que ya debería ser normal", con la publicación en asturiano de documentos y la traducción de los programas de zarzuela y las exposiciones. Y como ejemplo, apuntó que la Uiquipedia ya cuenta con 11.381 entradas, según indica el propio portal de la enciclopedia en asturiano de la red que ocupa el puesto 75 del ránking de las 255."
Voi poneme en contautu cola Conceyalía a ver si realmente se dixo eso, porque insinuar que la Uiquipedia ta sofitada pola conceyalía de cultura d'Uviéu...
Home, cuido que lo de que se pueda dar a entender que la Uiquipedia tea sofitada pola conceyalía de cultura tien más que ver con una redacción revesosa que con que lo dixera el conceyal. De toles maneres, el comentariu de los transexuales nun m'acaba de convencer porque paez que nun cuenta colos transexuales asturfalantes, como si esto fuere cosa de tribus urbanes o dalgo asina.
Una curiosida mia; de quien ye la idega de axuntar eses dos fotos?
Nun ye la primer vez que se faen estes comparaciones odioses, sobre tou viniendo del representante d'un partíu que tien unes postures contra la llingua y contra los LGTB tan nidies.
Pero eso munchos y munches prefierenlo inorar.
Según les mies fontes Felechosa in person ye editor habitual na Uiquipedia
Taría bien que citares les tos fontes y el so nome d'usuariu...xD