UNIDÁ AFIRMA: "CCOO y UGT RINSE DE LOS ASTURIANOS"
Unidá afirma que CCOO y UGT 'rínse de los asturianos' al defender Soto-Penagos el Primeru mayu.
Unidá consideró güei 'llamentable' que CCOO y UGT, defendan el primeru mayu un proyeutu que perxudica a la mayoría social y namás beneficia a unos pocos como ye la llinia llétrica Soto-Penagos, según informó la coalición per aciu d'una nota de prensa. Unidá anunció nueves denuncies y movilizaciones nes prósimes selmanes.
El voceru de la estaya de Mediu Ambiente d'Unidá, Tino Fernández, manifestó que dende la coalición nacionalista 'llamentase fondamente la perda de valores y de papeles de los sindicatos mayoritarios espeyaos na so defensa de posiciones opuestes dafechu al interés de la sociedá asturiana, como la defensa de la construcción de Soto-Penagos'.
El responsable d'Unidá afirmó que la defensa de la llinia Soto-Penagos obedez non al interés xeneral de la sociedá asturiana sinón única y esclusivamente a la defensa de los 'intereses de determinaos grupos económicos, que preconicen un modelu depredador, que nun xenera valor añadíu'.
Según Fernández, 'esta defensa namás que ye entendible dende la perspeutiva del pautu de silenciu imperante n'Asturies y nel que tán inmersos los sindicatos mayoritarios, a los que nun-yos importa traicionar los intereses de los trabayadores con tal de perpetuase nun estatus dende'l que puean formar parte de les élites que controlen el repartu del pastel n'Asturies'.
Nesi sentíu Fernández recordó que 'el Ministeriu d'Industria Español clasifica a Asturies como zona de prioridá baxa pa la instalación de nuevos centros productivos d'enerxía' y que 'la concentración de centros productivos d'enerxía, como nel casu asturianu, tien consecuencies negatives pa la salú de los ciudadanos.
Amás, continuó Fernández 'los centros productivos d'enerxía planificaos p'Asturies xeneren perpocos puestos de trabayu y sólo tienen como misión convertir de nuevu a Asturies nuna tierra xeneradora d'enerxía pal desendolcu d'otros territorios, nos que, en munchos casos, coticen les empresas que se van enriquecer a costa de la nuesa salú y el nuesu mediu ambiente'.
---------------------------------------------
Un saludu.
Esbilla
del.icio.us
VITY
"UNIDÁ AFIRMA QUE CCOO y UGT SE RIN DE LOS ASTURIANOS"
Normes Ortográfiques DALLA
"4.3 Casos de proclisis
La proclisis del pronome átonu pue producise en delles circunstancies que s'especifiquen darréu.
a) Presencia d'un trespositor oracional.
El pronome átonu tien de dir proclíticu al verbu si la oración de la qu'esti ye nucleu va encabezada por un trespositor oracional (ver XXV.2), nun importando de cuála mena ye esi trespositor nin a qué categoría trespón la oración.
Y asina, dase proclisis nestos casos:
- N'oraciones trespuestes a sustantivu per aciu de la conxunción que. Exemplos: que nos engañó ye cosa perclara; el periódicu diz que-yos faen un homenaxe (...)."
Sicasí, a mi prestábame más una redaición asina:
UNIDÁ AFIRMA: "CCOO y UGT RINSE DE LOS ASTURIANOS"
(Al quitar el trespositor, el pronome ye enclíticu otra vegada).
Nota: Verbu rir.
- Presente d'indicativu: ellos/elles rin
- Pretéritu imperfeutu: ellos/elles ríen
Un saludu
Otra bona forma de facer el pronome enclíticu nesti casu ye l'emplegu de comines, como nel subtítulu.
Gracies correutor.
Dame la impresión de que namás vienes al mio blogue a correxir...nun soi l'unicu que tengo faltes. xD
Pepe lleva tola vida reprimíu pol castellanismu.
L'ayuntamientu u reside Pepe saca impresos n'asturianu. Présta-y, garra ún y rellénalu.
Al cabu d'unos díes Pepe recibe una comunicación onde se-y diz que-y rechacen l'escritu n'asturianu por tener faltes.
Pepe va al ayuntamientu, garra un impresu en castellán y resuelve asina'l problema.
Antes Pepe tenía un problema. Agora tien dos.