Cumpleaños retrasáu
Toi como una teya, nun m'alcuerdo nin del mio cumpleaños...Que sepais qu'esti blogue cumplió ayeri 1 añín, depués de camudar de nome trés vegaes equí sigue, con unes 12.000 entraes -dende marzu del añu pasáu que punxera'l cuntador- feches dende tolos requexos d'Asturies, d'Europa y cásique del mundu porque un faltó país del continente sudamericanu que nun entrare a esta fueya, les visites de Xapón foron bayuroses (por mor del videu del grupu xaponés que xubí) y nes nueves estadístiques (les de Nireblog) apaez como'l segundu país d'au más visites recibí, siguiendo-y los Estaos Xuníos. Como datu anecdóticu nesto de les visites ye que na época de los especiales sobre Cándido y Morala recibí visites constantes y amás a la mesma hora del "Gobierno del Principado de Asturias" que de xemes en cuando vuelven a apaecer pela páxina d'estadístiques, tamién se paseó per esta humilde fueya'l "Ministerio del Interior".
Y en cuantes a lo que se suel facer nesti tipu d'anversarios, que ye falar un pocu de como s'entamó'l blogue y tal, pos dicir sinceramente qu'entamé por aburrición, tenía tiempu llibre y punxime a trastiar col blogspot pa ver qué yera eso de los "blogs", la intención de facelo n'asturianu taba clara dende un entamu pero la temática foi'l tiempu'l que me la marcó xubiendo les tornes de noticies que me prestaben o llaborando los mios artículos d'opinión o sobre un tema determináu, como pue ser l'altermundismu o l'internacionalismu, amás como militante que soi la llista de convocatories rescamplaes nun podien faltar, d'ehí xurdieron llueu les cróniques d'esos actos que tantes visites me daríen...
Y bono, más nada, esto que veis toi acabante d'escrbilo de siguío y ensin aparame a revisar lo escritu, pero paezme que queda más espontaneu y ye qu'esto de les cellebraciones nun va conmigu...
Como siempre...Un saludu.
PD:La semeya ye cutre de coyones pero faime gracia xD
Esbilla
del.icio.us
VITY
Felicidaes compañeru. Que siga cumpliendo munchos más esti blog pel que dacuando presta pasase. A siguir asina ;)
Felicidaes. Ta bien que vayan cayendo los años pola nuesa blogosfera.
Lo de tener vistes del gobiernu del principáu, nun quier dicir nada. Yo teo un collaciu que trabaya nun hospital y ye lo que sal cuando entra nel nuesu blogue. Nun ye Tini :-D
Pues comu cabudañu que ye, doite la suxerencia de dedicar más tiempu a escolingar vídios de grandes films, please, que la xente ta perdienedo'l sentíu del arte (especialmente ochenteros: El Clú de los Cincu, Los Goonies...).
Ánimu y a siguir!
Felicidaes y que siguas llantando llinies nesta fueya en blancu per munchos años más (y escolingando vidios de toles concentraciones y lluches d´un país que nun quier dexar de selo).
Lo de les visites a vegaes ye ablucante, hubo una época na qu´a min me visitaben muncho dende Vietnam ¿¿??. Ultimamente tamién dalguna del Grupo Prisa. ¿Ficharáme Gabilondo pa co-presentar el telediariu?
Falando de grandes películes y viendo que los que salen na semeya son zombies (non?) taría bien un pequeño homenax al mayestru George Romero, por pidir...
¡Los Goonies, qué mítica, de guah.e vila como ochenta veces!
Ta bien, a pidimientu popular, el prósimu post sedrá sobre cine hehehe, munches gracies a tolos pol ánimu.
Pues sí, una obra maxistral (como munches otres d'esta década y l'anterior -70-), y por munchu que la veo sigo quedando igual d'ablucáu que siempres. Amás, ye impresionante la capacidá actoral d'esos rapaces (por aquél entós, claru -1985-). Pónseme la carne de pita namás d'alcordar la mió infancia más cea viendo aquello, INCREÍBLE, y ye que los ochenta foi una era que marcó la hestoria y qu'a más d'un debería de facé-y reflexonar, porque'l espíritu d'estos años -y que se representa na música, cine, etc. de la época- ye'l espíritu lluchador, progresista, comunitariu, etc. que debería de tar impuestu anguañu, y por desgracia perddiose pa cayer nuna sociedá totalmente indiferente, que nun escucha y que se dexa pisotear de continu; una pena.
¡¡PUXA LOS AÑOS OCHENTA!!
¡PUXA! xD
Home, tamién foi la época de la reconversión industrial y les drogues dures, l´aparición del SIDA... Ye verdá que tuvo q ser prestosu vivir esa época y ver los importantes cambios hestóricos que se taben produciendo nel Estáu, n´Europa y nel mundu. Por exemplu tola cultura alternativa y urbana qu´españó n´Inglaterra nesa década, pero tamién aguantar el gobiernu de la "dama de fierro"... Ca dómina tien les sos cose bones y males.
Y na música según se mire, mientres en Madrid Alaska dicía que quería ser un bote de Colón n´Euskal Herria ñacíen Kortatu y n´Asturies Dixebra facía´l so primer ensayu (por ciertu´l pasáu día de reis los más grandes cumplieron 21 años). A min cafíame a esgaya lo de que si la movida o la dómina dorada del pop español cuando na "periferia" (como diríen ellos) se taba cantando a una realidá permurnia que pasaba na cai y afectaba a la mayor parte de la mocedá. Anque supongo que tu nun lo dirás pola movidá ;P más bien falaras del punk, del ska... de tola música que vinía de les Islles Britániques como los mitiquísimos The Clash.
No del cine si ye verdá, Blade Runner y les pelis cutres de serie B, Vienres 13, Pesadiella n´Elm Street... (agora namás qu´hai remakes y segundes partes nes carteleres) y na televisión yá nin te digo (series como V que la echaron fai poco na Cuatro), dos canales y había muncha más variedá que la mierda d´agora. Bono, según cuenten qu´a min pillóme mui mozu y yo taba zucando teta cuando La Bola de Cristal ;)
¿Y Willow nun te molaba? yera de les mios favorites y tovía la tengo per casa nuna cinta de VHS.
De xuru que va prestate esti blogue;
http://cinedelos80.blogspot.com/
Pues sí, ta bastante bien el blogue en cuestión.
Respeutu a lo de la gloriosa década... equí hai munchíiiisimu que rascar y podríemos nun finar de falar nunca. Yo camiento qu'hai de velu con una perspeutiva siempres internacional [y ye que foi una época mui internacionalista y al mesmu tiempu con una mocedá mui antiglobalizadora (polo menos nel sentíu macroeconómicu) y lluchadora-PENSANTE].
Evidentemente, el nacionalismu español que mos gobierna (y que ye más fundamentalista que dengún otru moniritariu) fizo que sonare munchu más la música española que la internacional, cuandu en munchos casos nun daba nin con munchu la talla. Sí bien ye ciertu que'n Madrí foi la nomada Movida Madrileña lo que ruló per esos años en tóo'l Estáu (por mor de lo que dixe enantes, creo yo), a min nun me llama munchu l'atención (que nun ye pola Movida polo que yo adoro los ochenta vaya). Cuandu falo de los ochenta falo d'un españíu cultural urbanu d'una envergadura fascinante y en tolos artes, pero siempres internacional, y mui claramente nel cine y la música -suxetu a un cambéu de mentalidá-; evidentemente'l fervideru d'esto nun s'atopa nel sur d'Europa, si bien tamién hebio les sos glories, naide lo ñega. El fervideru s'atopa nes Islles Britániques con Reinu Xuníu a la tiesta y por antonomasia Inglaterra, o n'EEXX (y esencialmente la costa este con Estaos como Massachusetts -ehí tea'l míticu Boston-, Philadelphia u otros de referente -o tamién California al otru lláu, por supuestu, un casu un tantu aparte-).
Nestos años se cultivaríen tolos nuéos estilos/tendencies apaecíos fasta entós a lo llargu de les trés décaes anteriores (especialmente nos setenta), y ye que si queremos entender los '80 tenemos de remontanos al final de la Segunda Guerra Mundial, con una Europa asolada poles bombes, a lo que le siguiría por consecuencia una involucraciuón total de la sociedá por camudar la situación -y una consecuente xunión socio-cultural col hemisferiu norte del continente al otru lláu del charcu-. Ye como si tuvieses escalando un monte enorme: partes de la bas -los '50 tres la II GM: véase'l referente de Jimi Hendrix- y entames a avanzar fasta qu'entames a ganar altor -los '60 con The Beattles-; entós sigues y t'entamnes a averar a la cima -los '70, onde terminaríen ñacer cuasi tolos nuéos estilos musicales y el meyor grupu rock de la hestoria: Queen- y finalmente la cima, onde cumes el monte y ves tóu baxu los tos pies -los '80, onde se cultivaríen tóos estos estilos musicales aparte de ñacer dalgunos otros, y lo mesmu colos grupos que lo prautiquen, claru (la música ye'l fautor onde meyor reflexáu se ve'l cambéu de mentalidá, por eso falo d'ella como exemplu)-. Pero lleguen los noventa y entamamos a baxar el monte (evidentemente los primeros años d'esta nuéa década siguiría esistiendo una gran "espíritu ochenteru", por dicilu asina: películes comu Eduardu Manes Tixories o series televisives comu'l Príncipe de Bel Air, pero que seríen lo caberu de lo caberu), fasta que llegamos a los 2000 con una sociedá completamente alienada ya idiotizada, onde la noticia del díi ye qu'un fíu pegó a la má por nun llavá-y la camisa; esto pasa porque esta xeneración nun lluchó polo que tien, lo que fae que nun lo valore, y eso foi un erru educativu per parte de la xeneración pasada, claru.
Pero ensin dime pelos cerros d'Úbeda, a onde yo quiero dir a parar ye a que ye ciertu qu'hebio y se notó un cambiu de mentalidá en tolos llaos (equí tamién) pero que nun ye comparable Alaska con Colón a Cyndi Lauper con True Colors o Girls Just Want to Have Fun, entiéndeme ¡A eso me refiero! Y nesi sen podemos dicir que siguimos igual, porque la música de nueso ye una mierda al lláu de los norteamericanos y británicos.
PD: Willow tá bien, pero ostia, les hai meyores con diferencia ho, hehe: aparte de los yá mentaos The Breakfast Club y The Goonies, otres munches comu ET, The Gremlins, The Ghostbusters...
Salú y esperemos qu'esto de un vuelcu dalgún añu, anque lo dubio...
Por ciertu, Trasgu, ¿sabrás que Willow ta considerada como'l mayor fracasu de la historia del cine non?
H.oder, pues a min Willow préstame a esgaya, sicasí "El señor de los aniellos" (que ye d´un estilu) nun pueo con ella, ¡9 hores de película pa quien la quiera!. Pero lo del fracasu sería nos 80, agora me paez que ye la de Waterworld que foi nel so momentu la más cara de la hestoría y fracasó. La verdá que´l cine infántil-xuvenil de los 80 yera una ayalga, agora mamina, nin se molesten en tresmitir valores a la xente mozo, igual nos dibuxos animaos. Los Gremlins, ET... que tiempos, Eduardo Manos Tixeres bono, a min sigui prestándome muncho ca película de Burton (esi peliculón que ye Ed Wood)
Oyistieis falar dalguna vegada d´una serie que se llamaba "Los mozos", ye una serie mítica británica de los 80, surrealista y punki, de lo meyor de la tv. Emitióse a mediaos de los 80 nes televisiones autonómiques (TVG, TVC y ETB yera les qu´había) y foi´l so primer ésitu (tengo lleíu pela rede que la xente en Valencia movía les antenes pa poder vela na catalana). L´argumentu un grupu d´okupes (el punki, l´anarka, el hippy y el pih.o -toles tribus de los 80-) mui gochones y más alloriaos tovía (l´anarka-troskista yera un peseteru que siempre taba amenazando con llamar a la policia) y les sos aventures. Nagüo por que dalgún día podamos vela n´asturianu, ta editada en DVD y recomiéndovosla. En Galiza, Catalunya y Euskadi esa serie ye la serie de los 80, un de los emblemes televisivos d´una xeneración (nun la emitió denguna estatal y namás que se vió nel Estáu nestes llingües). Ye murnia que la serie de la nuesa xeneración seya, por exemplu, Friends, q nun digo q te mal pero compara los piraos okupes colos pih.inos americanos. Nesta serie un personaxe metíase nel armariu y entraba nun mundu paralelu, fumábase un porru y entamaba a volar, llegaba´l espaciu y pillábanlu unos estraterrestres... amás en ca capítulu había una actuación musical, ensin venir al casu como too nesta serie, d´un grupu ska, rock, punk.. británicu de la época.
A la fin camudé d´opinión ¡PUXA LOS 80!
Mirái los vidios de “Los Mozos”
Cachín en catalán (els joves)
Anunció en gallegu (Os novos)
Capítulu en castellán
P.D; Cómo que The Queen???, Dixebra ho!! Bono y los pas The Clash ;)
Tá bien Trasgu, nun conocía esa serie pero tien bonos golpes, anque entá asina creo que les hai meyores ¿non?. Pero lo de que The Lord of the Rings nun te presten... nun tien perdón, hehe. Nun me pues dicir que seya mala película (denguna de la triloxía); son mui bones y los actores tamién son bonos, aparte de tola ambientación. Y valiendo la coincidencia, dase la casualidá de que'l que fae de Samsagaz Gamyi/Samwise Gamgee nel film ye'l que fizo de Mike -protagonista- en The Goonies ;-) "Sean Patrick Astin", un gran actor).
PD: querría recalcar de pasu que, anque ciertu ye que los '80 foi otru mundiu, sólu mos queda vivir y lluchar nel que vivimos, los 2000, y lluchar porque seya lo meyor que podamos, meyor que los '80, los '70 o los que seyan, porque ye la única manera d'algamar camudar esta sociedá. N'actualidá, nel nuesu mundiu, y, anque ensin escaecer los vieyos tiempos, tampocu quedanos contemplativos alcordándolos, porque asina sí que nun avanzaremos nin camudaremos nada. Y yá sé qu'esto ye daqué de caxón, pero siento dicir qu'hai xente que vive nel pasáu, y eso tampocu pues ser asina, ye tan malu comu lu otru. Namás, por eso lo digo: que los ochenta mos valgan d'exemplu, pero namás.
Menudos visitanes mas perimportantes tiesss¡¡¡¡¡¡
Noroabona po l'aniversariu rapaz¡¡¡
Home, la serie ye d´entamos de los 80 y hai qu´entender que ta abondo “desfasada”, la cuestión ye si anguaño dalguna televisión, nos tiempos de lo políticamente correutu y de la tele-basoria, atreveríense con una serie asina. La serie emitióse pol segundu canal de la BBC nos tiempos de la mesmísima Tacher y los protagonistes munches vegaes falaben a la cámara y soltaben dalguna xoya sobre les sos polítiques dirixiéndose direutamente a la primer ministra, namás tuvo dos temporaes (de 6 capítulos cauna) porque nun-yos dexaron facer más, fixeron una segunda pol so ésitu y ehí quedo. Yo por quedame, quédome con “V”, la llucha contra los homes-llagartu, y esta nun pierde porque tovía la vi fai poco y sigui prestándome lo mesmo, paezme q de guah.e vila más de cinco vegaes q repitiéronla muncho. D´agora namás que me presta na tele l´animación p´adultos; South Park, Pá de familia (esta tamién la tuvieron q dexar d´emitir pero volvieron facer más capítulos pola presión del públicu), Pá made in USA, Futurama, Los Simpson... Tamién Callejeros y Sé lo que hicisteis.
Si soi sinceru namás vi les dos primeres de la triloxía... pero ye que yo nel cine una pelí de más de dos hores ¡buff! (por ciertu sabíeis que Vigo Montersen foi nomáu fíu predileutu de Llión porque diz que “Alatriste” yera llionés y sal en toles semeyes de cuando se rodó esti film con una bandera del País Llionés, inclús me paez que foi al estrenu en Madrid con una). Ta claro que nun ye una peli mala y l´ambientación ye increible (alcuérdome de lo muncho que me prestó la llucha de los árboles con vida de la segunda). Yo col cine actual quédome col cine social británicu (qu´amás cuasi siempre se desendolca nos 80); Billy Eliot, Nel nome del pá (grandísima), Nel nome de fíu, toles de Ken Loach o la que ta agora en cartel y nagüo por vela “This is England”. Otres pelis favorites; La naranxa mecánica, Los páxaros, La nueche de los muertos vivientes (encántame les de zombies, que les de George Romero tienen una metáfora sobre la sociedá qu´hai que pillar), Metrópolis, Los fíos de los homes (la última gran película q vi nel cine), V de Vendeta, dalguna de Lars Von Trier, El planeta de los simios y munches d´estes películes que faen remakes agora (les orixinales son les que me presten); La guerra de los mundos, L´últimu home (Soi lleenda), La invasión de los lladrones de cuerpos (Invasión)... y por facer patria recomiéndovos el curtiu “7337”, ye cine n´asturianu y de terror (ta dirixida pol guionista d´El Orfanatu).
Ye mui prestosu lo últimu que dices. L´otru día regaláronme un llibru na Xunta d´escritores y trayía un prólogu de Xabiel Vilareyo nes que l´escritor dicía unes pallabres que me prestaron a esgaya; Rebeldía pa colo que tenemos y esperanza p´hacia lo que vendrá. Ehí taremos, nun mos queda otra.
P.D; Dende que pesllaron los foros d´Asturies.com como medraron los mensaxes nos blogues!!! Que vien mos vino ;)
Home va, foi un saneamientu del mundu asturianista.
Bonu, ta prestosu falar d'esto (esi Xaviel Vilareyo tien pinta de ser un bon home y comprometíu, dende lluéu).
Respeutu a les películes que nomasti, con dalgunes toi d'alcuerdu (Billy Eliot, The Clockwork Orange, etc.), pero con otres (comu por exemplu Soi Lleenda ó El Planeta de los Simios 2)... dexen bastante que naguar. El Planeta los Simios 2, por exemplu, foi un auténticu atentáu, como en Soi Lleenda, de lo que yera una gran hestoria pa cayer otra vuelta nel cine d'anguañu a facer privar la parafernalia artificial sobro la trama basada nos diálogos, espresión corporal, actitúes... lo que fae aprovechar a un bon actor y amosar la so valía. Nel cine d'anguañu s'escaecen del diálogu pa dar primacía a los efeutos especiales de la cabera xeneración.
Yo sustituiría les dos que te punxe por, pongamos por casu, Artificial Inteligence (AI) de Steven Spielberg ó The Good Shepherd (de Robert de Niro). Dos de les meyores del nuéu mileniu (pa munchos fasta les meyores).
Home yo digo q me presten les orixinales, les de los 60, non "Soi lleenda" sinón "L´últimu home vivu" (o daqué asina yera), la de Chalton Heston (o como s´escriba), mirá que da ascu´l paisanu esti pero fizo grandes películes. "El planeta de los Simios" ye una xoya, préstame a esgaya y tamién les otres trés partes que se fixeron (anque son más cutres).
La de Tim Burton (el remake de fai un par d´años) nun-y llega a la orixinal nin a los pies pero tamién me presta (ye que soi un friki de pelis-llibros de mundos futuristes-fin de la raza humana-sociedá totalitaria), amás que ye totalmente diferente, un planeta de simios pero´l plantegamientu nun tien nada que ver. Claro que la moralexa final de la orixinal ye la que tien tola gracia, la de Tim Burton namás que foi un encargu comercial d´una productora al direutor cola fin de ganar perres.
Anguaño ye nidiu qu´en Hollywood nun hai orixinalidá, ves la cartelera y namás que son segundes partes (o terceres, cuartes...) y remakes.