Otra visión del "Asturias-España"
Pa los que víamos esti partíu non como un festexu del 50 aniversariu de la Federación Asturiana de Balonmanu sinón como un alcuentru deportivu ente la nuesa seleición nacional (la d'Asturies) escontra la d'España, pue que seya perimportante lo qu'asocedió ayeri nel polideportivu "El Quirinal" d'Avilés.
Yá se venia falando dende que s'anunciara'l partíu que 4 asturianos diben xugar cola seleición española, por mor de que taben preparandose pal europeu de Noruega y...NUN QUERÍEN FACER EL RIDÍCULU. Ridículu que tuvieren fecho de xugar los asturianos na seleición que-yos correspondía. Ellos solinos foron quien a marcar 12 de los 28 tantos españoles, les entrugues yeren constantes nel previu, ¿que pasaría si...?, la rempuesta dábala'l seleccionador asturianu a la TPA enantes del partíu "¿Qué pasaría si los 4 asturianos jugaran con la selección asturiana?" "Pues algo muy distinto a lo que va suceder hoy".
Eso ye lo qu'asocedió ayeri, al marxe del resultáu, cada vez que se fae un partíu d'estos siempre se quier arrequexalo como un actu festexeru, nada importante, porque la seleición asturiana nun ye seria, la española por contra si, ellos tán preparando un europeu y... siempre se cae pol so propiu pesu la fuerte identidá asturiana siempre queda reflexada na xente qu'amuesa les banderes, nes voces que canten el "Asturies Patria Querida" y... en poco más la verdá, la gran mayoría de la sociedá nun se suel plantegar porqué nun tenemos una seleición oficial y el partíu ye un actu más d'esa Asturies avergoñada de sigo mesma que se queda na gaita y el tambor, na fabada y la sidra, fernando alonso y melendi, y poco más.
Hinchada Asturiana:
Como nota discordante hebo, como poques veces hubiera, una hinchada asturiana que plantó cara a tou esi circu. Hinchada que foi abucheada pol restu de la grada depues de facer una xiblada continua al himnu español y de glayar "Caña, caña Asturies nun ye España", llueu entraría Chus Pedro (pa dexame más ablucáu entá y una de les razones del tonu d'esti artículu), l'hestóricu de la canción asturiana y de la vindicación del asturianu afaló'l mal ambiente coles sos pallabres enantes de cantar l'himnu d'Asturies, "l'himnu d'esta tierra, vieya, solidaria y generosa, y fijavos si ye solidaria y generosa que cuatro de los sos fíos jueguen güei, hoi, cola selección de toos, LA SELECCIÓN ESPAÑOLA" la cosa nun quedó ehí, y Chus Pedro nun se contentó, "Como n'Asturies nun hai discriminación llingüistica, podeis cantalo n'asturianu o n'español", a lo que se respondió con un "oficialidá, oficialidá" que se sintió en tol campu y asina se pudo ver na retresmisión de la TPA.
El restu'l partíu tuvo amenizáu por una xiblada continua a España (como equipu visitante que yera) glayíos escontra'l so seleccionador por "secuestranos" 4 xugadores y como non, en sofitu a Asturies y de la oficialidá de la so selección.
Videos:
Recibimientu de la seleición española y del so himnu:
Recibimientu de la seleición asturiana + himnu:
Discursín de Chus Pedro:
Pancarta pa los hermanos entrerríos:
Repercusión nos medios y retresmisión de la TPA:
Los medios de comunicación asturiana siguieron na so llinia, nun dicir nada de lo asocedío nes graes, y rescamplar l'esitu de la convocatoria del actu festexeru. Eso sí, coincidieron en rescamplar que la seleición foi quien a plantar cara y que tien una bona plantía que se merez más fondos de les instituciones pa tener un equipu propiu na lliga ASOBAL.
*EL COMERCIO:"Asturias plantó cara a una España por hacer". "La selección asturiana de balonmano se lo puso difícil a España". Refiriendose en tou momentu a la seleición asturiana como la "regional" y faciendo un artículu sobre l'himnu d'Asturies (obviando que foi cantáu n'asturianu y que'l d'España foi abucheáu) con una semeya un tantu curiosa.
*LA NUEVA ESPAÑA:"La selección asturiana de balonmano planta cara a la española". "Asturias, un hueso para España". Quedome coles siguientes pallabres "un partido desnivelado por la presencia de los cuatro mejores jugadores asturianos del momento con la selección española" [...] "una fiesta que invita a la reflexión". Y con esta carta al direutor.
*LA VOZ DE ASTURIAS:"Asturias le planta cara a España". Namás que me llama l'atención un pie de foto "Los asturianos animaron a su selección". Pero lo que más rescampla nesti periodicu ye que relega la noticia a un segundu planu y nin siquiera inclúi semeya a collor.
*TPA:La televisión asturiana pela so parte, retresmitió'l partíu en diferíu y fizo tolo posibles por obviar el fechu del abuchéu al himnu español (que nun lo punxeron enteru) y el reporteru callóse cuando s'oyía de fondu "Caña, caña Asturies nun ye España" y la xiblada del públicu, seguramente al nun saber que dicir, lo mesmu pasó colos glayíos d'oficialidá. Amás la retresmisión quedó coxa al non enfocar nunca la parte onde s'asitiaba la hinchada asturiana lo qu'en delles ocasiones fexo que la retresmisión nun tuviera xacíu. (más alantre pondré vidiu)
PD:Por ciertu, el resultáu del partíu foi 26-28.
Un saludu.
Esbilla
del.icio.us
VITY
Desde luego, teniamos que tar todos animando a Asturies. Que fuera casa somos muy asturianos y luego dentro nu hay manera de facer nada -.-
PUXA ASTURIES DIXEBRA!!!!!!
Gracias por este blog !
Mui bonos los vidios y la crónica.
Güei volví ver la escena de Chus Pedro diciendo que n´Asturies nun había conflictu llingüísticu, quiciabes quería ser sarcásticu pero lo q paez -pa daquién q nun tien "compromisu llingüísticu- ye q quier dicir qu´al nun haber oficialidá nun hai "imposición". Por suerte ehí tabemos y los glayíos d´oficialidá oyéronse hasta na tresmisión de la TPA.
Tamién hai qu´alcordase de Pilar Varela, alcaldesa d´Avilés, ente´l públicu cola camiseta d´España, una falta de respetu y daqué ensin lóxica que namás pue pasar n´Asturies. Nun país normal la q se montaría.
p.d; Fodístime un post ;)
Bon trabayu Vity. Ye una pena qu'a lo más que se llega nesti país ye a tresmitir la otra versión en blogues. Pasu a pasu.Peor ye nada.
El discutiniu tien de tar en tener una seleición nacional asturiano yá. Lo de Pilar Varela, la verdá que sorprendiome, yera bono escolingar una semeya d'ella, taria interesante.
quedó bien claru y sábenlu ellos ,que si non fuere pelos xugadores que taben cola española,esti partíu taba calandráu,lu triste,son les pallabres de los fartones(de xuru que nun foron de baldre)............hai que definise bien ooo,chuspedro,paez mentira pa tí,tiens que definite como l'alcadesa cagomimantu,cola camiseta y too... esi díi y estu va en seriu,nun taben nel so asientu....una ristra de persones,que taben nel camposantu,enterrandu a "SERA",un fío d'aviles,comprometíu,nacionaliegu.........PUXA ASTURIES DIXEBRA
Gracies por mostranos esa visión que los medios de (des)informanción ignoraron totalmente.
Agradeceríate que si ties alguna semeya más me la pasaras [superpaulash13@hot...], que la mio cámara quedose sin piles en plenu partíu.
Salú.
Otru bon trabayu más. Das-nos la oportunidá a los que nun pudimos dir, de ver lo que pasó esi día y cómo se vivió na grada con un reportaxe. Oportunidá que nos nieguen los medios de comunicación, inclusu los que tamos pagando...
Ficimos lo que pudimos, y Vity, milenta gracies poles semeyes y los vidios ensin los cuales hubiéremos quedáu más amatagos de lo que yá mos dexaron los grandes medios de desinformación (si hubiere mercáu la entrada tola xente nacionaliega que nun fue otru pitu hubiere cantáu; eso decepcionome bastante pela parte de l'afición asturianiega non españolista).
PD: Tuvieron de puta má los cánticos de "Ea ea ea, España se cabrea" cuandu mos pitaron polo de "Entrerríos, sois unos vendíos". Una pena que nun apaeciera nos vidios qu'axuntes.
UNA NACIÓN, UNA SELEICIÓN
Mui prestoso Vity!
Yo nun pude dir...una pena.
Oficialidá seleiciones desportives yá
Yo de verdad que nun entiendo que ganes teneis de andar col rollo nacionaliego. Fora de España non somos nada y amas España ye lo que ye por Asturies...
De verdad, que con nacionalismos locos no vamos a ningun sitio eh...
no teneis vergüenza, abuchaeais el himno de vuestro pais que os hace mejores y aplaudís y cantais en una lengua no oficial el himno regional.
Asturias si pero España tambien.
Home, q tal Tolín???
Refalfiáu como siempre ensin un res que facer más qu´apurrir babayaes???
SI ESPAÑA QU´ESPAÑE, pescancies daqué d´esta lllingua non oficial?
xDDDDD, yo que nun quería da-y bombu a esti mazcayu..., pensé que naide más lu diba lleer...
Que vais a decir cuatro amigos independetistas q por lo unico q haceis estas chorradas es porque os aburris, lo unico q haceis es dar por culo y nada mas, y si quereis oficialidad lo primero q lo hablen todos los asturianos que qieran aprenderlo no hagais como los catalufos y los vascos imponerlo q asi es la unica forma q teneis para hacer las cosas...