La Uiquipedia algama los 10.000 artículos
¡Por fin! La Uiquipedia tien superada la barrera de los 10.000 artículos y xube otru peldañu na clasificación de les enciclopedies llibres. A dios gracies que tán pesllaos los foros d'asturies.com y los usuarios y alministradores d'esti proyeutu -menospreciáu- podemos tar gayoleros ensin que salte'l típicu listu que critique la calidá, la cantidá o la ortografía de la mesma ensin que se tomara la molestia d'intentar iguala, porque ye lo que tien de bono esta mena de trabayar, toos y toes podeis collaborar o bono, tamién podeis esbabayar pero eso nomámoslu vandalismu y por suerte ellí podemos atayalu.
¿Nótase la quemazón que traigo?
PD: Norabona a tolos que colaborastis dalguna vez na Uiqui, nun va con vosotros la cosa.
Un saludu.
Esbilla
del.icio.us
VITY
Hahaha... nomenón, por mín, que siga n'Esbilla... ye verdá que munchos saltaban col tema de la uiqui... el caso ye ponese, y siguir hasta los 20.000, y meyorar los que se puean dir meyorando, y que s'axunte más y más xente... saludos
¡¡¡Buenas!!!
Alégrome de la marca, pero tengo una preguntina pa los que tais más implicaos col asunto (you fice dalguna cousina, sobre too traduciones).
¿Qué veis más importante, facer artículos de calidá media-baxa sobre temas centrales, ou que cada ún faiga buonos artículos de temáticas que "controle", anque nun sían las entradas más necesarias?
Yo veo importante que la xente colabore colo que quiera, pa min too ye importante, si se quier facer un artículu curtiu yá vendrá llueu daquien a completalu y si se quier facer artículos de bona calidá pos afayámoslos igual, al igual qu'en toles uiquipedies.
Yá home, pero preguntábatelo porque l'outro día, andando pola wikipedia en castel.lanu, atoupéi una cousa que nun sabía qu'esistía ya que igual podía valinos: grupos de xente que s'encargan de, en comuña, meyorar artículos "esbozaos" ya crear entradas que nun esisten. Periódicamente ponen unas xeiras a facer, por exemplu 15 ou 20 entradas que nun esisten ya iban ser necesarias, ya dedícanse a el.lo. ¿Nun taría bien pa la nuesa uiqui, ou tará mui verde ainda?
Pos yo creo que ta verde, porque magar que tengamos 640 usuarios rexistraos, namás qu'unos 10 somos colaboradores habituales y ente nós yá nos repartimos el trabayu como podemos.