Convocada otra concentración antitaurina n'Uviéu
Cartelu oficial tornáu al asturianu por "fueyaenblancu" ente la falta de sensibilidá del coleutivu convocante pa cola llingua asturiana.
Otra vuelta hemos de sofrir los asturianos, y nesti casu los uvieínos, la sovención d'un festexu criminal por parte de "los nuesos" políticos que nun dulden en marafundiar les perres públiques n'actos pa 4 amiguinos y pa caltener nun se sabe qué cultura. Y como ye lóxicu otra vuelta saldremos a protestar los que queremos que se desanicie esta práutica xabaz del nuesu país y que se baltie esa plaza de tortures pa enanchar el parque y que se puea esfrutar d'un paséu en cuenta d'un asesinatu cruel propiu de xente sanguinario y ensin nengún tipu d'escrupulu. Vémonos ellí. ¡LA TORTURA NUN YE ARTE NIN CULTURA!
Un saludu.
Etiquetas: Antitauromaquia
Esbilla
del.icio.us
VITY
1.Ye una concentración convocada por ANADEL y son ellos los que tán moviendo tol tema d'antitauromaquia n'Asturies asina que nun me paecería xustu desaniciar el so llogo.
2.El cartelu orixinal ye d'ellos, asina que yo nun quiero atribuyime nengún méritu nin engañar a la xente faciendo-yos camentar que'l dixeñu ye miu.
3.Per últimu, ye una mena de criticar a ANADEL por nun facer una versión n'asturianu de los sos cartelos y asina queda amosau col comentariu que pongo embaxo del cartelu, comentariu qu'enxerté tamién en Glayiu contrainfo, otru sitiu onde espublicé esta noticia.
Espero que te quedares nidies les mios razones pa facelo asina.
D'otra miente munches gracies por espresar la to opinión y por visitar el blogue.
Ensin otru aquel, un saludu.
La cosa ta en que si toi al favor de la causa, nesti casu desaniciar les corríes de toros n'Asturies, pos voi, veolo persimple.
Una cosa ye que seya una organización española y que s'esprese dafechu en castellán y otra que tean escontra l'asturianu, a min naide nun me torgó nunca glayar un lema n'asturianu, al contrariu, siguente y glayen contigo.
Pa min ye eso lo qu'hai que facer, ellos son españoles y falen español, pos bien, yo soi asturianu y falo asturianu, cuantos más asturianos teamos nes sos convocatories más asturiana sedrá la mani, y en cuantes se decaten de lo bultable que ye la nuesa participación yá camudarán d'opinión no que cinca a la llingua de los cartelos.
Lo que ta nidio ye que si nun vamos, naide va glayar n'asturianu y entós si que sedrá una mani española dafechu.
Un saludu.