El rei d'España Juan Carlos I siendo nomáu socesor del dictador Francisco Franco

El rei Juan Carlos I d'España ye'l tercer monarca más ricu d'Europa con una fortuna estimada en 1.700 millones d'euros, mentanto qu'Alberto II de Bélxica ye'l más "probe" con "namás que" 12'4 millones d'euros, sigún los cálculos qu'espublizaron estos díes medios belgues.

El soberanu belga, de 73 años, tien na so cuenta -sigún palaciu -unos 12'4 millones d'euros (17'2 millones de dólares) y dispón d'un lluxosu yate y una mansión nel sur de Francia. Pero en comparanza con otres cases europees, Alberto ye'l "prubín".

El xefe d'Estáu más ricu n'Europa ye'l príncipe Hans-Adam de Liechtenstein que, sigún el rotativu, tien una fortuna de 3.000 millones d'euros (4.100 millones de dólares). Siguenlu na llista la reina Isabel II d'Inglaterra (1.800 millones d'euros/2.400 millones de dólares) y el rei d'España con 1.700 millones d'euros/2.300 millones de dólares).

D'otra miente, la Fiscalía de l'Audiencia Nacional española tien pidida información al conseyeru d'Interior catalán, Joan Saura, sobre los incidentes asocedíos antayeri en Girona, cuando un garrapiellu de maulets amburaron na cai semeyes del rei español mientres el monarca nauguraba unes instalaciones d'investigación científica, yá que sigún el pidimientu fechu pola Fiscalía, la quema de semeyes de los reis podría ser constitutivu de "un delito de injurias graves a la más alta representación del Estado".

Pequeñu documental de cómo'l monarca español algamó la so fortuna:

Un saludu.

Etiquetas: Curiosidaes, Republicanismu