Mañana zarráu por protesta...

Entama:
Altuxa.com

Un saludu.

...patates, la represión (llamentablemente) nun va aparar.

Un saludu.

El conceyu d’UNIDÁ d’Avilés entama les I Xornaes Internacionaliegues d’Avilés, que se desarrollarán entes los díes 10, 16 y 17 de mayu nel Edificiu Universitariu d’esta ciudá.

L’amenaza del biodiesel, por Alberto Buznego, la Revolución Bolivariana, pola esperiodista de TVE Gloria Berrocal y Alberto Cruz, y la situación del sindicalismu en Colombia, por Antonio Gerdts, presidente del área de derechos humanos del sindicatu colombianu CUT, faen el conteníu de les xornaes.

Dende’l conceyu d’Avilés entamense estes “Xornaes Internacionaliegues d’Avilés” como xente perteneciente a UNIDÁ, una
organización política asturiana y nacionaliega. Pero tamién somos socialistes que facemos de nueso les lluches de la clas obrera y de los movimientos de lliberación de cualisquier fastera’l mundiu.

Somos conscientes de qu’anguaño, Llatinoamérica ye un continente que paez esconsoñar d’una velea que duraba ya décades y qu’entá sigue siendo una realidá en países como Colombia, onde tolos años son asesinaos y desparecíos cientos de sindicalistes. Les numberoses guerrilles fai años dexen pasu a movimientos populares de mases que, agora, algamando mayoríes parllamentaries y gobiernos, impulsen fonderes refrormes polítiques, económiques y sociales.

Cuba, Venezuela, Bolivia, Nicaragua, Ecuador… remanecen alrodiu’l nomáu “Socialismu’l Sieglu XXI”, echando-y la galga a la opresión, la inxusticia y la miseria impuestes pol sistema capitalista al traviés de les empreses tresnacionales y los gobiernos de les grandes potencies.

Persabemos que ye perpoco lo que dende Asturies podemos facer pa sofitar estos movimientos, pero la información y l’alderique ye’l primer pasu pa una solidaridá activa ya impulsora d’una Llatinoamérica xusta y llibre.

PROGRAMA D’ALDERIQUES:
Tolos actos van desendolcase nel salón d’actos del edificiu de servicios universitarios d’Avilés, na cai la ferrería.

L'amenaza del biodiesel

Alderique:
Alberto Buznego (miembru de l’asociación Picu Rabicu y de la Campaña Asturiana escontra los Agrocombustibles y pola Soberanía Alimentaria.)
Sábadu 10 de mayu a les12:00 del mediudía.

La revolución bolivariana

Alderique:
Gloria Berrocal (es-periodista de rtve y miembro de la “Alianza de Intelectuales Antiimperialistas”)
Alberto Cruz (periodista espertu en Llatinoamérica y Oriente Mediu.)
Vienres 16 de mayu a les 19:30.

La llucha sindical en Colombia

Alderique:
Antonio Gerdts (presidente de la Oficina de Drechos Humanos de la Central Unificada de Trabayadores
de Colombia (CUT).
Sábadu 17 de mayu a les 12:00.

Un saludu.

Los vecinos de Cualloto piden más infraestructures pal barriu

Reclamen a la casa conceyu d'Uviéu más infraestructures y inversiones pal barriu. Aseguren qu'esta zona de la ciudá foi medrando col pasu los años y cada vuelta hai más población. Magar qu'hebo un incrementu nel númberu de viviendes nun hai planificación dala de servicios infantiles. Nun hai suficientes pediatríes, nin guarderies, l'asistencia médica ye dafechu insuficiente yá que, según los vecinos son 2.000 persones por médicu y delles aules de los colexos tán enllenes, hasta'l puntu de que los padres lleven a los sos fíos a otros centros más alloñaos de la ciudá.

Too esto tien llevao a los vecinos de Cualloto a presentar más de 2.000 firmes al Ayuntamientu solicitando inversiones pa esta estaya d'Uviéu.

Un saludu.

Onde podieis sacavos una "graciosa" y ruralista semeya vistíos d'"aldeanos".

Un saludu.

Unidá afirma que CCOO y UGT 'rínse de los asturianos' al defender Soto-Penagos el Primeru mayu.

Unidá consideró güei 'llamentable' que CCOO y UGT, defendan el primeru mayu un proyeutu que perxudica a la mayoría social y namás beneficia a unos pocos como ye la llinia llétrica Soto-Penagos, según informó la coalición per aciu d'una nota de prensa. Unidá anunció nueves denuncies y movilizaciones nes prósimes selmanes.

El voceru de la estaya de Mediu Ambiente d'Unidá, Tino Fernández, manifestó que dende la coalición nacionalista 'llamentase fondamente la perda de valores y de papeles de los sindicatos mayoritarios espeyaos na so defensa de posiciones opuestes dafechu al interés de la sociedá asturiana, como la defensa de la construcción de Soto-Penagos'.

El responsable d'Unidá afirmó que la defensa de la llinia Soto-Penagos obedez non al interés xeneral de la sociedá asturiana sinón única y esclusivamente a la defensa de los 'intereses de determinaos grupos económicos, que preconicen un modelu depredador, que nun xenera valor añadíu'.

Según Fernández, 'esta defensa namás que ye entendible dende la perspeutiva del pautu de silenciu imperante n'Asturies y nel que tán inmersos los sindicatos mayoritarios, a los que nun-yos importa traicionar los intereses de los trabayadores con tal de perpetuase nun estatus dende'l que puean formar parte de les élites que controlen el repartu del pastel n'Asturies'.

Nesi sentíu Fernández recordó que 'el Ministeriu d'Industria Español clasifica a Asturies como zona de prioridá baxa pa la instalación de nuevos centros productivos d'enerxía' y que 'la concentración de centros productivos d'enerxía, como nel casu asturianu, tien consecuencies negatives pa la salú de los ciudadanos.

Amás, continuó Fernández 'los centros productivos d'enerxía planificaos p'Asturies xeneren perpocos puestos de trabayu y sólo tienen como misión convertir de nuevu a Asturies nuna tierra xeneradora d'enerxía pal desendolcu d'otros territorios, nos que, en munchos casos, coticen les empresas que se van enriquecer a costa de la nuesa salú y el nuesu mediu ambiente'.

---------------------------------------------

Un saludu.

La empresa especuladora vasca Urazca, que según los medios de comunicación "afala'l desendolcu urbanu de La Manxoya", ta teniendo problemes d'ayalguería y negocia colos bancos la refinanciación de la so delda al envís d'algamar un meyor encadarmamientu de los sos créitos. Y ye que la crisis del seutor de la construcción ta notándose, la promotora, depués d'esfarrapar la bayurosa viesca, malpenes tien vendíos 75 de los 181 pisos construyíos.

El grupu esti amás dedícase a otres actividaes de xestión de servicios públicos privatizaos como, xeriátricos o aparcamientos.

La casa conceyu d'Uviéu, que debe temer quedase ensin perres yá aseguró al traviés del so conceyal d'Urbanismu que la "promoción" continuará con o ensin URAZCA.

¡Valió d'Especulación n'Uviéu!

Un Saludu.

Un saludu.

Un saludu.

L'Executivu de Vicente Álvarez Areces considera la llinia fundamental pa la "rexón", yá que d'ella dependen los ciclos combinados, los parques eólicos y la regasificadora (ye dicir más mierda pal país). Foi'l Tribunal de Madrid el que tien dao la razón a los vecinos de L'Infiestu porque foi ellí onde aprobaron el trazáu. El tendíu entamó a tramitase en 1989 como infraestructura d'utilidá pública pero, dende entós tien la oposición de les cases conceyu y coleutivos vecinales. El Gobiernu asturianu yá calificó la decisión de "revés y mala noticia".

D'otra miente, los coleutivos ecoloxístes afeutaes pola paralización de la llinia tán satisfechos cola sentencia.

Otra vuelta'l gobiernu que diz representar al pueblu asturianu, da-y la espalda.

Un saludu.