Namás qu'ocho persones nel mundu falen el "xwja" o "ixcateco" y toes elles viven nuna pequeña llocalidá del Estáu mexicanu d'Oaxaca, al sur del estáu, informó'l martes el Conseyu Nacional pa la Cultura y les Artes (CNCA) de México.
"Les llingües muerren por desusu, silenciu ya indiferencia" (¿de qué nos sona esto a los asturianos?), señaló'l CNCA, qu'informó de que la mayoría de los falantes del "ixcateco" tán collaborando con un grupu d'investigadores pa torgar la estinción de la so llingua.
"La xera ye perdificil y complexa, porque los últimos falantes del "xwja" son persones con edaes superiores a los 70 años, malpenes falen castellán y nun saben lleelu nin escribilu. Y pa reimplantar la llingua materna, primero hai de sensibilizar a la xente", rescampló Guillermo Círigo Villagómez, coordinador de la "Unidad Regional de Culturas Populares" n'Huaxuapan de Lleón, Oaxaca.
Los ocho falantes del "ixcateco", llingua perteneciente al grupu popolocanu, de la familia llingüística otomangue, viven en Santa María Ixcatlán y siete son d'edá avanzada. Ixcateco significa en llingua náhuatl "persones d'algodón".
Acordies col llingüista estaunidense Michael Swanton, que tamién participa nes actividaes pa torgar qu'esapaeza l'ixcatecu, a fines de 2006 había 11 persones que lo falaben, pero nel últimu año y mediu morrieron tres.
Nos próximos meses ta previstu que se dean una riestra de talleres impartíos pola "Unidad Regional de Culturas Populares", institución dependiente de la Secretaría de Cultura d'Oaxaca, y el CNCA, como yá se fexo l'añu pasáu. Amás, fadráse un rexistru videográficu de los falantes.
Acordies con datos de la Comisión Nacional pal Desendolque de los Pueblos Indíxenes, el "xwja" ye una de les 23 llingües indíxenes mexicanes en riesgu d'estinción, xuntu col paipai, quiligua, cucapá, aguacatecu y cumai de Baxa California (norte de México); el quicapú de Coahuila (norte); y el xacaltecu de Chiapes (sur), ente otros.
Pa toos aquellos que teais pegando blincos por esta noticia, que creais que yá ta too ganáu o coses asina déxovos dellos de los comentarios qu'esta noticia provocó na edición dixital del diariu "El Comercio".
"Dialeutu": PATÉTICO...triste, patético, ridículo, estéril, inútil, vergonzoso...podría seguir así un rato largo, y entonces me planteo cuánto dinero se habrán gastado en esta tan "brillante" reivindicación de un dialecto atrasado y pueblerino al q han vestido con ropajes de idioma y coronado con palabras inventadas- por aquello de ampliarlo un poco, q parezca algo...-, y pienso en q si no habría sido mejor invertirlo en médicos que tengan tiempo para mirar la cara delpaciente cuando le atienden, por ejemplo. Claro que...q más da morirse de asco y de espera en una cola de urgencias...mientras haya bable....
"Ye más importante l'inglés" Si hay que aprender una segunda lengua que sea una comun a todo el planeta, por ejemplo el esperanto, y si hay que aprender la lengua del imperio pues aprendamos inglés, pero basta de tocar las narices al pueblo con lenguas inventadas que dividen y nunca unen porque no hay mejor unión que el entendimiento y para que dos se entiendan tienen que hablar la misma lengua, sea cual sea. Esto del bable suena antiguo y aldeano, como la alcaldesa, que debe tener más años que Matusalén.
"¡Que vien l'independentismu!" IGUAL QUE LA LENGUA COMUN NOS UNE, LAS DISTINTAS LENGUAS NOS SEPARAN, Y ESO ES LO QUE PRETENDEN 4 PANOLIS QUE QUIEREN VIVIR COMO LOS SEPARATISTAS VASCOS Y CATALANES( DEL CUENTU).
"El bable ye feu y d'aldeanos" Por cierto, .. ¿ alguien ha reparado lo feo que es el bable?¿ lo mal que suena?.... si hasta hay que poner cara de aldeanin para vocalizarlo bien.....
"L'asturianu nun esiste" Por mas vueltas que le den esta panda de progres,en Asturias siempre se hablara en castellano,todo lo mas que dirán sera ,que ye oh y nada mas.Escrbir lo pueden escribir como quieran total la mayoria de las palabras son exactamente lo mismo que en castellano,el Asturiano de idioma no tiene nada,es un simple dialecto
"Sois 4 gatos" Referendum ya. La única vacuna contra parásitos y vividores.
"Esto cuesta munches perres" Mejor gastaran más dinero en que los niños aprendan mejor ingles, que en general se tiene un nivel muy bajo, y el inglés ABRE puertas, no las CIERRA.
"¿? (meciendo temes)" Yo siempre que presencie las manifestaciones pidiendo la oficialidad del bable, siempre me pregunte ¿que coño pintan las banderas de la republica y las de la antigua union sovietica? ¿ que tendrá que ver? me lo espliquen por favor.
"Ye una imposición" Veo una grandisima contradicción en esta nueva normativa: y es que si no he entendido mal, OBLIGA al funcionario a hablar en bable si el ciudadano se dirige a él en la llingua.... o puede responder en castellano. Si esto es así, ya se está cohartando la libertad individual de la persona y por tanto e suna norma restricitiva. Si no es así, es decir, que puede responder en castellano, pues vaya chorrada de norma....
"Hai munchos dialeutos" No es cuestión de prejuicios. Es cuestión de aceptar las cosas como son. No sé de que parte de Asturias era tu padre. Pero en Llanes no hablan como en Mieres. En Mieres no hablan como en Grao. Y en Grao no hablan como en Tapia. Y por eso el cuento de la normalización. Si no lo quieres ver, sigue mirando para otro lado.
Como podreis comprobar les opiniones que se piensen superaes, que delles persones creen que yá nun esisten, como que l'asturianu nun ye llingua o que ye d'aldeanos siguen vixentes non solo ente la clas política sinón ente la sociedá asturiana, yá seya por maldá intencionada, ignorancia o nacionalismu español ranciu pero ta ehí.
Quien más quien menos tuvo que soportar dalgún d'estos argumentos a la hora de tratar el tema del asturianu cola xente, y a min, sinceramente cada vuelta me cuesta más creer la estadística de que más del 60% de los asturianos tán pola oficialidá, a nivel de cai lo que más alcontré, fuera del guetto, foi rechazu o rises.
Cada vuelta toi más d'alcuerdu cola igua que propón l'embaxador nel so blogue La llingua a pacer con qu'habría d'editar un llibrín col qu'informar a la población de qué ye la oficialidá y que supón, porque la incultura y la mala fe ta pesando munchu sobre'l movimientu de vindicación llinguísticu (y nacional), y hai de buscar más soluciones qu'un paseín pela cai Uría dos veces al añu.
85.000 euros. Ésta ye la cantidá que-yos podríen imponer de multa a dos trabayadores de les piscines municipales d'Avilés y al sindicato CSI. La Plataforma contra la Represión y por las Libertades anuncia que ye un intentu de criminalizar les protestes llaborales.
El motivu de la querella ye'l reparto d'una fueya na que se denunciaben los planes de privatización de les piscines municipales d'Avilés.
La plataforma organizará una manifestación el próximu 10 de xunu n'Avilés pa intentar algamar que se retire la denuncia.
Atopo en Glayíu la viniente noticia que piden que tenga la máxima difusión y quiero collaborar n'ello.
"Queremos comunicar dende la organización anarquista UAR/XAR Asturies, que'l prósimu día 31 de mayu, sábadu, fadráse una folixa nel chigre'l Bache (C/Almacenes bocacai de Marqués de San Esteban) de Xixón, a les 21:00 h., col envía de recaldar fondos pal proyeutu de creyación d'un CSOA n'Asturies.
El nuesu proyeutu, ye ambiciosu y abegosu, sabémoslu. Tamién les nueses ganes de creyar y construyir al marxe del sistema ye pergrande. Somos optimistes, poro, seique, somos anarquistes... Lo de nós son les utopíes. A vegaes, unes más abegoses qu'otres, pero eso nun les fai imposibles.
Sabemos que la creyación d'un CSOA ye un trabayu perduro, que necesita tiempu y dedicación, ganes y a vegaes daqué de frustración. Impotencia en dellos casos. La meta ye lo que cunta, los resultaos tamién. El tirar la toballa de magar un entamu nun mos apurra ren.
Si s'algama sedrá un gospiu importante de los Mov. Sociales n'Asturies. Sedrá un llugar de rexunión ente la xente del barriu u s'afaye. Un llugar de cambéu del sistema, con actividaes infinites.
Pa qu'esto seya posible necesitamos el vuesu gabitu, el vuesu sofitu y collaboración."
Pa los que nun teais familiarizaos col tema de los CSOA, apúrrovos una simple definición.
Los CSOA (abreviatura de Centru Social Ocupáu Autoxestionáu), traten de satisfacer dende l'autoxestión y la recuperación d'espacios la necesidá de la mocedá de desendolcar actividades alternatives al fuelgu relacionáu col consumu. N'ellos desarróllense talleres de toa mena, conciertos (de baldre o mui baratos), comedores populares (normalmente vexetarianos/veganos), campionatos deportivos, charres sobre cualquier tema, asina como cualquier otra actividá pa facer una coleuta, yá seya pal propiu CSOA o bien en beneficiu de deteníos en manifestaciones, presos políticos o cualquier coleutivu que lo solicite y se comprometa a organizala.
La verdá que n'Asturies son perpoques les esperiencies d'autoxestión pero hai esceiciones como los compañeros del Centru Social Sestaferia.
Depués de munchu tiempu, retomo la estaya Internacionalista del blogue, que tenía enforma escaecida. Recuerdovos que se trata d'artículos sobre movimientos nacionalistes del mundu, anque pel momentu namás que fici de naciones europees como Islla de Mann, Escocia, Cerdeña, Occitania, agora tóca-y el turnu al movimientu flamencu de Flandes.
Flandes ye una de les tres rexones que güei componen Bélxica, xuntu con Valonia y la rexón de Bruseles (Capital de Bélxica y Flandes).
Llenda al oeste con Francia y el Mar del Norte, con Holanda al norte y este y con Valonia al sur.
HISTORIA:
El Condáu de Flandes creóse nel añu 892, anque quedó xebráu cuando los distritos pasaron a dominiu francés nel sieglu XII. Les restantes partes de Flandes cayeron en poder del condáu vecín, Henao, en 1191. Tola zona pasó a los duques de Borgoña en 1384, en 1477 a la dinastía de los Habsburgo y en 1566 a España. Los distritos occidentales de Flandes pasaron finalmente a Francia tres estremaos trataos de 1659 (Artois), 1668, y 1678.
Particularmente dende la Segunda Guerra Mundial, Flandes sufre una espectacular tresformación: pasando de ser una rexón agrícola nel sieglu XIX y entamos del sieglu XX, a una rexón que creció y prosperó nuna fortaleza económica. Educación, clima social y una gran productividá foron los factores cruciales nesta evolución.
LLINGUA FLAMENCA:
El flamencu ye'l nome que se-y da al idioma neerlandés en Flandes.
Esisten munchos dialeutos del neerlandés, tanto nos Países Baxos como en Bélxica, si bien les singularidads de Flandes son más llamatives, por mor de que la dominación d'otros estaos (España, Austria, Francia) sobre Flandes provocaron que'l neerlandés fuera consideráu un idioma de la clase baxa y qu'evolucionara ensin referencies y ensin enseñanza nes escueles.
En Flandes rescamplen el Westvlaams (flamencu occidental) que ye la llingua del poeta Guido Gezelle, l'Oostvlaams (flamencu oriental), l'Antwerps (d'Amberes), el Brussels (de Bruseles), el Brabants (de Brabante) y el Limburgs (o llimburgués).
Sicasí, estos dialeutos son más bien grupos de docenes de dialeutos caún. Los dialeutos nun se puen escribir fácilmente, sólu pronunciar. Nun esiste tampocu nengún dialeutu dominante.
El conxuntu de toos esos dialectos sería lo que se suel llamar la llingua flamenca, por mor de diferencies ente los dialeutos, la televisión belga sotitula cásique tolo que nun seya neerlandés estándar.
Na prensa, la política, la enseñanza, y, cada vegada más, na vida diaria, úsase más el neerlandés estándar siguiendo les normes afitaes pola Nederlandse Taalunie (Unión de la Llingua Neerlandesa), que foi creada en 9 de setiembre de 1980 en Bruseles p'afitar una norma común en tolos países de fala neerlandesa.
Anguaño ta mal vistu nomar flamencu al neerlandés.
POLÍTICA:
El movimientu flamencu (en flamencu: Vlaamse Beweging) ye un terminu popular emplegáu pa describir el moviementu que busca una mayor autonomía pa la faza belga de Flandes, pa la proteición de la llingua flamenca en Flandes, y pola protección de la so cultura.
El polu más estremu del movimientu flamencu ta domináu por organizaciones d'ultraderecha como'l Vlaams Belang (el segundu partíu en votos nel parllamentu flamencu nes últimes eleiciones parllamentaries), Voorpost, Nationalistische Studentenvereniging (Unión d'Estudiantes Nacionalistes), y munchos otros. La organización más "radical" nel bandu esquierdista ye la organización, con base en Bruseles, d'inspiración marxista y independentista flamenca "Meervoud". Tamién hai partíos munchu más moderaos como la N-VA (flamencu: Nieuw-Vlaamse Alliantie, asturianu: "Nueva Alianza Flamenca", un partíu relativamente pequeñu con representación nos parllamentos federal y "rexonal") y varies organizacións estraparllamentaries, munches de les cuales tán representaes nel OVV (Flamencu: Overlegcentrum van Vlaamse Verenigingen, asturianu: "Centru de Consulta d'Asociaciones Flamenques"). La más importante d'elles ye'l VVB (Flamencu: Vlaamse Volksbeweging, asturianu: "Movimientu Popular Flamencu").
Los moderaos del movimientu tuvieron representaos principalmente nel Volksunie ("Unión Popular" n'asturianu) , un partíu importante que tien fechos munchos avances pa la causa flamenca dende la so fundación en 1954 hasta la so fin en 2002). Tres la fin del de Volksunie, tolos representantes pasaron a diversos partíos flamencos, y anguaño prauticamente cualquier partíu flamencu (sacante'l Vlaams Blok) pue ser consideráu parte de la faza moderada del movimientu.
TENDENCIES POLÍTIQUES
Independentistes
Anguaño los más de los militantes del movimientu flamencu xeneralmente lluchen pola fundación d'una república flamenca independente con Bruseles como capital. Los derechistes del Vlaams Belang y los conservadores de N-VA sofiten esti puntu de vista. El Vlaams Belang, qu'algamó'l 24.15% de los votos en Flandes nes últimes eleiciones flamenques (2004), ye güei la segunda formación política en Flandes. Una pequena parte apoya la unión colos Países Baxos pa formar un estáu llamáu a vegaes Dietsland. Esto ye apoyáu por varios activistes holandeses d'ultraderecha y nacionalistes, qu'apoyen fuertemente'l movimientu flamencu. Va poco, varios políticos moderaos de los Países Baxos tienen apoyada esta idea, incluyendo políticos d'izquierdes como Jan Terlouw.
Videu d'un actu de los ultraderechistes Vlaams Belang, onde podeis sentir la so llingua:
Confederalistes
El partíu rexonalista d'izquierdes Spirit, asina como varios representantes d'importantes partíos políticos flamencos pertenecientes a la faza moderada, incluyendo los democristianos del partíu CD&V (el mayor partíu nel parllamentu flamencu en 2003), el partíu lliberal VLD (terceru más grande), y, en menor midida, el partíu socialista SP.A (cuartu más grande), quieren más una organización confederal del estáu belga nel marcu de l'actual organización federal. Esto fadría al gobiernu flamencu responsable de prauticamente tolos aspeutos de gobiernu, algúnos de los cuales son güei responsabilidá del gobiernu federal belga. La capital tanto belga como flamenca de Bruseles permanecería como una ciudá onde los ciudadanos flamenco-falantes y francófonos tendríen los mesmos derechos, mentanto que l'independentismu radical (una cierta parte d'él), fadría a los cidadanos francófonos de Bruseles - que representem más del 80 % de la población de la ciudá - estranxeios nuna rexión flamenca falante de neerlandés.
Federalistes
Varios representantes del SP.A y, en muncha menor midida, del CD&V y del VLD, prefieren l'actual organización federal del estáu belga. Esti puntu de vista ye compartíu por varies organizaciones sociales y culturales tales como Vermeylenfonds ('Fundación Vermeylen'), amás de por sindicatos, y axencias de seguros. Los qu'apoyen esti puntu de vista esperen caltener les instituciones belgues pa faceles trabayar correutamente. Sicasí, les recientes quexes sobre la continuada discriminación escontra los ciudadanos flamenco-falantes polos hospitales y servicios médicos d'emerxencia en Bruseles - que foron probaos pol Conseyu d'Europa, la resistencia de los ciudadanos francófonos que viven en Flandes, y la práctica imposibilidá d'aliviar los costes de la mano d'obra pola resistencia conservadora de la unión socialista francófona nun aida precisamente que la sociedá apoye la causa federalista.
--------------------------------------------------
Pa ver l'artículu anterior d'internacionalismu: Internacionalismu 4; Occitania
Pablo Rodríguez, portavoz d’UNIDÁ Xixón, califica de “especulación pública” les 1.800 viviendes de “protección empresarial” que’l Conceyu de Xixón quier facer nel entornu del cementeriu de Xove
El portavoz en Xixón de la coalición nacionalista manifestó el so asoramientu énte “un proyectu que curiosamente vien a imponer lo que va tiempu se descartó pal Plan General de Ordenación Urbanística (PGOU) de Xixón, pola mor de la presión vecinal, lo qu’amuesa la falta de respetu que tien l’Ayuntamientu pa colos ciudadanos” y amestó “que l’Ayuntamientu punxo un parche al calificar la zona d’interés paisaxísticu, buscando un momentu afayadizu pa saltar esta calificación.”
Pablo Rodríguez rescampló que l’Ayuntamiento “énte la inminente construcción de la regasificadora, que fai de la zona de Xove un entornu potencialmente peligrosu, quier entamar una actuación pa urbanizar una zona na que naide que pueda permitise escoyer va querer vivir nel futuru”, lo que, al entender d’UNIDÁ en Xixón “convierte la calificación d’actuación protexida nuna protección pa los empresarios que garantizen unos precios que van ser mui superiores a los de mercáu cuando se faiga la bomba que supónpara Xove la regasificadora.”
Depués Alonso ironizó indicando que “el Conceyu de Xixón inventó un nuevu conceptu urbanísticu, la especulación pública, que consiste n’aprovechase d’una normativa autonómica quefai por potenciar la vivienda protexida, p facer urbanizables zones que van devaluase rápidamente y dándo-yos esta calificación pa garantizar el beneficiu de los empresarios”, viéndose una vez más “la llarga mano d’ IU nel Conceyu de Xixón y como ‘gracies a ella’ se fomenten las polítiques d’isquierda.”
Lo más duro, llamentó Pablo Rodríguez “ye que les persones que más necesiten esta mena de viviendes protexíes van vese obligaes a instalase en zones peligroses, pa que les zones más rentables lae urbanice la iniciativa privada onde los precios son prohibitivos pa los más de los y las xixoneses”.
Esta noticia asoleyala "El Comercio" que señala que la entrega de los Premios Uviéu"calentó el sentir bablista del concejal de Cultura de Oviedo, José Suárez Arias-Cachero, 'Felechosa', que hizo sus primeras armas en las fuentes del asturianismo y ahora es edil del PP".
Y ye qu'"alliniase" cola presidenta de l'Academia de la Llingua, Ana Cano, y defender la normalización del asturianu como única forma de defender una de les señes d'identidá "rexonales" y que la oficialidá quede recoyida na reforma l'Estatutu d'Autonomía ye demasiau pa esti periódicu, nun son a entendelo.
Amás el conceyal peperu aseguró que ta "tratando de convencer a los responsables del PP de que tenemos que dar un paso adelante" y "aprovechar la oportunidad histórica que supone el futuro Estatuto", son, al so mou de ver (y al de toos), los socialistes los que más torgues ponen al llogru de la oficialidá (anque ta por ver a la hora de la verdá lo que votará'l PP).
El políticu refirióse a los dirixentes del PSOE como "apóstoles de la multiculturalidad progre" (xD), que dediquen más esfuerciu y tiempu a defender otros patrimonios "rexonales" que'l llingüísticu. Poro, convidó-yos a "defender la llingua con la misma decisión que están defendiendo al oso pardo cantábrico". (recordemos l'espectáculu bochornosu de Furacu, Paca y Tola.)
A sabiendes, según El Comercio, de que los qu'emplegamos l'asturianu nun somos mayoría, pero sí más qu'otros coleutivos discriminaos que tienen algamaos los sos oxetivos, Felechosa espetó la fras cola qu'abro esti post, que "somos una minoría, pero más minoría son los transexuales y sus derechos fueron reconocidos". Arriendes sinte menoscabaos los sos derechos y los d'otros que como él que quieren falar asturianu y, tamién, "hacer un testamento, una compraventa o la declaración de la renta". "El asturiano, sin el marco normativo que pasa por la oficialidad, no tiene valor jurídico", afitó'l conceyal.
Pallabres mui guapes, tou mui bien (anque igual el comentariu de los transexuales ye desacertáu), pero vuelvo repetir, a la hora la verdá a ver cual ye la posición del PP, que nun hemos escaecer, son los de la tía Nemesia.
Los sindicatos USIPA, CSIF, Corriente Sindical d'Izquierda y USO tienen denunciao qu'aproximadamente'l 20% de los puestos de trabayu del personal del Gobiernu asturianu son nomamientos de persones "de confianza" de quienes pertienen el poder. Tamién tienen dicho que los nomamientos "a deu" son una ferramienta cada vegada más utilizada pola Alministración.
UNIDÁ-Andecha Carreño presentó una moción na Mancomunidá del Cabu Peñes, n’alcordanza del llevantamientu d’Asturies de 1808. La moción foi presentada na Comisión de Réximen Interior de la Mancomunidá del Cabu Peñes, que se celebró‘l 6 de Mayu. Foi aprobada colos votos a favor de tolos grupos políticos esceuto’l PP que s’astuvo, a la espera de posicionase na Xunta de Mancomunidá, que se celebrará nes próximes selmanes y onde tendrá que ratificase nuevamente l’aprobación de la Moción, colos votos de tolos grupos políticos.
- Moción. Esposición de motivos
El llevantamientu d’Asturies en Mayu de 1808 contra les tropes franceses, ye ún de los acontecimientos más notables qu’ofrez la nuesa hestoria.El 25 de Mayu de 1808, ante la ocupación francesa, la Xunta Xeneral d’Asturies constituyía en Xunta Suprema de Gobiernu, con atribuciones de Soberanía, declara formalmente la Guerra a Francia, manda embaxadores a Inglaterra y alcuerda la creación d’un exércitu popular asturianu.Nos díes siguientes, tanto Carreño como Gozón súmense a la declaración de la Xunta Xeneral y comiencen a movilizase, siendo la nobleza rural y los llabradores los principales protagonistes. Créense patrulles nes villes, protéxese la costa y los caminos de los conceyos, y recuéyense suministros y armamentu.
La comarca de Peñes vese protagonista el 28 de Mayu de 1808, cuando “un rapacín de Candás” media ente los embaxadores asturianos unviaos pola Xunta Xeneral y un barcu Inglés fondiáu frente a les costes de Lluanco, nel que queden embarcaos.
El 9 de Xunetu de 1808 créase’l Reximientu de Candás y Lluanco, compuestu por 700 soldaos, la mayor parte de Gozón y Carreño. Esti reximientu sufrió una importante derrota el 10 y 11 de Payares de 1808, na batalla d’Espinosa de los Monteros (Burgos), na que morrieron más de 350 persones. Otres batalles importantes nes que participó foron en Santander, Salamanca, Badaxoz, Zamora, Vitoria, Bayona, etc.
A partir del 19 de Xunetu de 1808, por mandatu de la Xunta Xeneral, organízase L’Alarma de los conceyos, que taba compuesta por tolos vecinos, esceuto los vieyos, muyeres y neños. El 20 de Mayu de 1809, L’Alarma de Gozón y Carreño foi convocada en Valliniello, onde sufrieron una gran derrota, con más de 200 muertos.
La primera invasión de los conceyos y ocupación de Lluanco y Candás produzse’l 21 de Mayu de 1809 y duró un mes. Hubo nueves invasiones dende Xineru de 1810 hasta Xunu de 1811, dende Payares de 1811 hasta Xineru de 1812, y finalmente dende Mayu hasta’l 14 de Xunu d’esi mesmu añu, cuando les tropes franceses colen d’Asturies.
Estos fechos representen un periodu trascendental de la hestoria de Carreño y Gozón, que tienen que ser celebraos y conmemoraos. Y qu’además representen una duda histórica, ya que la mayoría los conceyos (ente los que s’alcuentra Carreño según acta del Plenu del 28-05-1808), prometieron a los sos Reximientos llevantar una tabla cívica, pa “perpetuar la memoria d’aquellos que s’allistaren”, y non hai constancia de qu’esta llegara nunca a facese.
- Ello asina, UNIDÁ-Andecha Carreño somete pa la so aprobación la moción que vien darréu:
Primeru.- Qu’esti 25 de mayu de 2008 cúmplense 200 años de la proclamación de soberanía por parte de la Xunta Xeneral del Principáu, que n’usu de la mesma declaró la guerra al Imperiu Francés, firmó la paz y l’alianza militar con Gran Bretaña nel so propiu nome, llevantó un Exércitu Defensivu Asturianu y formó un gobiernu soberanu.
Segundu.- Qu’esos fechos tuvieron gran trascendencia p’Asturies por suponer l’aniciu de la nuestra Historia contemporánea, por marcar les primeres boquiaes del Vieyu Réxime y pola entrada na vida política del conxuntu del pueblu asturianu, axente activu en tol procesu de cambios.
Terceru.- Que’l procesu revolucionariu y soberanista tien una gran importancia simbólica pal pueblu asturianu, ente otres coses por ser la causa de la istauración de l’actual bandera asturiana.
Cuartu.- Qu’esos acontecimientos tuvieron especial importancia pa la nuestra comarca, porque la embaxada encabezada por José María Queipo de Llano partiera pa tierres ingleses dende la costa del Cabu Peñes, asina como’l pol fechu de que dende xunu de 1808 quedara formáu un Reximientu de Candás y Lluanco de voluntarios del Exércitu Defensivu Asturianu, del que tovía se conserva la so bandera nel Muséu del Exércitu de Toledo.
Quintu.- Qu’esos socesos son especialmente dignos de celebrar en tanto que suponen un elementu de memoria compartida por toles corrientes polítiques presentes güei na sociedá asturiana, nel que toes elles puen vese reflexaes por ser, perriba de les distintes tendencies ideolóxiques, la marcha unánime d’un pueblu escontra la dominación y la imposición.
Sestu.- Que s’afite una placa, n’alcordanza de los fechos socedíos n’Asturies y en Carreño y Gozón durante La Francesada, col testu: “Los conceyos de Carreño y Gozón, n’alcordanza del Reximientu de Candás y Lluanco, de L’Alarma y de tolos vecinos y vecines que llucharon al lláu de la Xunta Xeneral y del Exercitu Defensivu Asturianu, contra la dominación francesa, ente 1808 y 1812”.
Séptimu.- Que se coloque la copia de la bandera del Reximientu de Candás y Lluanco nun llugar predominante de la sede de la Mancomunidá.
Esbilla
del.icio.us
VITY
