La manifestación pola oficialidá d'esti sábadu, magar que'l Nuberu nun tuvo con nós y foi constante la presencia de la lluvia, cuntó cola asistencia de 20.000 persones según dixo'l voceru del Conceyu Abiertu pola Oficialidá. Con esa cifra, l'oxetivu ta más que cumplíu, facer d'esta la mayor manifestación pola oficialidá del asturianu qu'enxamás se fixere en tola hestoria del movimientu de vindicación llingüistica n'Asturies. Les marches dende estremaos puntos del país qu'entamaren yá a les 9:00 de la mañana, llevaron esti pidimientu per cuasi tola xeografía del país y espeya nidiamente'l rispir de la sociedá asturiana por que la so llingua nun quede escaecida nel prosimu remocique del estatutu d'autonomía, llei cimera del nuesu país, y qu'anecia en siguir reprimiendo y ñegando los drechos llingüisticos a los sos ciudadanos/es, de manes de los partíos parllamentarios que nél s'afayen PSOE,PP ya IX (partíu que mazcarase d'asturianista y que nun ye quien a llevar 20 persones a la mani).

Agora, como siempre, queda en manes de la clas política, esa clas política que nun respeta al pueblu nesta mal llamada democracia y que coles declaraciones que fexo Javier Fernández (cabezaleru de la Federación Socialista Asturiana), el mesmu dia de la movilización, diciendo que: "«preservar la lengua asturiana está bien, pero glorificarla no» yá que pa él "«las raíces de la intolerancia están hincadas en la sobrevaloración de lo propio»" amuesa mui a les clares el so refugu a un diálogu sobre un problema que lleva más de 30 años sobre la mesa y que nun quieren ver.

H.oda-y a quien-y h.oda, el pueblu asturianu siguirá na cai glayando y puxando porque la nuesa llingua nun desapaeza.

¡L'ASTURIANU LLINGUA OFICIAL YÁ!

Video de la manifestación:

Video del discursu:

Un saludu.

La manifestación taba anunciada a les 18:30 hores de la plaza del Humedal. A eses hores unes 700 persones esperaben nes aceres a que la policia cortara el tráficu y pudieren desplegase les pancartes. Na de cabecera podía leese: "El nuestru meyor homenaxe ye siguir cola llucha" xunto a una pintura cola silueta de Carlos, antifacista asesinau en Madrí fae una selmana, y taba firmada pola Coordinadora Antifacista d'Asturies. Trés esta otra pancarta recordaba: "Convivencia e igualdá. Asturies Antirracista".

Dende la furgoneta qu´acompañó a la manifestación recordose el caracter pacífico de la convocatoria y la necesidá de no caer en posibles provocaciones facistes, policiales o non, durante'l recorriu de la marcha. También cuntaronse les noticies que dende Madrid llegaben de la concentración antifacista que dende les 16:30 hores reunió a miles de persones na puerta del Sol

A les 18:45 entamó a caleyar la manifestación. Podien vese además de les pancartes de cabecera delles otres, pa exemplu:
- "Contra'l facismu. llucha pola tercera república" del PCPE
- "Asturies Antifacista" de Darreu
- "Unidá contra'l facismu" de Unidá
- "No pasarán" de JCA
- "Caiga quien caiga pola represión" y "1937-2007, los años pasen, la llucha continua" de Calecer
- "La policia señala, lxs nazis apuñalan" con símbolos de anarquía, comunismo y okupación.
- "No al racismu, no a la xenofobia, no a la represión" de Aira
- "Un paso alantre contra'l facismu" de Mias
- "Asturies Antifacista" del Fusoa

A les 19:00 hores la manifestación trescurria por la cai Marques de San Esteban, más de 1000 persones acompañaben la marcha. Númberoses pegadielles antifacistes onde con semeyes de Franco y el rey podia lleese "La dictaura continua" adornaben les parees y marquesines.

A les 19:25 la manifestación llegó a la plaza del Plaza'l Parchis. Ellí taba dispuesta la megafonía pa les llectures.

Los convocantes estimen n'esos momentos n'unos 1200 los participantes na convocatoria.

Pa finar leyeronsé dos textos, unu en memoría de Carlos y l´otru el comunicau de los convocantes, y fizose un llamamientu a la solidaridá colos compañeros de la Coordinadora Antifacista de Madrid pola situación qu'atraviesan trés la illegalización de la convocatoria del 24 de Payares. Dempués emplazose a la espicha y actividaes que siguian na casa Sindical de Xixón.

Video de la manifestación:

Mural homenaxe al compañeru Carlos:

Un saludu.

Esta foi la repercusión que tuvo l'actu nos medios.

-Noticia en LA NUEVA ESPAÑA

-Video de la noticia en LA NUEVA ESPAÑA

-Noticia con video de TELEASTURIAS

-Noticia ensin semeya de EL COMERCIO

-Noticia con video y semeyes en ASTURNEWS

Nin "La voz de Asturias" nin la "RTPA" ficieronse ecu de la noticia nos sos medios dixitales.

Un saludu.

Etiquetas: Llingua, Videos blancos

Entrín y non camudo de direición y como yá anunciara va unos díes con esti video del youtube voi entamar a espublizar un especial sobre la revolución asturiana d'ochobre'l 34. Espero que lo esfruteis.

Un saludu.

Etiquetas: Ochobre '34

Un saludu.

Etiquetas: Antitauromaquia, Reportaxe blancu, Videos blancos

Etiquetas: Películes, Videos blancos

Xubo con bastante retrasu'l video de la manifestación de los trabayadores de San Cloyo escontra del pieslle de la Lloza.

Un saludu.

Etiquetas: Videos blancos

Momentu de la manifestación pasando al llau de "La Pesetona"

Otra vuelta Asturies tornó a salir a la cai col glayíu y el pidimientu de que Cándido y Morala seyan puestos en llibertá, pero amás, esta vez xuntose-y otru oxetivu, el de la dimisión del delegáu del gobiernu español n'Asturies, Antonio Trevín Lombán un home dignu d'apaecer al llau de "La Pesetona" con una efixe al so gran llabor de reprimir a los y les asturianes cola aida inestimables de les fuercies policiales que nun tien reparu n'emplegar cuando daqué nun-y presta.

Poro, ¡TREVIN DIMISIÓN POR FACISTA Y POR CASTRÓN!

Un saludu.

Etiquetas: Cándido y Morala, Reportaxe blancu, Videos blancos

Güei cellebrose n'Uviéu una de les tantes convocatories que se vienen asocediendo estos díes col envís de pidir a los carceleros la llibertá de los 2 presos políticos asturianos, Cándido y Morala. Esta concentración cuntó col sofitu d'unes 200 persones qu'énte una descomonada presencia policial (4 grilleres y 2 motos de policia, con un cercu de policies ente los manifestantes y la Xunta), glayaron eslóganes de tou tipu como "Más trabayu y menos policia" o pidiendo la dimisión del delegáu del gobiernu español n'Asturies Antonio Trevín Lombán. Pero como una imaxe val más que mil pallabres dexovos equí 2 videos pa que lo veais colos vuestros güeyos y pido un favor, votái tolos videos de Cándido y Morala qu'hai en Youtube y amestailos a favoritos pa qu'entren toos nel "ranking" de los más vistos y tol mundu seya quien a ver la represión y el gobiernu facista que carecemos n'Asturies. Gracies.

Concentración delantre de la Xunta Xeneral (21/6/07):

Ánxel Nava en nome de la Plataforma:

Un saludu.

contadores de visitas

Etiquetas: Cándido y Morala, Reportaxe blancu, Videos blancos

Otru añu más el día de les lletres desendolcase nun doble sen, per un llau, ye otru día más na xornada vindicativa d'un drechu irrenunciable como ye la oficialidá, drechu que reclamamos saliendo otra vuelta a les cais, y pel otru ye un día nel que cellebramos la bayura y calidá de les nueses lletres col actu entamáu pola Academia de la Llingua Asturiana nel teatru campoamor.

Manifestación que tuvo un calter más especial qu'otres, porque resulta que nesti mes de mayu vamos tener unes elleiciones nes que vamos escoyer los nuesos representantes políticos na Xunta Xeneral por otros 4 años, llexislatura na que se fadrá'l remocique del nuesu estatutu d'autonomía, estatutu que ye fundamental que recueya los drechos llingüisticos de los asturfalantes d'igual mena qu'a los que falen castellán.

Como ye vezu nun faltaron representantes políticos de toa triba...dende los yá veceros Valledor y Palacios, que paez que nun se quieren enterar de que lleven nel gobiernu 4 años, y que van a toes o cuasi toles manifestaciones pol asturianu de los caberos años, Xuan Xosé y Marqués qu'han d'amosar que tán pola oficialidá magar que, pasen per estes manifestaciones dacuando y a les que Marqués, al qu'enxamás nun sentí falar asturianu pasa cada 4 años, xente del PCPE que yá lleven tiempu amosando que quieren entamar a trabayar pol idioma, y el mayor cortexu de toos, Unidá, coalición que munchos califiquen d'elleutoralista, pero que foi quien a atropar tres de les sos pancartes a unes 250 persones con banderes d'Andecha Astur ya Izquierda Asturiana.

Pero meyor que lo veais nesti video:

No que cinca a la cellebración entamada pola Academia, xunto dempues de la manifestación y de la llectura del manifiestu de la mesma, tamién cuntó cola presencia de los mesmos representantes políticos a los que s'amestó Trevín, al paecer nuevu escritor de les nueses lletres al lleer un testu de so mentanto la llectura de rellatos na Xunta Xeneral.

Los actos desendolcaos pola Academia foron los que vienen darréu:

-Entamu musical a cargu d'Andrea Fernández Joglar, qu'interpretó a la gaita "Ecos de la Quintana" y "La Xota'l Centru".
-Xunta Estraordinaria de l'Academia; cola llectura del acta per parte del secretariu Roberto González-Quevedo.
-Acoyida de la nueva académica de númberu.
-Pallabres de Marta Mori d'Arriba.
-Discursu institucional de la Presidenta de l'Academia.
-Esbilla de poemes y llectura de los mesmos inxertos en Lletres Asturianes 95, por Sonia Avellaneda y Próspero Morán.
-Actuación del grupu Tejedor qu'interpretó; Muñeires pa Gordon Duncan, Jota la Punta, Añada pa Julia, Seique non (n'alcordanza a Ígor Medio y Carlos Redondo) y Saltón d'Iyana, amás de 2 temes más a pidimientu popular.
-Y per últimu la interpretación a la gaita del Himnu d'Asturies, que foi acompangáu polos cientos de persones en pie qu'ellí mos aconceyamos.

Toos estos actos tuvieron salpicaos de pidimientos d'oficialidá, glayíos de ¡Puxa Asturies! y un ¡Izquierda Unida nun traiciones! dirixíu a Valledor mui graciosu.

Y en sofitu a la candidatura d'Unidá pa esparder los sos videos y materiales dende tolos medios posibles apurrovos equí'l video del so cortexu na mani:

Un saludu.

Etiquetas: Llingua, Reportaxe blancu