De camín al prerrománicu asturianu la señalización ta en billingüe, si, pero con una nidia diferencia de tamañu ente'l testu en castellán (arriba), más grande y más visible, y el testu n'asturianu (abaxo), en pequeñucu y, poniendonos repunantes cola gramática, esi "recepción" habría ser un receición según l'ALLA...

...Esto ye Asturies.

Un saludu.

Poco más habrá que dicir sobre l'actu d'ayeri a los que tuvistis ellí, depués de les cróniques d'Europa Press, Asturies.com y Asturnews.

Pa los que nun tuvistis pos bono, añader dalgo que nun sal nos demás medios y ye qu'anque nel brinde al actu dicíase qu'al final del mesmu habría un alderique nel que se daría la voz al públicu esti nun tuvo llugar ("por falta de tiempu"). Tamién, que, a lo menos pa min, foron a rescamplar especialmente, ensin quitar méritu a nengún otru interviniente, los discursos de Chus Pedro (al que tovía nun perdono pol Asturies-España), Xabiel Pañeda y sobremanera Xosé Nel Riesgo que peslló l'actu con un discursu perelocuente y con un tonu de voz acordies cola situación, frente a la parsimonia academicista, una pena nun lo tener grabao.

Como sorpresa final del actu y toos lo tendréis lleío yá, l'ALLA anunció l'envís de comunicar la situación a los dirixentes de Pá PSOE y de Ma PP, pa ver si son quien a iguanos el conflictu dende Madrid.

Más nada. Déxovos darréu dellos videos:

Presentación del actu de Próspero Morán y Comunicáu de l'ALLA

Intervención d'Ana Cano. Presidenta de l'ALLA

Documentu pdf del discursu íntegru apurríu por Asturnews

Segunda parte de la intervención d'Ana Cano. Presidenta de l'ALLA

Himnu d'Asturies y L'asturianu llingua oficial

"Enxamás dexaremos que nos consideren y traten como estranxeros nel propiu país" . Ana Cano -Presidenta de l'Academia de la llingua asturiana - 17-07-2008

¡L'ASTURIANU LLINGUA OFICIAL!
¡PUXA ASTURIES DIXEBRÁ!
-----------------------

Un saludu.

Dende l'orixinal de Glayíu (correxíos dellos errores n'asturianu).

-------

Un saludu.

Les muries d'un país falen de la problemática social del momentu, pola necesidá de los movimientos populares de llegar d'una manera direuta al ciudadanu, al nun disponer del poder de difusión de los grandes medios.

N'Asturies les muries lleven pidiendo va más de 30 años, una cosa bien simple, que l'asturianu seya LLINGUA OFICIAL.

10:45 delantre de la Xunta Xeneral del "Principado". Esta vegada nun hai escuses pa nun se movilizar...

-----

Un saludu.

Desconvócase l'enzarru

Sofitu a los enzarraos

Gotor comprométese

Videu

Un saludu.

Triando les cais de la capital del país, con bon güeyu y una cámara a mano, siempre nos podemos alcontrar con pintaes dignes de facer una semeya, nesti casu non pola so espectacularidá sinón pola so orixinalidá, o quiciás ye un discípulu del Trasgu d'Areces al que-y prestó'l so post....

Énte la dulda que pueda surdir yo aseguro que nun fui, namás que soi un simple retratista.

Un saludu.

Nun creo qu'heba más qu'añader a lo que toos yá sabemos más que la semeya d'enriba d'esti testu y el videu d'embaxo.

Videu blancu

Un saludu.