La banda de rock Dixebra presenta estos díes el primer videu-clip con un cantar del so trabayu discográficu nuevu, tituláu Amor incendiariu, que salió nel mes de payares del añu pasáu. El tema escoyíu pa convertilu n'audovisual ye «Blancos andantes», con lletra del escritor xixonés Quique Faes y del vocalista del grupu Xune Elipe, y música del productor y componente de Dixebra Sergio Rodríguez. La temática de la canción xira alredor del anonimatu y el so usu retorcíu al traviés d'internet.
Los esteriores grabáronse nel cascu antiguu de la villa d'Avilés y de Villalegre y nel barriu de Los Campos (Corvera), amás de nel Teatru Filarmónica d'Uviéu. El realizador foi Guillermu Fernández, quien yá trabayara con Dixebra n'anteriores ocasiones, asina ye l'autor tamién del videu-clip del tema «El manteru», de la grabación del conciertu especial con motivu del venti aniversariu del grupu y del documental Ventiañeros qu'aparecen nel trabayu tituláu N'acción.
Nel videu-clip de «Blancos andantes», amás de los miembros de Dixebra, participen les baillarines de la Escuela de Danza Lía d'Uviéu con una coreografia montada a costafecha pal tema y la intervención de Frantxu Melero.
A esti videu-clip va sumase na seronda otru col tema «De prau», que va dir grabándose a lo llargo de la primavera-branu coles aportaciones de tolos interesaos, onde dean a conocer les romeríes y fiestes populares de los sos llugares.
Lasociación cultural Xeira ta acabante publicar el discu Dixebra. Versióis eonaviegas en collaboración con LAguañaz. El grupu Dixebra taba grabando el so discu Amor incendiariu que salió hai poco más dun mes y la banda, siempre comprometida cola reivindicación llingüística, púnxose d'alcuerdu con Xeira pa sacar una muestra del so trabayu nuevu, pero con versiones en gallego-asturianu. El resultáu ye esti trabayu, que cuenta con cuatro cantares tresvasaos a la llingua del estremo occidental: «Amor incendiario», «Berra» que se pue sentir na web de LES NOTICIES, «Quero ser ferro» y «Xentuaya».
Lasociación cultural Xeira lleva cuasi dos décades «trabayando día a día pa que l'eonaviegu, la llingua que falamos miles de persones del estremu occidental dAsturies, tenga futuru». Pa eso, espliquen, «fai falta un estatus llegal doficialidá que garantice los derechos de los falantes y, al tiempu, actividaes quayuden a ver normal quesa llingua que apareza tamién notros ámbitos, como pue ser la música». Dixebra. Versióis eonaviegas ta distribuyéndose nos chigres del Eo-Navia al preciu de cinco euros y va presentase nel actu d'entrega del Premio Xeira de Narracióis Curtias.
Gracies a un llector pudi tener accesu a un direuto de Dixebra nel añu 1991 en sofitu a l'Asociación de parados del Valle del Nalón (ADEPAVAN). Un documentu perintaresente que me prestaría compartir con toes vosotres.
El pueblu andaluz ta saliendo a les cais, colSindicato Andaluz de Trabajadoresa la cabeza, nestos momentos de crisis del capitalismu. Les agresiones por parte de les "fuercies de seguridá" son constantes pero tamién la so llucha, un exemplu pa toes y toos.
Les sos vindicaciones principales anguaño son:
1 - Trabayu pa los paraos
2 - Un PER estraordinariu que dea trabayu a los paraos del mediu rural al menos demientres cuatro meses.
3 - Una moratoria de pagu de les hipoteques pa toles persones en paru.
4 - Que la duración del subsidiu agrario y renta agraria seyan de 10 meses y la so cuantía'l salariu mínimo interprofesional (624 €).
5 - Aides direutes al comerciu y empreses pequeñes, asina como la condonación de dellos impuestos.
6 - El desaniciu de les 35 peonaes como requisitu pa solicitar el subsidiu de desemplegu,
7 - Aides a los pequeños agricultores y cooperatives p'afalar cultivos sociales que xeneren beneficios económicos y trabayu.
8 - El desaniciu del “decretazu” pa que toles persones que reúnan los requisitos puedan solicitar el subsidiu agrariu.
9 - Talleres d'emplegu, escueles taller, cases d'oficiu en base de los paraos/es y al númberu d'habitantes pa cada pueblu y ciudá.
10 - Que los y les trabayadores inmigrantes y les sos families tean incluyíos nestes midíes y puedan acceder a les emprestaciones sociales n'igualdá de condiciones.
El grupu de rock alternativu n'eusquera, Berri Txarrak (Males Noticies n'asturianu) va dar un conciertu na sala Albéniz de Xixón, el próximu 18 setiembre. Acabo enterame pel so myspace, desconozo dafechu si vienen al traviés de dalgún coleutivu o movimientu social, pero estráñame que nun se tenga anunciada yá la presencia d'esti gran grupu per primer vegada n'Asturies.
Enxamás nagüé
llamber caleyes
pa qu'a vós nun vos
faltare de res.
Pero eso sí,
vós pela cueta
de la mio xera
xintastis bien.
(x2)
Acabósevos el chollu
anguaño yá me farté
barro pa la mio fastera
y a vosotros que vos den.
Camiento que ye obligatoriu
facer yá la revolución.
Dinamitar esti sistema
porque tenemos más d'una razón.
Pa decidir per nosotros
ensin pidir opinión
¿Esos tipos con corbata
quien ******** son?
Mientres quede dinamita
mientres que nos quede alcohol
mientres que nos queden griesques
guerra a muerte al opresor.
(x2)
¡Borrachos y dinamiteros!.
(x2)
¡Antifacistas dinamiteros!
--------------------------
La hestoria d'esti grupu de Gozón tien dos partes bien estremaes: un enantes y un dempués del asturianu. Yá a finales de 1985 esistía una formación con esi mesmu nome onde Manolo (militante anarquista verdaderu ánima de la banda) cantaba ya intentaba facer rock xunto a Quilo (guitarrista de La Felguera que daquella tocaba nun grupu nomáu RIP), Fredo (baxista tamién de La Felguera que naquella dómina repartía'l so tiempu con Quemándose Vivos) y El Negro (batería de Lluanco). El so repertoriu yera dafechu en castellanu y duraron como grupu malpenes unos meses.
La segunda y definitiva formación quedó encadarmada como tríu y tolos sos componentes del conceyu gozoniegu: Manolo (de Nembro, encargábase de la guitarra y la voz), El Negro (del barriu lluanquín de Tocote, a la batería) y Frecho (de El Crucero, al baxu). Siguíen cantando en castellanu y como llugar d'ensayu contaben cola corte del pá d'ún d'ellos, ehí grabaron una maqueta con cinco temes titulada "Asturies se la juega" espardiéndola ente collacios. Nello taben cuando, de sécute, Manolo hubo colar pa Salamanca, quedando'l grupu paráu.
Ye xustamente nesa ciudá, tocando la guitarra na cai pa sacar unes perres, onde'l nuestru protagonista conoz a un rapaz de Llanes qu'ellí mesmu-y canta dellos temes n'asturianu compuestos por él, "aquello dexóme mui flipáu". Darréu d'esti alcuentru Manolo torna p'Asturies, depriende la llingua, entama a componer n'ella "porque presta" y de nuevo xunta al grupu. Ufierten dellos conciertos onde amuesen el so vigorosu punk-rock de lletres, agora comprometíes a esgaya, cachondes ya iróniques, con influyencies de Leño, Parálisis, Permanente, La Broma de Satán, Último Resorte... y en xeneral de tolos grupos del Rock Radical Vascu.
Títulos como "Xuacu, xinta xorra" (cantar que llueu versionaría y fadría famosu Dixebra), "Si queréis guerra vais tenela" (sobre'l conflictu llingüísticu), "Ma ú ta pá" (onde se diz que l'asturianu tien raigón africanu), "Borrachos y dinamiteros" (el qu'entama esti artículu), "Vaqueiraes terroristes" o "Pelayu yera un babayu que nun punxo'l bable llingua oficial" formen parte del so repertoriu musical.
Participaren con dos cantares, grabaos nel Conciertu pola Oficialidá na cassete titulada "Esto ye lo ke hai" en sofitu a l'Asamblea Okupa de Xixón, onde apaecíen bandes como UHP, Dixebra, Eskándalo Públiko, Puxarra o Intolerance, siendo ún de los primeros recopilatorios asturianos d'esti cartel y onde ocho de los temes son n'asturianu.
Nel añu 1988 Karne Antisocial deciden dexalo alcordándose más llueu d'aquello como un tiempu perprestosu: "tuvimos mala suerte por circunstancies cabrones de la vida, teníemos trés acordes, enerxía y daqué que dicir".
Esbilla
del.icio.us
