*Óscar Rodríguez Buznego: "se evita que la cuestión lingüística se pueda convertir en motivo de fractura política a la vez que se permite el fomento de la lengua"

*Salvador Gutiérrez Ordóñez: "una declaración del asturiano como lengua oficial implicaría «una imposición a nivel de enseñanza y en la Administración"

*Juan Velarde: "la oficialidad del asturiano implicaría «crear un idioma, y eso es falso, es ridículo unificar"

*Ignacio Gracia Noriega (conocíu asturfóbicu): "el asturiano no es una lengua viva y, por tanto, no es competencia del estatuto", "es un problema artificial, de «ciencia ficción», porque se trata de una lengua que actualmente no se habla", "la cooficialidad del asturiano supondría una imposición para todos los ciudadanos asturianos".

Fonte: LNE

Esta xente nun me merez nengún respetu nin credibilidá.

FARTU YÁ D'ESTA XENTECAYA

Un saludu.

L'antropólogu Roberto González Quevedo nun ta d'alcuerdu cola decisión tomada y considera que'l tratamientu que se-y da al asturianu nel Estatutu autonómicu ye insuficiente: «Ye evidente que se trata d'un patrimoniu llingüísticu, pero esto ye mui pocu, ha de se reconocer como llingua llariega del "Principáu d'Asturies"(sic), ha de se reconocer como un drechu de los asturianos». González Quevedo cree amás que sedría importante la oficialidá de la llingua y la so incorporación nel sistema educativu de la provincia pa tresmitir la llingua asturiana, «daqué de nueso que, si nun se reconoz, acabará perdiendose».

Fonte: LNE

Un saludu.

El gaiteru de Villaviciosa José Ángel Hevia amuesa belixerancia y asegura qu'aunque nun ta indignáu colos políticos de la "rexón"(sic) pola decisión tomada nel Estatutu, la situación del asturianu produz-y «dolor y vergoña», porque «ye una llingua que va morrer». El músicu nun ta d'alcuerdu col pautu algamáu por PSOE y PP y llamenta que so fía, Llucía, vaiga crecer con un nome que nun se considera oficial. «Hai neñes n'Asturies que se llamen por exemplu Jennifer y van tener un nome más oficial que'l d'ella», sostien. En so casa, tal y como esplica, ye tan obligatoriu l'asturianu como'l castellán y l'inglés, y «nin la mio esposa nin la mio fía quexaronse nunca», asegura Hevia.

Fonte: LNE

PD: Nun fui a topar nenguna semeya curiosa d'Hevia ensin gaita.
PD2: Rescampla que nel so web personal tenga opción d'escoyer namás 2 llingües, el castellán y l'inglés.

Un saludu.

La filósofa Amelia Valcárcel, que forma parte del Consejo de Estado, confiesa que ta disgustada pola situación del asturianu, una llingua que «ta baxo mínimos, n'estinción». Valcárcel considera que la perda de falantes nos últimos años y la proximidá del asturianu y toles sos variantes al castellán ensin que tenga esistío un procesu fuerte de normalización tien fecho que la llingua tea deteriorada y llamada a la desapaición. Poro, tal y como sostien la filósofa, si se quier preservar al asturianu «ha haber una intervención política y social perdecidida».

Fonte: LNE

Un saludu.

Llégame al corréu lo viniente:

La Xunta Direutiva del Aconceyamientu de Xuristes pol Asturianu, col comunicáu darréu, quier reprochar públicamente a los partíos PSOE y PP el so intentu de desaniciar dafechu la llingua asturiana pente medies de la reforma del artículu 4 del Estatutu d'Autonomía.

Nel mesmu sen, pidi a tolos asociaos y simpatizantes qu'acudan xunto cola familia y amigos al actu públicu que sol llema ¡RESPETU P'ASTURIES! tendrá llugar el XUEVES 17, A LES 19 HORES, NA SALA DE CÁMARA DEL AUDITORIU "PRÍNCIPE FELIPE" D'UVIÉU.

RETROCESU DEMOCRÁTICU

Énte'l proyeutu d'artículu 4 pal Estatutu d’Autonomía apautáu por PSOE y PP, l'Aconceyamientu de Xuristes pol Asturianu considera un deber cívicu alvertir a tola ciudadanía que:

1. El so conteníu y espíritu ta sacáu del Decretu 2929/1975 (art. 1: “Las lenguas regionales son patrimonio cultural de la Nación española… Su conocimiento y uso será amparado y protegido por la acción del Estado”) pel que'l réxime franquista, yá nes boquiaes, intentó desaniciar les xustes reivindicaciones de la España plurillíngüe.

2. Empobínase a la escontra d'ún de los principales oxetivos de la Constitución, recoyíu nel so Preámbulu: “La Nación española proclama la so voluntá de protexer a tolos españoles y pueblos d'España nel exerciciu de les sos llingües”.

3. Desprecia los mandaos de la Carta Europea de les Llingües Rexonales o Minoritaries, tratáu internacional ratificáu por España que forma parte del denomáu bloque de constitucionalidá, onde se proclama, artículu 7.2, que “Les Partes (ratificantes) comprométense a desaniciar, si entá nun lo ficieron, tou distingu, esclusión, restricción o preferencia inxustificaes con repeutu al emplegu d'una llingua rexonal o minoritaria col oxetivu de desalendar o poner en pelligru'l caltenimientu o'l desendolcu de la mesma.

4. Ye una vergoñosa l'agresión a la llingua asturiana y a los drechos fundamentales de los sos falantes y un intolerable actu de discriminación pa con tolos asturianos que somos trataos pol PSOE y el PP, partíos qu'en toles otres comunidaes autónomes billingües sofiten la cooficialidá, como ciudadanos con menos valir que'l restu de los españoles.

N'Uviéu, a catorce de xunetu de dos mil ocho.

Pol Aconceyamientu de Xuristes pol Asturianu robla'l so presidente

Xosé María Estrada Janáriz

---------------------------------

Un saludu.

Les muries d'un país falen de la problemática social del momentu, pola necesidá de los movimientos populares de llegar d'una manera direuta al ciudadanu, al nun disponer del poder de difusión de los grandes medios.

N'Asturies les muries lleven pidiendo va más de 30 años, una cosa bien simple, que l'asturianu seya LLINGUA OFICIAL.

10:45 delantre de la Xunta Xeneral del "Principado". Esta vegada nun hai escuses pa nun se movilizar...

-----

Un saludu.

Depués de lo asocedio estos díes y de qu'ayeri namás que me salieren insultos, déxovos un testu equí de Carlos Xabel Blanco, tornáu al asturianu por fueyaenblancu, del so llibru "Caseria y socialismo. Nación asturiana y marxismo nacionalista" que tien llicencia creative commons.

Toa unión nacional ha ser querida y consentida. La unión nacional española nun ye nin lo ún nin lo otru. Esta unión tien sío y ye de signu españolizante. En munchos sitios, en munches periferies, a los neños pegóse-yos con dura estaca por "falar mal". Un pueblu que crez azotáu por nun falar "como dios manda" ye un pueblu que siempre ha remembrar nos sos repulgos a esi dios, a esa llingua y a los que manden. En munchos sitios, en munches periferies, saben lo que ye una mordaza na boca, el nuedu al cuellu, el llombu marcáu polos golpes. Los güelos de los nuesos güelos sabíen na so neñez daqué del procesu de castellanización. Robáron-yos el pasáu. A ellos, a les comarques y a les provincies. L'escalu foi de nomes, querencies, idees d'arguyu y tradiciones. El peor botín que ficieron de les sos vides foi'l de llevase toles posibilidaes de siguir viviendo.

Los qu'empontonen a la tribuna son perasemeyaos a los que manden en Madrid, y los gobernadores civiles y otros delegaos tentaculares d'esi Madrid que tien güeyos y descargues llétriques en toes partes. Pero les diferencies siguen ehí en metanes d'una globalización imparable. Negales col discursu ye'l primer pasu pa desaniciales cola cámara de gas, la bala de goma que depués ye de plombu, la muria de formigón y alambre, que depués llamen tumba ensin nome.

-----------------

Un saludu.

Entamé ayeri con más o menos calidá, eso habrán de lo dicir otros una nueva seición del programa que conducen Xuanxo y Mely en Radio Sele, "Nueches de Radio", la mio seición llámase "Cinefiliast" y como de xuru supondréis ye sobre cine hehe. Ná, nun sé vender nada, asina que si quereis sentilo, alantre, sinón, pos nada.

Un saludu.

4. Axuntanza [de persones pa tratar d'asuntos d'interés social].

De xuru que los más recordaréis los tiempos de los foros d'Asturies.com. Insultos gratuitos baxo una IP y descalificaciones continues tanto a persones como a organizaciones de toa mena, tou dende casa y al algame de cualquiera. Tres munchu tiempu y tres un llargu pidimientu de rexistru pa postiar nesi foru, ensin dar más esplicaciones decidiose zarralu, cosa que tampocu habría de ser asina. Surdiría llueu una iniciativa nomada "3 países una llingua" un foru fechu baxo una premisa que non tol mundu tien que compartir y que nun duró demasiao. L'alderique féxose sanu (al mio paecer) treslladandose los comentarios a los posts de tola bloguesfera y dexando a la xente cafiante, por fin, ensin un muérganu d'espresión.

Depués de munchu percorríu apaez agora Nastur.com un intentu de recuperanza y puesta en común de lo bono (si ye que quedaba dalgo) d'aquella ferramienta pal alderique de los asturfalantes. El proyeutu alcuentrase entá en desendolcu, pero pue vese, a les clares, l'enfotu que punxeron en facer les coses bien y adautaes un pocoñin a les posibilidaes téuniques d'anguaño, eso si, esto a dellos nun-yos va prestar, hai moderador y hai que se rexistrar...

Un saludu.

Desconvócase l'enzarru

Sofitu a los enzarraos

Gotor comprométese

Videu

Un saludu.