Según l'alcalde que carecemos los uvieínos les fiestes de San Mateo d'esti añu son "una excelente manifestación de ovetensismo y asturianía".

 

Comprobémoslo...

 

VIENRES 11

 

* Xuegos populares con 7 actividaes más, amás d'otres non especificaes nel Palaciu de los neños.

* Pregón: Boris Izaguirre.

* Chupinazu: Mejuto González.

* Teatru: "Felices 30". Compañía madrilana: Secuencia tres.

* Conciertu: Guaraná (pop-rock llatinu), Sole Giménez (pop), La Excepción (Rap). Amás d'actuaciones de Jazz na Plaza'l paragües a cargu de Jacobo de Miguel Cuarteto y Carlos Carli Cuarteto.

* Verbena en El Fontán. Orquesta Estrella del Norte.

* Concursu de Rock "Ciudad de Oviedo".

 

Nula presencia del asturianu, faense unos "xuegos populares", da'l chupinazu un llangreanu, toca una orquesta asturiana y se-yos da "la oportunidá de publicitase a grupos asturianos nel concursu de rock".

 

SÁBADU 12

 

Repítense les actividaes pa los más pequeños y la obra de teatru madrilana.

*Conciertos: Jorge Ilegal y los Magníficos (Rock) , Ojos de brujo (flamencu+mecíu d'estilos) y Los Secretos (Pop-Rock).

* Jazz y otres músiques: Marcio Dhiniz Cuarteto  y Xam Campos Trío.

* Verbena: Nueva Banda.

* Concursu de Rock "Ciudad de Oviedo".

 

Orquesta asturiana, grupu de rock asturianu y más rock nun concursu fechu supuestamente pa promocionar a grupos llocales, patrocináu dafechu por Coca-Cola, que ye lo único qu'apaez nel cartelu. Cero cultura asturiana, nada de llingua y primer grupu flamenquista de les fiestes.

 

DOMINGU 13

 

Esti ye'l día más "asturianu" de toos.

* Romería de Monte Alto (col cartelu percutre fecho a mano, que podeis ver arriba, pero eso si, n'asturianu, cosa que nun apaez nel testu del cartafueyu).

* Narración de cuentinos a cargo de Milio el del Nido (yá tornen hasta'l so nome, pero lo de cuentinos da un toque bable mui guapu).

* Les Pandereteres de Fitoria, Exhibición de Asturcones, venta de productos artesanos y juegos tradicionales.

* Exhibición de deportes autóctonos: Corta de troncos con hachu (ye que tueru nun s'entiende) tronzón y en altura, tiru de barrote, carrera de lecheras, de madrelas, lucha baltu, tiro de cuerda, levantamiento de yunque y piedras, lanzamiento de troncos....

* Carrera de cintas a caballo, concurso de cestas de merienda.

* Escuelina pa Neñus (tal cual), donde los niños podrán conocer la lengua, (si, sobremanera eso) indumentaria y mitología asturiana, y podrán jugar los juegos de corro, sentados a la rana, hacer su propia carioca, aprender a hacer frixuelos, y tortos de maíz, etc... (mecigaya "asturianista")

* Grupo de Baile Tradicional Xuno.

* Recreación de un Mini Zoológico (non si cola fauna que plania estes fiestes da pa munchu...).

* Actuación de Pipo Prendes.

* Les mesmes actividaes pa neños (que non neñus) nel Campu San Franciso y nel Palaciu los neños.

* Conciertos: Canteca de macao (flamencu+mecíu d'estilos), Pignoise (Pop-Rock), Warcry (power metal).

*Les otres músiques de la Plaza'l Paragües: Son Flamenco (obviamente flamencu), Juan Salazar (nun topé referencia), Pepín Salazar (flamencu) y Aires de Levante (+ flamencu).

* Verbena: Orquesta Dominó.

* Concursu de Rock "Ciudad de Oviedo".

 

El día asturianu por escelencia nun ye más que lo de siempre, les migayes pa los "asturianistes" que se conformarán colo qu'heba y una supuesta promoción de la nuesa llingua, destrozada y marxinada por otra parte nel cartafueyu. Cultua asturiana: 1 - Flamencu: 5. Un grupu asturianu metaleru y otra orquesta asturiana.

 

LLUNES 14

* Mesmes actividaes infantiles.

* 10 años de Trebolgu: "Banda de gaitas ciudad de Oviedo", La Curuxa y Dixebra.

Cultua asturiana: 3 - Flamencu: 5 (la banda gaites resta por nun tener el nome n'asturianu).

 

MARTES 14

 

* Segundu día del Real Oviedo.

* Chocolatada.

* Gala Real Oviedo.

* Actividaes infantiles.

* Conciertu de Melendi (pop-rumba-flamencu).

Nacíu n'Asturies si, pero flamenquista. Cultura asturiana: 3 - Flamencu: 6.

 

MIÉRCOLES 16

 

* Mesmes actividaes infantiles (los guahes yá nun van dir, toi viéndolo).

*Gira OT (oh con ún que nació n'Uviéu!!!! eso debe ser l'ovetensismo).

 

* Mesmes actividaes infantiles.

* Conciertu: Tequila ("los nuevos" ¬¬, pop-rock) y Vetusta Morla (indie rock).

* Otres músiques: Bob Shams y Adrian Carrio e Irene Shams Quintetu (Jazz).

* Concursu de Rock "Ciudad de Oviedo".

* Uno más Uno (rap).

Un grupu avilesín de rap, Adrian Carrio que ye uvieín y el supuestu apoyu a los grupos llocales que se quexen tolos años (por qué sedrá).

* Mesmes actividaes infantiles.

* Teatru: "Calcetines Opus 124".

* Conciertu: Sara Baras ("bailaora" flamenca), Chambao ("flamencu chill") y Son de Cuba (salsa).

*Otres músiques: Terela Gradin y Gem, Joaquím Chacón y Mariano Díaz (Jazz).

* Verbena: Orquesta Sonora Real.

* Conciertu de Los Imposibles (Pop-Rock)

Lo único asturianu la orquesta y el concursu de grupos llocales. Más flamencu pal sacu;  Cultua asturiana: 3 - Flamencu: 8. Tampoco nel teatru se dignen a meter a una compañía asturiana...

 

Con esto yá'l flamenquismu gana por goliada....

 

Lo coyonudo ye que nun se queda ehí la cosa - ensin analizar yá tan exhaustivamente como primero, pa nun cansar y porque me paez que quedóyá mui claro... - esti mesmu día actúa Pitingo, el llunes 21 xuntu con La Pantoja apaez otra flamenca, Diana Navarro y dalgo grande vien anunciáu tamién nesta guía tan asturiana, dalgo que va tar na nuestra ciudá depués de les fiestes pa enantar esa visión flamenquista...

Organizáu pola "Peña flamenca Enrique Morente" los mesmos de la misa flamenca.

 

Si esto ye asturianismu que venga l'independentismu...

 

Y col tema económicu yá pa que metese porque entós yá ye pa suicidanos. Los cachés apaecieron toos en LNE y ta nidio'l gastu en flamenquismu aculturización, mentanto'l coste identitariu ye imposible de calcular.

 

PD: Sé qu'hai errores de formatu, pero siéntolo, nun pueo igualos.

Un saludu.

Los usuarios de la Uiquipedia naguando por emplegar la llingua correutamente no que ye'l proyeutu más escaecío pol movimientu de vindicación llingüística a la hora de falar del asturianu na rede, empobinamos a la Oficina de política llingüística con delles pallabres que bien nun apaecíen nel DALLA o nun taben recoyíes les aceiciones que necesitábemos emplegar.

El resultáu foi un informe fechu por Ramón d'Andrés que yá entamare a esbillar na etapa anterior d'esti blogue.Esta ye la tercer entrada sobre'l tema, les otres dos apaecerán referenciaes al final.

* Barbo [pexe (Barbus barbus)]

Nos estudios de léxicu de pexes marinos recuéyense col nome asturianu de barbu estes especies:

Barbu (en Llastres). N'otros puertos, salmonete, saramollete, roxu. Cast. salmonete de roca.

Nome científicu: Mullus surmuletus L.

Barbu (en Llastres). N'otros puertos, salmonete, saramollete, roxu. Cast. salmonete de fango.

Nome científicu: Mullus barbatus L.

Barbu (en Tazones). N'otros puertos, pez palu, congria, pex de palo, cóngara, gayapota, pexepalu. Cast. arbitán.

Nome científicu: Molva macrophthalma (Raf.).

Barbu (n'Avilés). N'otros puertos, barbada, barbada de costa, barbada de la costa. Cast.: bertorella, barbada.

Nome científicu: Gaidropsarus mediterraneus L.

D'otra manera, na nomenclatura consultada nun apaez una especie Barbus barbus, sinón un xéneru Barbus sp., con diverses especies, qu'en castellanu llámense barbo, pero nun se rexistra n'asturianu.

Pue proponese barbu, pero falten más datos.

* Cigala [crustaceu (Nephrops norvegicus)]

N'asturianu, llangostín o llagostín; no confundir con cast. langostino, Penaeus kerathurus (Forssk).

* Vieira [moluscu]

N'asturianu, cáscara de pelegrín o vieira.

---

Ver tamién:

* ¿Blog o blogue?

* Alimentos

Nesti post espublizaba que'l periódicu LNE recoyía unes declaraciones de Pedro Luis Fernández presidente de la empresa de tresportes GAM na "Escuela de Verano de UGT de Asturias", n'Avilés:

«Estamos en un país donde se enseña gallego, catalán, bable o andaluz y no inglés».

Y que buscando más información sobre'l despreciu por parte d'esti paisanu al enseñu d'estes llingües, topeme con qu'estes declaraciones yeren otres en tolos demás medios onde aparecíen:

Así, ha lamentado que, mientras el "noventa por ciento de los jóvenes" acaba el bachillerato sin hablar de forma fluida el inglés, las administraciones potencian el aprendizaje del catalán, el gallego, el vasco o el bable.

Entrugábame:

¿por qué esi interés de LNE en desaniciar de les declaraciones al vascu y amestar, d'otra banda, al andaluz?

Pos bien, resulta que según me confirmaron les dos declaraciones son verdá yá que'l paisanu esti fexo dos intervenciones nesi sen. Asina qu'ensin pidir disculpes a  LNE, que nun aparen d'echar mierda escontra la normalización toponímica , tresformo esti post nuna crítica a la empresa GAM por eses declaraciones escontra l'enseñu de llingües non españoles, dexando a les clares la so posición política.

PD:Nun comentariu pidien un boicó a LNE... nun taba dir pensando en facer un llistáu d'empreses alérxiques al asturianu pa que la xente escueya face-yos boicó o como simple información...

                                                            Azul: toponimia oficializada

                                                            Mariellu: en procesu

 

Aprobóse'l decretu qu'afita la nueva toponimia oficial del conceyu de Parres. Les nueves denomaciones, aprobaes pola Xunta de Toponimia y yá col preste del "Gobiernu asturianu", pasen a tener la consideración d'oficiales.

"les Alministraciones Públiques deberán adecuar de manera progresiva les rotulaciones en víes públiques y carreteres del conceyu citáu, asina como de mapes y planos oficiales a les formas toponímiques afitaes nos Decretos".

A iguar topónimos pa qu'apaezan los correutos como:

* Bode

* Castiellu

* Cayarga

* Cofiñu

* Collía

* Cuadroveña

* Fíos

* L'Agüeria Deu

* Llerandi

* Margolles

* Los Montes

* Nevares

* Parres

* Pendás

* Sorribes

* Viabañu

* Villanueva

L'estáu de los trabayos toponímicos dende 2004 (anque nos 80 yá se falare de recuperación de la toponimia) ye'l viniente:

* 1 conceyu más aprobó en plenu la so llista toponímica: Santu Adrianu.

* 13 conceyos más fixeron sesiones de trabayu cola XAT pa revisar la so toponimia: Avilés, Ayande, Caravia, Castropol, Llanera, Tapia, Taramundi, Teberga, Tinéu, Valdés, Ribesella, Ponga y Quirós.

* 5 conceyos más solicitaron revisar la so toponimia: Bual, Illas, Uviéu, Somiedo y Ibias.

* 40 conceyos oficializaron la so toponimia.

Si nun me fallen les matemátiques, esto fai que sumando los conceyos con toponimia oficializada y los que tán en procesu faigan un total de 59 los conceyos que puxaron pola normalización toponímica. ¿Ú los demás?. Estos conceyos y los sos resposables políticos son los que vienen darréu:

* Cabrales (PSOE-URAS)

* Candamu (PSOE)

* Cuaña (PP)

* Cuideiru (PSOE)

* Eilao (PSOE)

* Muros (PSOE)

* Navia (PSOE-IX-LV-BpA)

* Onís (PSOE)

* Peñamellera Alta (PP)

* Peñamellera Baxa (PP)

* Pravia (PSOE)

* Les Regueres (PSOE)

* Salas (PSOE)

* Samartín d'Ozcos (PSOE)

* Santalla d'Ozcos (IX)

* Santiso d'Abres (PSOE)

* Sotu'l barcu (PSOE)

* Vilanova d'Ozcos (PSOE)

* Villayón (PP)

Esta ye la normalización del asturianu de PPSOE y lo que s'algama con pautos vergoñosos, estilu IX-LV-BpA o URAS. Ye importante recordar que la XAT nun entama la normalización toponímica hasta que los conceyos lo pidan, asina que si estos conceyos nun mueven un deu la XAT tampoco...

Fonte d'información toponímica: Nomenclator d'entidaes de población d'Asturies (2007)

Esti sábadu 15 d'agostu celebróse la manifestación escontra les corríes de gües n'Asturies, en concretu pa protestar pol últimu festexu d'esti calter que queda nel país cola fechura de la feria taurina de Begoña, sofitada y financiada pola Casa conceyu de Xixón.

La manifestación, convocada pola organización española ANADEL, defensora de los drechos de los animales, salió a les 16:30 hores dende la plaza de San Miguel, percorriendo delles cais de la ciudá fasta llegar a la entrada principal de la plaza de gües del Bibio a la hora na que taba prevista la corrida de gües.

Según la organización na manifestación participaron ente 400 y 500 persones, anque toos sabemos cómo va esto d'inflar les cifres y seguramente la cifra tuviere más cerca de les 200-300. Esti añu superóse'l númberu de manifestantes del añu pasáu, lo que fai amuesa de que la manifestación añal va garrando puxu y amestando cada vegada a más asturianos -tamién a xente de fuera- escontra la supuesta (ya impuesta) "fiesta nacional".

Los manifestantes pidimos el desaniciu de les corríes en Xixón al glayíu de "esta plaza vamos trancala", el refugu a qu'esa mena d'''espectáculos'' tengan sovenciones públiques al glayíu de "nun sois nada ensin subvenciones" y tamién conseñóse la rellación de los taurinos col españolismu más ranciu con llemes como "esta ye la cultura d'una dictadura" o "esti sadismu ye propiu del franquismu.

Incidentes
* El percorríu de la mani dende la plaza foi tranquilu, armábase ruíu con xiblatos y glayábense llemes estremaos, dalguna xente sumóse a la protesta demientres el trescursu de la mesma. Siempre "escoltaos" pola policia llocal y siguíos por dos furgones de les "fuercies de seguridá" españoles.

* Non como incidente sinón como reflexón o curiosidá, espeyaría'l fechu de qu'al ser convocantes ANADEL, intenta remanar pal so llau un pocu'l discursu ideolóxicu de la propesta, glayando llemes como "derechos para los animales" que nun tienen nin porqué ser asumíos por tolos manifestantes nin nos términos nos qu'ellos quedríen afitalos (veganismu por exemplu). La manifestación yera esclusivamente escontra la tortura que supón les corríes de gües y pol so desaniciu, nesti casu, n'Asturies y creo qu'habríen de lo tener presente pa otres manis.

* Los incidentes propiamente dichos nun entamaron fasta que llegó l'intre de tar na redolada de la plaza y enfrentanos a los taurinos. Ciertu ye que les provocaciones son mutues, pero los únicos que tamos llendaos pola polícia española somos los manifestantes y a los taurinos se-yos da permisividá pa facer lo que quieran:

* Averamientu a nós pa dicinos que somos unos borrachos. (sic)
* Enseñósenos el culu.
* Cortes de manga, cuernos, pases taurinos y demás "graciosaes".
* Entró xente con bébores alcohóliques nes manes.
* Pás y mas con menores de la manina, fechu que ye delitu y que yo mesmu-y dixi a un policía español que nun quixo nin mirar, nin responder.
* Auténticos fascistes llevantando la zarpa ya inclusive faciéndose semeyes con ella alzada colos manifestantes detrás, ensin que la policía nun interviniera, lo único que se fexo foi amenazar a los manifestantes.

Per últimu; "u os relajais u os damos de palos a todos y os llevamos a comisaria" foi la fras lliteral del que paecía ser "el xefe" (nun sé nin m'importa l'ode de mandu del CNP) del grupu de la UIP que taba ellí, fras tres la cual punxéronse'l cascu y los guantes pa garrar meyor los toletes, que fexo que daquién de la organización diera l'avisu a los manifestantes y la cosa nun llegara a mayores. Eso sí'l policía negó en too momentu qu'él dixera eses pallabres.

Y de xuru qu'escaecí daqué. Ye una pena que nos videos nun tengamos toes eses provocaciones Nel tercer videu amestáu como actualización pueden vese les provocaciones. Más nada, déxovos con semeyes y tres videos de la mani.

PUXA ASTURIES ANTITAURINA

VIDEOS

Videu blancu de la mani

Crónica d'AsturiasVerde

Crónica de la canal de youtube McNolos

Actualización: Comentarios en El Comercio

Panda de mamones. A ver si se dedican a estudiar o a hacer algo de provecho en esta vida... Que no les gusta la Fiesta Nacional? Pues me parece respetable, pero yo no me voy manifestando en contra de cualquier cosa que no me guste y menos lo haria coincidiendo con el evento por el que estas en contra. Piden respeto y ellos son los que no respetan, los que insultan y demas. Mira que no tienen dias para manifestarse, pero tienen que hacerlo un dia de festejo para provocar y buscar incidentes que al fin y al cabo es lo que buscan. Por cierto, espero que para el año que viene, cuando vayamos a coincidir los miles de personas decentes que vamos a los toros y los cuatro gatos que van con sus sabanas en forma de pancartas, vayan duchados porque la peste que salia era considerable.

La Voz de Asturias pide detenciones

Muchos se preguntan si no sería mas lógico que la polícía, en vez de proteger a nueve mil aficionados que --cargados de razón, mayoría y legalidad-- soportan con franciscana mansedumbre el insulto vociferante de cuarenta pacíficos antitaurinos y su amenaza de quemar la plaza al grito de "analfabetos taurinos: pijos y asesinos", actuasen deteniendo a los provocadores.

Y miente yá qu'en momentu nengún se dixo nada de quemar...

UN SALUDU ASTURIANU Y ANTITAURÍN

Depués del artículu de va unos díes onde asoleyaba la posibilidá de secesión de Texas de los Estaos Xuníos a manes de Chuck Norris (sic), prestaríame facer un repasu a dellos movimientos esistentes n'Estaos Xuníos que van a la gueta de la so independencia. Pola estensión del mesmu voi xebralu en delles partes. Ehí va la primera:

ALASKA

Representáu principalmente por ''The Alaskan Independence Party''. Un partíu políticu que nagua por un referendu internu qu'incluya la posibilidá de qu'Alaska llegue a ser un país independiente. Sicasí caltien postures asemeyaes a les de ''Constitution Party'' y ''Libertarian Party'', apoyando'l derechu a les armes, les privatizaciones, educación nel llar o la mena de gobiernu llendáu. La formación alcuentrase nel siguiente esprectu políticu: lliberalista llibertaria, soberanista y paleoconservadora.

Tiense dicho que dalgunos de los sos miembros propunxeren que l'estáu esplorara la posibilidá d'amestase Canadá. Dellos militantes espresaron la so oposición a amestase a Canadá na so forma d'anguaño pero taríen abiertos a la posibilidá d'axuntar un estáu canadiense occidental independiente incluyendo'l Yukon y los territorios del noroeste. D'otra banda tamién ye verdá que nengún d'estos plantegamientos llegaron a formar una plataforma que se punxera en contautu col partíu.

-------------------------------

Black Belt (rexón norteamericana)

La ''Black Belt'' (Correa prieta) ye una rexón del sudeste de los Estaos Xuníos. Anque'l términu orixinalmente describía les praderes y el suelu escuru d'Alabama central y del noreste de Mississippi, tamién s'emplega pa describir l'amplia rexón carauterizada pol so porcentaxe altu d'afroamericanos. Les comunidaes na ''Black Belt'' enfréntese davezu a la probeza, l'éxodu rural, programes educativos inadecuaos, fracasu escolar, baxa atención sanitaria y a niveles altos de crime y desemplegu.

La secesión vese representada por dos movimientos; el RNA y ''New Black Panther Party'' (Partíu Nuevu de les Panteres Prietes).

* El RNA foi una organización social que propunxo tres oxetivos: Primero, la creación d'un país independiente cola mayoría negra allugáu na rexón del sureste de los Estaos Xuníos. El proyeutu pa esti país foi promulgáu'l 31 de marzu de 1968, nuna conferencia fecha en Detroit. En segundu llugar, esixeron varios miles de millones de dólares d'indemnización al gobiernu de los EEXX polos daños fechos a persones negres pol mobbing inmobiliariu, la segregación de Jim Crow, y les diverses formes de racismu carecíes. Per últimu, esixeron un plebiscitu de tolos afroamericanos pa decidir qué se debía facer colos sos ciudadanos. El nome escoyíu pal estáu nuevu qu'habría surdir foi'l de ''Republic of New Afrika''.

-------------------------------

Lakota Sioux

Los lakota, que na so llingua significa "amigu" o "aliáu", foron un pueblu sedentariu afincáu nes márxenes del norte del ríu Missouri. A finales del sieglu XVIII taben na pradera central del subcontinente norteamericanu. Col tiempu y el puxu de los colonos d'orixe europeu convirtiéronse nun pueblu nómada, ocupando lo que güei son los estaos de Minnesota, Dakota del Norte, Dakota del Sur, Nebraska y Wyoming. Xebráronse en dos grandes grupos: los Dakota que yeren mayoritariamente agricultores y los lakota que se fixeron cazadores y pasaron a dominar una amplia zona de la pradera, sobremanera dende la llegada del caballu, introducíu polos españoles. El so dominiu foi diliendose a midida que la llende de los Estaos Xuníos avanzaba hacia l'oeste y diba estinguiendo los bisontes, fonte de subsistencia d'esti pueblu. Les grandes batalles y los conflictos foron el golpe final pa les tribus a les que se privara de los medios de supervivencia y a quienes se-yos importaren malures y alcohol, que resultaren les principales causes de la so mortalidá.

Anguaño tienen representación na UNPO y allúguense na ''Lakotah Oyate'' (República de Lakota) una entidá xeneralmente non reconocida y autoproclamada dientro de los Estaos Xuníos en parte de los estaos de Dakota del Norte, Dakota del Sur, Nebraska, Wyoming y Montana.

La República de Lakota propon que la nación s'organice como confederación y tienen buscao'l reconocimientu internacional pa Lakota nes embaxaes de Venezuela, Bolivia, Chile y Sudáfrica, afirmando qu'Irlanda y Timor Oriental tán «mui interesaos». Esperen reconocimientu de Rusia, y ficieron referencia a Finlandia y Islandia tamién, pero nengún d'estos países anunció públicamente la reconocencia de la so independencia.

Un saludu.

[...]decimos españoles tanto vascos, gallegos, valencianos, baleares, catalanes, castellanos y del resto de España, opinan que SÍ deben cambiarse políticamente las leyes sobre el régimen lingüístico, pues dentro de España el castellano como lengua común no debe estar en inferioridad de condiciones con respecto a otra lengua española (catalán, vasco, gallego, balear, valenciano, bable, aragonés, etc.), lo mismo que en su territorio, estas lenguas no deben estar en inferioridad de condiciones con respecto al castellano y deben ser fomentadas.

Hay que volver a recordar que los idiomas son derecho de las personas, no de los territorios y en España son los padres quienes deben decidir si sus hijos comienzan aprendiendo castellano u otra de las lenguas de España, no los políticos de turno de cada región.

Para que esto políticamente sea posible, ya que hoy no lo es, se debe legislar sacando la normativa legal del rango adecuado que fije inequívocamente que la lengua española o castellana, es la común de todas las tierras de España sin menosprecio del resto de lenguas españolas.

Dientro del noxu que da lleer siempre testos d'esta xente, pues topé esa contradicción que podeis lleer más enriba. El testu correspuende a UPD-Huesca y consideren al asturianu y al aragonés llingües (españoles eso sí), cuando nin UPD a nivel d'Aragón reconoz l'aragonés, nin n'Asturies l'asturianu como dalgo más qu'una forma de falar.

Per otru llau riome yo de la so intención de nun menospreciar a les demás "llingües españoles" si dalgún día tienen poder real de llexislar estos temes...

Podeis lleer el testu completu equí.

Un saludu

¿Qué ye la soberanía alimentaria?
La soberanía alimentaria ye'l DERECHU de los pueblos, a definir la so política agraria y alimentaria, ensin "dumping" frente a terceros países. El derechu de los campesinos a producir alimentos y el derechu de los consumidores a poder decidir lo que quieren consumir y, cómo y quién se lo produz.

La soberanía alimentaria inclúi:

* Priorizar la producción agrícola llocal p'alimentar a la población, l'accesu de los/es campesinos/es y de los ensin tierra a la tierra, al agua, a la semiente y al créitu. D'ehí la necesidá de reformes agraries, de la llucha escontra los OGM (Organismos Xenéticamente modificaos), pal llibre accesu a la semiente, y de caltener l'agua na so calidá de bien públicu que se reparta d'una forma sostenible.

* El derechu de los países a protexese de les importaciones agrícoles y alimentaries demasiao barates. Unos precios agrícoles venceyaos a los costes de producción: ye posible siempre que los países tengan el derechu de gravar con impuestos les importaciones demasiao barates, que se comprometan a favor d'una producción campesina sostenible y que controlen la producción nel mercáu interior pa torgar unos escedentes estructurales. Ello ye, la participación de los pueblos na definición de política agraria.

* La reconocencia de los derechos de les campesines que desempeñen un papel esencial na producción agrícola y na alimentación.

Más información: Ecoportal (testu de Vía Campesina).

CONVOCATORIES N'ASTURIES

*Xueves 16 a les 19.30h en Navia Charra-alderique: cooperatives agroecolóxiques, una propuesta de soberanía alimentaria. Con Pilar Galindo [Cooperativa la Garbancita Ecológica, Madrid]. Salón de plenos del Ayuntamientu, Navia.

*Vienres 17 a les 20h n'Uviéu. Concentración: Soberanía alimentaria yá. Teatru Campoamor (Uviéu). Organiza: Campaña Asturiana Agrocombustibles Non.

*Sábadu 18 a les 12h en Xixón. Taller. La ruleta del consumu. Llugar: CSOA La ReFLEXón (Avda. príncipe de Asturias, 19, La Calzada, Xixón). Darréu: xinta popular.

Fonte: Cambalache

Un saludu.

Poco más habrá que dicir sobre l'actu d'ayeri a los que tuvistis ellí, depués de les cróniques d'Europa Press, Asturies.com y Asturnews.

Pa los que nun tuvistis pos bono, añader dalgo que nun sal nos demás medios y ye qu'anque nel brinde al actu dicíase qu'al final del mesmu habría un alderique nel que se daría la voz al públicu esti nun tuvo llugar ("por falta de tiempu"). Tamién, que, a lo menos pa min, foron a rescamplar especialmente, ensin quitar méritu a nengún otru interviniente, los discursos de Chus Pedro (al que tovía nun perdono pol Asturies-España), Xabiel Pañeda y sobremanera Xosé Nel Riesgo que peslló l'actu con un discursu perelocuente y con un tonu de voz acordies cola situación, frente a la parsimonia academicista, una pena nun lo tener grabao.

Como sorpresa final del actu y toos lo tendréis lleío yá, l'ALLA anunció l'envís de comunicar la situación a los dirixentes de Pá PSOE y de Ma PP, pa ver si son quien a iguanos el conflictu dende Madrid.

Más nada. Déxovos darréu dellos videos:

Presentación del actu de Próspero Morán y Comunicáu de l'ALLA

Intervención d'Ana Cano. Presidenta de l'ALLA

Documentu pdf del discursu íntegru apurríu por Asturnews

Segunda parte de la intervención d'Ana Cano. Presidenta de l'ALLA

Himnu d'Asturies y L'asturianu llingua oficial

"Enxamás dexaremos que nos consideren y traten como estranxeros nel propiu país" . Ana Cano -Presidenta de l'Academia de la llingua asturiana - 17-07-2008

¡L'ASTURIANU LLINGUA OFICIAL!
¡PUXA ASTURIES DIXEBRÁ!
-----------------------

Un saludu.

Vergoña de que seya un asturianu'l que marque 3 de los 4 goles de la seleición española.

Vergoña de que'l de nueso nun seya un país normal.

Vergoña de que la nuesa seleición nun seya oficial.

Un saludu.