Mañana zarráu por protesta...

Entama:
Altuxa.com

Un saludu.

...patates, la represión (llamentablemente) nun va aparar.

Un saludu.

Los vecinos de Cualloto piden más infraestructures pal barriu

Reclamen a la casa conceyu d'Uviéu más infraestructures y inversiones pal barriu. Aseguren qu'esta zona de la ciudá foi medrando col pasu los años y cada vuelta hai más población. Magar qu'hebo un incrementu nel númberu de viviendes nun hai planificación dala de servicios infantiles. Nun hai suficientes pediatríes, nin guarderies, l'asistencia médica ye dafechu insuficiente yá que, según los vecinos son 2.000 persones por médicu y delles aules de los colexos tán enllenes, hasta'l puntu de que los padres lleven a los sos fíos a otros centros más alloñaos de la ciudá.

Too esto tien llevao a los vecinos de Cualloto a presentar más de 2.000 firmes al Ayuntamientu solicitando inversiones pa esta estaya d'Uviéu.

Un saludu.

Unidá afirma que CCOO y UGT 'rínse de los asturianos' al defender Soto-Penagos el Primeru mayu.

Unidá consideró güei 'llamentable' que CCOO y UGT, defendan el primeru mayu un proyeutu que perxudica a la mayoría social y namás beneficia a unos pocos como ye la llinia llétrica Soto-Penagos, según informó la coalición per aciu d'una nota de prensa. Unidá anunció nueves denuncies y movilizaciones nes prósimes selmanes.

El voceru de la estaya de Mediu Ambiente d'Unidá, Tino Fernández, manifestó que dende la coalición nacionalista 'llamentase fondamente la perda de valores y de papeles de los sindicatos mayoritarios espeyaos na so defensa de posiciones opuestes dafechu al interés de la sociedá asturiana, como la defensa de la construcción de Soto-Penagos'.

El responsable d'Unidá afirmó que la defensa de la llinia Soto-Penagos obedez non al interés xeneral de la sociedá asturiana sinón única y esclusivamente a la defensa de los 'intereses de determinaos grupos económicos, que preconicen un modelu depredador, que nun xenera valor añadíu'.

Según Fernández, 'esta defensa namás que ye entendible dende la perspeutiva del pautu de silenciu imperante n'Asturies y nel que tán inmersos los sindicatos mayoritarios, a los que nun-yos importa traicionar los intereses de los trabayadores con tal de perpetuase nun estatus dende'l que puean formar parte de les élites que controlen el repartu del pastel n'Asturies'.

Nesi sentíu Fernández recordó que 'el Ministeriu d'Industria Español clasifica a Asturies como zona de prioridá baxa pa la instalación de nuevos centros productivos d'enerxía' y que 'la concentración de centros productivos d'enerxía, como nel casu asturianu, tien consecuencies negatives pa la salú de los ciudadanos.

Amás, continuó Fernández 'los centros productivos d'enerxía planificaos p'Asturies xeneren perpocos puestos de trabayu y sólo tienen como misión convertir de nuevu a Asturies nuna tierra xeneradora d'enerxía pal desendolcu d'otros territorios, nos que, en munchos casos, coticen les empresas que se van enriquecer a costa de la nuesa salú y el nuesu mediu ambiente'.

---------------------------------------------

Un saludu.

L'Executivu de Vicente Álvarez Areces considera la llinia fundamental pa la "rexón", yá que d'ella dependen los ciclos combinados, los parques eólicos y la regasificadora (ye dicir más mierda pal país). Foi'l Tribunal de Madrid el que tien dao la razón a los vecinos de L'Infiestu porque foi ellí onde aprobaron el trazáu. El tendíu entamó a tramitase en 1989 como infraestructura d'utilidá pública pero, dende entós tien la oposición de les cases conceyu y coleutivos vecinales. El Gobiernu asturianu yá calificó la decisión de "revés y mala noticia".

D'otra miente, los coleutivos ecoloxístes afeutaes pola paralización de la llinia tán satisfechos cola sentencia.

Otra vuelta'l gobiernu que diz representar al pueblu asturianu, da-y la espalda.

Un saludu.

La coalición anuncia que s'afaya nun procesu de redefinición que va dar pasu a la fundación d'una fuerza unitaria d'esquierda nacionalista asturiana primero del branu.

Énte les declaraciones feches pol ex-­conseyeru y miembru d'Izquierda Unida, Francisco Javier García Valledor, nel sen de qu'IU habría convertise nel aglutinante d'una fuerza qu'integre a UNIDÁ y a Izquierda Asturiana (partíu que yá fai parte d'UNIDÁ) y que cubra l'espaciu políticu asturianu, d'esquierdes y verde, la Xunta Coordinadora d'UNIDÁ, aconceyada ayeri miércoles en sesión ordinaria decidió facer les vinientes apreciaciones:

1. Izquierda Unida nun tien nenguna credibilidá p'autoproponese como aglutinante d'un espaciu políticu al que traicionó, deceicionó y usó de forma permanente nos últimos años, un fechu que la inhabilita pa promovese como motor d'una dinámica que yá demostró dende dientro y fuera del gobiernu que nun ye más qu'una operación cosmética pa tentar de frenar una decadencia qu'abulta resultar imparable.

2. Dende UNIDÁ atalántase que l'alternativa qu'Asturies precisa pasa, ente otros elementos, pola absoluta desvinculación de venceyos con proyectos de clas estatal como'l d'Izquierda Unida que, por muncho que se mazcaren de soberanos, caltienen los venceyos y los condicionantes de mena federal. Nesi sen, dende UNIDÁ namás se considera posible la confluencia coles persones, colectivos y grupos políticos d'obediencia esclusivamente asturiana, tanto por una cuestión de principios como d'operativivá.

Per último dende la Xunta Coordinadora de UNIDÁ señalóse que la coalición, formada por Izquierda Asturiana, Andecha Nacionaliega y grupos locales, y que cuenta con representación institucional en dellos conceyos asturianos, afáyase nestos momentos nun intensu, autocríticu y fructiferu debate internu tanto na coalición como nes partes integrantes de la mesma. Esti procesu, informa UNIDÁ, constitúi'l pasu previu pa desenvolver, primero del branu, un procesu d'unión que va dar llugar a la constitución d'una federación nacionalista asturiana que represente un espaciu demandáu por una parte de la sociedá asturiano y que ye imposible cubrir dende fuerces que, en postrer términu, tán suxetes a dinámiques, dependencies y factores ayenos a la realidá del país.

Depués de muncho menos tiempu del que pensé vuelvo abrir los filos d'esti humilde blogue. Con ganes de dar caña y de siguir les vindicaciones del país convidovos a participar na convocatoria de la "Xunta pola defensa de la llingua asturiana" pal llunes 14 d'Abril a les 9:30 de la mañana.

Cartelu de la convocatoria

Testu de la convocatoria:

El prósimu llunes 14 d'abril, los grupos parllamentarios representaos na Xunta Xeneral van aconceyar pa tratar sobre la reforma del Estatutu d'Autonomía d'Asturies. Esta nueva reforma ye posiblemente la última oportunidá de poder cuntar, por fin, con un estatutu que s'axuste a la nuesa realidá cultural y llingüística, y que reconoza los mesmos derechos a tolos ciudadanos, falen la llingua que falen.

La Constitución española recueye nel so artículu 3u, “Les demás llingües españoles (amás del castellanu) serán tamién oficiales nes respectives Comunidaes Autónomes d’alcuerdu colos sos Estatutos”. Por eso, va más de 25 años, los parllamentos de Galicia, País Vascu, Navarra, Cataluña, Valencia y Les Isles Baleares aprebaron los sos estatutos reconociendo les sos llingües propies como oficiales, garantizando asina la protección del so patrimoniu llingüísticu y el respetu a los derechos de los sos ciudadanos.

Asturies foi la excepción, la única comunidá con llingua propia que nun la reconoció como oficial.

Nesti tiempu evidencióse que mientres el restu comunidaes supieron dar valor al so patrimoniu llingüísticu, convirtiéndolu nun potente dinamizador social y económinu; n’Asturies siguimos despreciando esi potencial, día tres día la nuesa llingua ta perdiendo falantes y ámbitos d’usu, y sigue siendo motivu de discriminación y vergüenza.

Agora vuelve abrise la oportunidá de tornar esta situación. Esta reforma del Estatutu d’Autonomía tien que recoyer la única reivindicación ciudadana n’Asturies que se vien manteniendo constante nos últimos trenta años. Nun podemos dexar que por culpa d’intereses partidistes irresponsables condenen a muerte a una llingua que pertenez al pueblu asturianu dende va más de mil años.

¡Agora ye’l momentu! Por eso, el prósimu llunes 14 d’abril convocámoste a les 11:00 a la concentración que va facese delantre la Xunta Xeneral. ¡Na reforma l’Estatutu, L’Asturianu Llingua Oficial!

Un saludu.

Por motivos personales veome obligáu a dexar pa prau'l blogue demientres un tiempu, camiento que como munchu sedrán 3 meses.

Un saludu.

Perbona iniciativa de l'Asociación Green, qu'amás del sitiu web "AsturiasVerde" y del programa "AsturiesVerde" n'Onda Peñes, agora suma un informativu en formatu vidiu centráu nel conceyu de Carreño. Nesta primer edición los temes son:

* Les obres de las fachada marítima de Candás. Lleguen los cubos al pueblu. Entrevista a Luís Fernández, voceru de l'asociación de vecinos de Candás, pa que cuente como ven los vecinos l'aplicación del nuevu sistema de recoyida de residuos.
* Quexes ciudadanes: Les faroles que nun furrulen na plaza del Azabache, nel barriu de Piñeres. Saturación del contenedor de recoyida seleutiva d'aceites del parque de Santarua
* Axenda: Selmana Santa en Candás. Concursu de marca páxines organizáu pola Bibliteca Municipal.

Un saludu.

Güei la enciclopedia llibre n'asturianu ta acabante de llegar a esa cifra. El proyeutu que ñaciera en 2004 nun dexó de medrar y ufre yá esa bultable cifra, amás alcuentrase dende ayeri na denominada "Quincena a sestaferia" entamada "al envís d'ameyorar, enantar y encadarmar la Uiquipedia a lo llargo de quince díes, ufriendo asina una mayor calidá del proyeutu, faciéndola más útil y afitando una ferramienta pal espardimientu del asturianu na rede."

Ente les xeres que se van desendolcar esta quincena tán:
* Enantar entamos.
* Iguar errores ortográficos, de uiquificación o de conteníu.
* Iguar plantíes y estandarizales colos artículos venceyaos.
* Tornar testos d'imaxenes que tean n'otra llingua estremada al asturianu.
* Estandarizar el rexistru llingüisticu.
* Categorizar y remocicar les páxines de les mesmes.
* Añader interwikis.

Amás, nesta primer edición ye importante procurar nun crear artículos sinón remocicar los yá esistentes poniendo especial procuru nos artículos de los países, daqué fundamental d'una enciclopedia, y mirando pola calidá (y veracidá) de los artículos rellacionaos con Asturies.

Un saludu.