L'empresariu español Carlos Zúñiga, arguyosu de "levantar la afición antitaurina en Asturias a costa de su bolsillo" diz que tien perdíes munches perres y que ta pensándose si siguir organizando o non la Feria Taurina en Xixón.
Dende "Fueya en blanco" toi enforma esmolecíu pol bolsu d'esti paisanu, esmolezme tanto que pierda perres que quiero face-y un favor dando-y un conseyu: si pierde perres nun fai falta que vuelva ho, déxelo, que ye tonteria.
PD: Mui acertada la fras última de la noticia n'InfoAsturies: "ye dificil d'entender lo de la industria española de la tauromaquía, Zuñiga tal paez una "ONG torera" envede una empresa."
Curiosamente esta última semeya de la policía preparándose con cascu y guantes pa endiñar d'hosties nun foi polos fascistes sinón escontra los manifestantes....
Esti sábadu 15 d'agostu celebróse la manifestación escontra les corríes de gües n'Asturies, en concretu pa protestar pol últimu festexu d'esti calter que queda nel país cola fechura de la feria taurina de Begoña, sofitada y financiada pola Casa conceyu de Xixón.
La manifestación, convocada pola organización española ANADEL, defensora de los drechos de los animales, salió a les 16:30 hores dende la plaza de San Miguel, percorriendo delles cais de la ciudá fasta llegar a la entrada principal de la plaza de gües del Bibio a la hora na que taba prevista la corrida de gües.
Según la organización na manifestación participaron ente 400 y 500 persones, anque toos sabemos cómo va esto d'inflar les cifres y seguramente la cifra tuviere más cerca de les 200-300. Esti añu superóse'l númberu de manifestantes del añu pasáu, lo que fai amuesa de que la manifestación añal va garrando puxu y amestando cada vegada a más asturianos -tamién a xente de fuera- escontra la supuesta (ya impuesta) "fiesta nacional".
Los manifestantes pidimos el desaniciu de les corríes en Xixón al glayíu de "esta plaza vamos trancala", el refugu a qu'esa mena d'''espectáculos'' tengan sovenciones públiques al glayíu de "nun sois nada ensin subvenciones" y tamién conseñóse la rellación de los taurinos col españolismu más ranciu con llemes como "esta ye la cultura d'una dictadura" o "esti sadismu ye propiu del franquismu.
Incidentes * El percorríu de la mani dende la plaza foi tranquilu, armábase ruíu con xiblatos y glayábense llemes estremaos, dalguna xente sumóse a la protesta demientres el trescursu de la mesma. Siempre "escoltaos" pola policia llocal y siguíos por dos furgones de les "fuercies de seguridá" españoles.
* Non como incidente sinón como reflexón o curiosidá, espeyaría'l fechu de qu'al ser convocantes ANADEL, intenta remanar pal so llau un pocu'l discursu ideolóxicu de la propesta, glayando llemes como "derechos para los animales" que nun tienen nin porqué ser asumíos por tolos manifestantes nin nos términos nos qu'ellos quedríen afitalos (veganismu por exemplu). La manifestación yera esclusivamente escontra la tortura que supón les corríes de gües y pol so desaniciu, nesti casu, n'Asturies y creo qu'habríen de lo tener presente pa otres manis.
* Los incidentes propiamente dichos nun entamaron fasta que llegó l'intre de tar na redolada de la plaza y enfrentanos a los taurinos. Ciertu ye que les provocaciones son mutues, pero los únicos que tamos llendaos pola polícia española somos los manifestantes y a los taurinos se-yos da permisividá pa facer lo que quieran:
* Averamientu a nós pa dicinos que somos unos borrachos. (sic) * Enseñósenos el culu. * Cortes de manga, cuernos, pases taurinos y demás "graciosaes". * Entró xente con bébores alcohóliques nes manes. * Pás y mas con menores de la manina, fechu que ye delitu y que yo mesmu-y dixi a un policía español que nun quixo nin mirar, nin responder. * Auténticos fascistes llevantando la zarpa ya inclusive faciéndose semeyes con ella alzada colos manifestantes detrás, ensin que la policía nun interviniera, lo único que se fexo foi amenazar a los manifestantes.
Per últimu; "u os relajais u os damos de palos a todos y os llevamos a comisaria" foi la fras lliteral del que paecía ser "el xefe" (nun sé nin m'importa l'ode de mandu del CNP) del grupu de la UIP que taba ellí, fras tres la cual punxéronse'l cascu y los guantes pa garrar meyor los toletes, que fexo que daquién de la organización diera l'avisu a los manifestantes y la cosa nun llegara a mayores. Eso sí'l policía negó en too momentu qu'él dixera eses pallabres.
Y de xuru qu'escaecí daqué. Ye una pena que nos videos nun tengamos toes eses provocaciones Nel tercer videu amestáu como actualización pueden vese les provocaciones. Más nada, déxovos con semeyes y tres videos de la mani.
PUXA ASTURIES ANTITAURINA
Cabecera de la mani
Filera de manifestantes
Esto ye Asturies
Presencia policial española
¿Rellación policía-taurinos?
Exemplu de taurinos
Pegatina qu'asoleyó y repartió Fai! xuntu con un manifiestu
Panda de mamones. A ver si se dedican a estudiar o a hacer algo de provecho en esta vida... Que no les gusta la Fiesta Nacional? Pues me parece respetable, pero yo no me voy manifestando en contra de cualquier cosa que no me guste y menos lo haria coincidiendo con el evento por el que estas en contra. Piden respeto y ellos son los que no respetan, los que insultan y demas. Mira que no tienen dias para manifestarse, pero tienen que hacerlo un dia de festejo para provocar y buscar incidentes que al fin y al cabo es lo que buscan. Por cierto, espero que para el año que viene, cuando vayamos a coincidir los miles de personas decentes que vamos a los toros y los cuatro gatos que van con sus sabanas en forma de pancartas, vayan duchados porque la peste que salia era considerable.
Muchos se preguntan si no sería mas lógico que la polícía, en vez de proteger a nueve mil aficionados que --cargados de razón, mayoría y legalidad-- soportan con franciscana mansedumbre el insulto vociferante de cuarenta pacíficos antitaurinos y su amenaza de quemar la plaza al grito de "analfabetos taurinos: pijos y asesinos", actuasen deteniendo a los provocadores.
Y miente yá qu'en momentu nengún se dixo nada de quemar...
Cartelu oficial tornáu al asturianu por "fueyaenblancu" ente la falta de sensibilidá del coleutivu convocante pa cola llingua asturiana.
Otra vuelta hemos de sofrir los asturianos, y nesti casu los uvieínos, la sovención d'un festexu criminal por parte de "los nuesos" políticos que nun dulden en marafundiar les perres públiques n'actos pa 4 amiguinos y pa caltener nun se sabe qué cultura. Y como ye lóxicu otra vuelta saldremos a protestar los que queremos que se desanicie esta práutica xabaz del nuesu país y que se baltie esa plaza de tortures pa enanchar el parque y que se puea esfrutar d'un paséu en cuenta d'un asesinatu cruel propiu de xente sanguinario y ensin nengún tipu d'escrupulu. Vémonos ellí. ¡LA TORTURA NUN YE ARTE NIN CULTURA!
La televisión pública estatal entama a ser tamién una televisión ensin toros. Depués de 51 años de vida de TVE, ésti podría ser el primeru nel que la cadena nun retresmita nengún festexu taurín. Sagún les declaraciones d'un voceru de la cadena "RTVE no tiene nada en contra de las corridas de toros" y diz que de fechu ufren información taurina tanto en televisión como en radio al través de los sos programes 'Tendido Cero' y 'Clarín', amás añede "también tenemos que tener en cuenta el respeto a los horarios de especial protección infantil, suscritos por TVE y el resto de cadenas generalistas españolas".
Esta sedría una bona anuncia, yá que se-yos quita una bona fonte d'ingresos a los qu'organicen les matances, si nun fuera porque cadenes autonómiques como la de Castiella-La Mancha emite cásique diariamente dalgún festexu, Canal Sur n'Andalucia, Telemadrid y Canal 9 tamién suelen ocupar con cierta regularidá la franxa de tarde con toros demientres la temporada.
Y ye qu'anque la mayoría de la población amuesa'l so refugu a esta tortura, cola non asistencia a les corríes o más direutamente col movimientu antitaurín, dende les instituciones públiques nun dulden en marafundiar perres, sovencionando y patrocinando estos eventos... ¿Veremos nún futuru una corrida de gües na TPA?
En branu ye verdá que somos menos los militantes que quedamos n'Asturies pero nun por ello vamos dexar de manifestanos. El día 12 d'Agostu en Xixón a les 16:30 ta convocada por Anadel una manifestación antitaurina na qu'espero que teamos los más posibles.
Esbilla
del.icio.us
VITY
