Porque nun reconoz el calter nacional d'Asturies.
12 vegaes repite en tola carta la pallabra español o España.

Triando les cais d'Avilés topeme con esto...

El Club Prensa Asturiana de LNE organiza esta selmana -el miércoles, el xueves y el vienres- trés actos nos que los candidatos asturianos de PP, PSOE y IX contestarán, en persona, a les entrugues de los llectores del periódico.

Pa poder participar ye necesariu rellenar el formulariu que vien nel sitiu ueb, indicando'l candidatu al que quies facer to entruga y los tos datos de contautu pa que puedan avisate. Ente les cuestiones que-yos unviemos fadráse una esbilla p'asistir o non al actu.

El prósimu miércoles, a la una de la tarde, sedrá'l turnu de Laura González, candidata d'IX. El númberu unu socialista, Álvaro Cuesta, someteráse a les entrugues el xueves, 28 de febreru, a les 12.30 de la mañana. Y Gabino de Lorenzo, cabeza de llista del PP, zarrará esta iniciativa de LNE'l vienres, a les 13 hores.

Yo yá fici la mia, ¿animaisvos?.

AVISU, PUBLICIDÁ ELEUTORAL ENSIN MIEU A DICILO...

La coalición considera absolutamente apropiao tratar esti tema en plena campaña ya que ye agora cuando se definen los modelos de desarrollu

Lali García, candidata al Congresu de la coalición UNIDÁ ya Ignaciu Llope, candidatu al Senáu, presentaron esta mañana nel Ayuntamientu d’Uviéu un escritu d’alegaciones sobre’l proyectu nos terrenos de l’antigua estación d’El Vasco. UNIDÁ presenta estes alegaciones énte’l periodu d’información pública abiertu pol Conceyu d’Uvieú, en rellación col proyectu diseñáu pol arquitectu Santiago Calatrava a desarrollar nos terrenos de la desaparecida estación d’El Vasco.

Según García ‘esti proyectu de les torres nun respeta nin les más básiques normes d’urbanismu del ‘Principado’, como asina espeyamos nestes alegaciones, amás de ser un actu especulativu de mayor nivel na cara de los uvieinos y asturianos, polo que, a pesar de lo qu’afirma Gabino de Lorenzo, ye nesti momentu de campaña electoral cuando les distintes formaciones han de posicionase y definir el modelu de desarrollu que defenden’.

Pa Ignaciu Llope “esti proyectu ye un ataque directu al patrimoniu cultural ya hestóricu d’Asturies, ya que la so concepción ataca la estructura urbanística d’una ciudá con un importante conxuntu monumental’. Pal candidatu al senáu d’UNIDÁ “la especulación urbanística ye’l principal motor d’esti proyectu, ya qu’esti tarrén llegó a asegurase que se destinaría a usos públicos, y finalmente alcontrámonos con esta aberración que va a contentar y enriquecer a unos pocos, a los de siempre’.

El cabeza de llista al Senáu afirmó pola so parte que “como se conseña nel escritu presentáu por UNIDÁ, “el Principáu tien como normes básiques d’urbanismu les reflexaes nel Decretu Llexislativu 1/2004 de 22 d’abril, pol que s’apreba el testu refundíu de les disposiciones llegales vixentes en materia d’ordenación del territoriu y urbanismu n’Asturies”. Nestes disposiciones, concretó Lali García, dizse claramente, concretamente nel artículu 109, que ‘con independencia de la aplicación de la legislación relativa al patrimonio cultural, en los lugares de paisaje abierto y natural de especial interés sea rural o marítimo, o en las perspectivas que ofrezcan los conjuntos urbanos o núcleos rurales que posean características histórico-artísticas, tipicos o tradicionales…….NO se permitirá que la situación, volumen, altura de los edificios, muros y cierres y la instalación de otros elementos rompan la armonía del paisaje, desfiguren la perspectiva del mismo o limiten e impidan la contemplación del conjunto’”.

Llope finalizó esclariando que “ye más qu’evidente qu’esti proyectu nun respeta nin esta norma tan básica, pero esti nun ye un casu únicu, ya que como s’enumera nes alegaciones hai varios aspectos más nos que les torres de Calatrava entren en conflictu col Decretu Llexislativu 1/2004 de 22 de abril.’. Por último Lali García apuntó que ‘los redactores d’esti proyectu tendríen que conocer esti decretu enantes de proponer estravagancies pa la ciudá d’Uvieú, pero tamién el Conceyu tendría que conocer qué ye lo que se puede y qué ye lo que nun se puede facer na ciudá, enantes de dar el preste a operaciones inspiraes na especulación y el gradonismu ranciu” y afirmó que “el papel d’ UNIDÁ ye denunciar estos desmanes y proponer alternatives, y pa eso vamos a les próximes elecciones del 9 marzu0 cola responsabilidá de dar voz a los asturianos y asturianes énte esti tipu d’abusos y despropósitos”.

Un saludu.

Noticia:
El sindicatu de funcionarios "Manos Limpias" anunció ayeri que presentará una querella y Acción Popular énte'l Xulgáu Central d'Instrucción Nu 5 de l'Audiencia Nacional, pa qu'estudie la posibilidá de proceder a la illegalización d'Izquierda Castellana asina como'l so entornu xuvenil y asociativu.

Dende'l sindicatu español señálase qu'un reportaxe de la revista Interviú desvela los antecedentes violentos de la formación política Izquierda Castellana, el so calter radical y les conexones col grupu políticu vascu Batasuna, «na que tantu l'abogada vallisoletana Doris Benegas como'l médicu Luis Ocampo paez qu'exercen un papel significativu», diz la nota.

Articulu asoleyáu en "El Norte de Castilla" el día 20 de Febreru de 2008.

Comunicáu d'Izquierda Castella (IzCa) énte l'intentu de criminalización:
La actual campaña de criminalización contra el movimiento antifascista en general y contra la IzCa en particular, mano a mano entre algunos medios de comunicación, mas bien deberíamos llamarle de manipulación, y sectores policiales vinculados a la Confederación Española de Policía (CEP) cuyo portavoz es el conocido delincuente Rodrigo Gavilán, es todo un síntoma de la preocupación que genera en esos ambientes la existencia de movimientos populares en castilla.

Al bloque dominante español, especialmente a sus sectores mas fascistas les resulta totalmente inconcebible que en Castilla, en lo que ellos consideran su finca privada y totalmente subordinada a sus intereses, surja y crezca un proyecto socio-político que cuestione desde posiciones progresistas y solidarias con otros Pueblos del Estado su Sistema.

Y si esto es así en circunstancias de mas o menos normalidad, en situaciones de crisis económica y política como la actual, la existencia del movimiento popular castellano les resulta intolerable.
Es en esa perspectiva en la que se enmarca el proceso de criminalización y de intento de ilegalización de IzCa.

No van a conseguir pararnos con estas argucias o con otras similares, estamos convencidos de la necesidad y de la utilidad de nuestro movimiento para el Pueblo trabajador Castellano.
Vamos a seguir construyendo justicia social y participación ciudadana.

Vamos a seguir construyendo voz propia para nuestro Pueblo, Castilla, le pese a quien le pese.

IzCa

Castilla a 20 de febrero de 2008

(déxolo en castellán pa respetar l'orixinal de los collacios castellanos)

¡NON A LA CRIMINALIZACIÓN DE LES IDEES!

Un saludu a tolos castellanos que visiten esti blogue.

Déxovos un videu grabáu na convención eleutoral d'UNIDÁ sobre'l plan enerxéticu español pa convertir Asturies nun país suministrador d'enerxía pal restu del estáu.

Un saludu.

Énte la prohibición por parte de Delegación del Gobiernu Español n'Asturies de la concentración convocada pola Coordinadora Antifacista d’Asturies pal día 16 de Febreru de 2008 na cau San Mateo, queremos informar de:

La Coordinadora Antifacista presentó recursu y alegaciones por vía xudicial escontra la prohibición. La sentencia conoceráse, finalmente, pa mañana xueves.

Independientemente de la decisión que tome'l xuez, permitanos o non concentranos na redolada del llocal “madhouse” en San Mateo, la Coordinadora Antifacista anuncia que nun mos vamos concentrar nesi llugar, al considerar que l'oxetivu de la concentración "nin racismu, nin xenofobia", informar a la ciudadanía de les actividaes neonazis que se desendolquen nesi llocal del barriu, tán cumplíes. Albidramos que, en trescendiendo la noticia en prensa, nun ye prioritariu incidir na denuncia informativa, pues yá ye público y notorio'l tipu d'actividaes que se desendolquen nel mentáu llocal. En nengún momentu foi la nuesa intención, magar qu'asina lo quixera al traviés de los sos testos Delegación del Gobiernu Español n'Asturies, buscar engarradielles con grupos d'estrema derecha. El nuesu envís, repetimos, yera denunciar socialmente'l fascismu y el racismu y informar a la ciudadania énte la dexación de les autoridaes nesta materia.

Anunciamos una concentración pal sábadu día 16 a les 12:00 hores de la mañana na Plaza d'España, Uviéu, sede de la Delegación del gobiernu Español, baxo'l mesmu lema, “Nin racismu, nin xenofobia”. Facemoslo pa protestar énte'l Delegáu del Gobiernu Español pola medra de la violencia d'estrema derecha organizada n'Asturies, en denuncia polos determinos tomaos por Antonio Trevín, Delegáu del Gobiernu Español, conocedor de les actividaes organizaes d'estrema derecha n'Asturies. Queremos saber por qué se consienten actos d'exaltación del racismu y el nazismu n'Asturies. Queremos saber por qué nun s'informa a la ciudadanía sobre'l riesgu que supón la presencia masiva de neonazis nun actu delictivu.

COORDINADORA ANTIFACISTA D’ASTURIES

13 DE FEBRERU DE 2008

Col determín de denunciar el despreciu col que la Conseyería d’Educación trata al asturianu, la Xunta va poner escuela de llingua asturiana na cai. El sábadu día 16 de febreru a la una del mediudía, na Plaza la Escandalera d’Uviéu, un mayestru d’asturianu va deprender delles nociones básiques del nuesu idioma, como debiere facese en toles escueles y a la vista de tou aquel que quiera dir o que pase pela cai nesi momentu.

La clase ye abierta y puen dir rapacinos y rapacines, homes y muyeres. Cualquiera pue averase a La Escandalera y asistir a una clase de llingua asturiana en condiciones. Amás, quiciabes se presente dalgún escolín inesperáu.

Esta idea de la Xunta vien a ser un pasu más na campaña recién de denuncia de la situación actual de la escolarización del asturianu, onde rescamplen de contino casos d’ataques al idioma. A mou d’exemplu podemos citar el casu de la Escuela Pública Ríu Piles, en Xixón, onde se fai competir l’asignatura d’asturianu col llinguaxe de señes, convirtiendo pela vía de los fechos l’asignatura d’asturianu nuna "optativa", en cuenta de "voluntaria", como ta afitao por llei y nel testu del currículu de la Enseñanza Primaria.

Tamién a mou d’exemplu, la pesentación del currículu pa la Educación Infantil asoleyáu nes últimes selmanes pol conseyeru que, ensin espeluricase, presenta como un exemplu d’avance na educación cuando nun ye otra cosa qu’un pasu más nel desaniciu del asturianu, que traten otra vuelta como una llingua de cuarta categoría. Como se ve nel testu del borrador: primero’l castellanu, depués la llingua estranxera, depués les otres llingües y, pa nun face-y un feu, l’últimu, l’asturianu. La Xunta quier facer rescamplar la responsabilidá que tien la Conseyería d’Educación en toa esta llaceria.

Por too ello, la Xunta pola Defensa de la Llingua Asturiana fai un llamáu a tola comunidá escolar, a tolos falantes y tou aquel que vive o trabaya n’Asturies pa que participe nesta movilización.

PD:Como ye vezu dende fueya en blancu ufriráse una crónica con videos de los 2 actos.

PUXA ASTURIES ANTIFASCISTA
L'ASTURIANU LLINGUA OFICIAL YÁ

Un saludu.

Más de 100 delegaos de la coalición y miembros d'estremaos coleutivos, arroparán a los candidatos qu'UNIDÁ presenta pal 9-M al Congresu y al Senáu.

L'actu, que tendrá llugar de magar les 17.00 hores nel Auditoriu d'Uviéu cuntará cola intervención, ente otros, de los portavoces d'UNIDÁ, Germán Abad y Faustino Zapico, y los cabezaleros de llista al Congresu y al Senáu: Lali García ya Ignaciu Llope.

Asina, la formación qu'axunta a Izquierda Asturiana (IAS), Andecha Nacionaliega y Asturianistes, y que se presenta col envís de que nes eleiciones del prósimu 9 de marzu se sienta una voz "netamente asturiana, verde y d'izquierdes", presentará tamién el so programa, nel que rescamplen "la defensa d'un nuevu modelo de desendolcu pal país, frente al modelu actual que convierte Asturies nun basureru enerxéticu; la demanda d'un nuevu marcu políticu que reconoza'l calterr nacional d'Asturies y la oficialidá de la llingua asturiana; un sistema de financiación qu'asegure la viabilidá económica de los nuesos seutores productivos y el bientar social; y un apueste decidíu, énte les tentaciones represives que tamos viviendo n'Asturies, polos drechos civiles y la igualdá de sexos".

Nesti sen, UNIDÁ plantega que la so candidatura, a diferencia de les de PSOE, PP o IU, ye la única que namás se debe a los intereses del Pueblu Asturianu y que nun ta presa n'últimu términu de les decisiones que se tomen en Madrid por fuercies que se deben a dinámiques polítiques ayenes a Asturies.