¿Quien dixo...
Esbilla
del.icio.usLa fuercia destructiva que ye quien a xenerar el ser humanu...en fin creo que lo que punxi nel videu nun queda namás que comentar.
Un saludu.
Archivu: Xineru 2008
Tengo una entruga pa vosotros
Al estilu del programa de tve "Tengo una pregunta para usted" agora sacaron un nuevu formatu, nel que se pide que faigamos una entruga a cualquiera de los grupos parllamentarios del congresu español pa les prósimes eleiciones estatales de marzu, los partíos son; PSOE, PP, IU, CiU, EAJ-PNV, ERC, COALICIÓN CANARIA, BNG, ICV o Ciudadanos. Hai que tener en cuanta lo que vien darréu:
-Nun pasar de 30 segundos.
-Ser orixinal.
-Cuidar la calidá del videu (nun mover la cámara y fala despaciu, altu claru).
-Dicir a qué partíu faes la entruga.
-Dicir quién yes.
La entruga que tengo pa vosotros ye: ¿Anímeste a xubir un videu con una entruga sobre la situación d'Asturies? (yá seya a nivel represivu, llaboral, nacional o llingüisticu). Si lo faes dende fueyaenblancu sofitarásete y se fadrá tolo que seya por promocionar el to videu y que seya votáu.
Pues ver y votar los videos equí. http://es.youtube.com/elecciones08
Pa xubir un videu has de create una cuenta.
Un saludu.
Patricia Troncoso lluchadora pola causa mapuche en riesgu de muerte
La rescamplada lluchadora y activista mapuche Patricia Troncoso, que tien cumplíos más de 100 díes en fuelga de fame en protesta poles condiciones carcelaries infrahumanes que enfrenta, ta "en riesgu vital", acordies coles declaraciones emitíes por personal médicu.
Troncoso cumple una condena a 10 años de presidiu nel marcu de la llei antiterrorista de la dictadura, que se-y impunxo pola so presunta participación nel incendiu d'una facienda forestal nun xuiciu carente de toles garantíes xudiciales pertinentes.
Los médicos de la Xendarmería, magar que tienen los informes sobre la gravedá de la comunera, caltienen a la muyer nuna sala onde nun hai monitoreu cardiovascular nin equipu de reanimación y ta prauticamente incomunicada.
Ye de recamplar amás que'l pá de l'activista mapuche interpunxo'l xueves pasáu na Corte d'Apelaciones de Santiago un recursu d'amparo escontra la Presidenta Michelle Bachelet. L'abogáu venceyáu a casos de drechos humanos Hugo Gutiérrez, afirmó nos tribunales que, nel casu de la fuelga de fame de Troncoso, la "responsabilidá cabera de lo que ta pasando cola so situación de salú y cola so integridá física ye d'un gobiernu que nun toma decisiones pa iguar la problemática colos prisioneros mapuches, y ensin dulda que la responsabilidá cimera ye de la Presidenta de la república".
Lo ciertu ye que nel Chile del cogobiernu ente Concertación y Alianza por Chile, nun hai voluntá política pa resolver les demandes ancestrales de los pueblos orixinarios chilenos.
Mentanto dende estremaos llugares del mundu realicense xornaes de denuncia y solidariedá pa cola causa de los pueblos orixinarios chilenos, énte un Estáu y Gobiernu que se ñega a facer respetar los drechos humanos que-y son conculcaos al pueblu mapuche dende va sieglos.
Dende fueyaenblancu tola mio solidariedá pa con Patricia Troncoso y el pueblu Mapuche.
Un saludu.
N'i a pro de la vergonha - Occitan lenga oficiau
Un saludu a los collacios occitanos.
Intentu de criminalización del grupu catalán Obrint Pas
El Círculu Balear carga escontra'l grupu catalán por defender los "anticonstitucionales" Països Catalans y por apaecer en Gara. Amás alerten de que'l grupu "tien protagonizaos incidentes violentos nos sos conciertos por mor de l'agresividá de les sos lletres".
El Círculu Balear denuncia la progresiva perda d'identidá de les "Festes de Sant Sebastià" en favor d'un catalanismu ayenu a la nuesa historia y radical, al contratase grupos antisistema como "Obrint Pas". Jorge Campos solicita, amás, que Grosske abandone'l so cargu por presuntes irregularidaes.
El Círculu Balear denuncia públicamente que l'Ayuntamientu de Palma tien contratao pa les fiestes al grupu musical radical "Obrint Pas", defensor nes sos lletres de la independencia de los "paisos catalans" y del, testual, "cap agressió sense resposta".
Círculu Balear, alertáu por un ciudadanu anónimu que proporcionó valiosa información, como que dichu grupu independentista ye encamentáu pol diariu proetarra "Gara" quien lu defín como "ún de los máximos esponentes musicales de los Paisos Catalans", que "el grupu defende nes sos lletres l'independentismu", al empar que, con satisfacción, afirmen que "reciben influyencia del rock radical vascu". (Pue vese en: http://www.gara.net/paperezkoa/20070524/19985/es/Obrint/Pas?Hizk=es)
Según el presidente del Círculu Balear, Jorge Campos, el mesmu "Gara" rescampla que "Obrint Pas" trabaya col sellu "Propaganda pel Fet", una discográfica catalana promotora de los anticonstitucionales Paisos Catalans que tamién trabaya con otru grupu catalán contratáu pol Ayuntamientu de Palma: "Pirats Sound Sistema".
Jorge Campos indica que, "ye realmente llamentable qu'esti grupu musical antisistema que tien protagonizaos incidentes violentos nos sos conciertos por mor de l'agresividá de les sos lletres, reciba 20.000 euros de los ciudadanos de Palma pa la so "actuación" na "Revetla" del próximu 19 de xineru."
Nun comunicáu emitido ayer, el Círculo Balear,destaca que: "Queremos denunciar publicamente que el actual equipo de gobierno de Cort, cuyos máximos responsables son la alcaldesa Aina Calvo y el Teniente de Alcalde y regidor del area de Bienestar Social, Participación y cultura, Eberhard Grosske, han convertido las tradicionales Fiestas de San Sebastián en un escaparate donde grupos antisistema pancatalanistas como "Obrint Pas" reciben generosas subvenciones públicas a cambio de difundir un mensaje abiertamente anticonstitucional y violento.
En fin...p'ablucar, igual un día a l'Asturies lliberal-y da por quexase pola contratación de grupos como Dixebra, Gomeru o Skama la rede...
¡STOP CRIMINALIZACIÓN!
Un saludu.
Berri Txarrak - Bisai Berriak
Lletra n'eusquera:
Mendeetan barrena gordea
Harri bat bihotzean
Lan eginez herri bihurtua
Taupada bakoitzean
Elorrixon zu ta ni
Bi indar, bi argi
Iraganeko bi zubi
Ta geroaren irudi
Elorrixon zu ta ni
Bi indar ta bi argi
Zeru zati honetan
Izarra bateginik
Bisai berriak ditu orainak
Segitzeko ustean
Iraultza baten zainak
Kolore gorriz
Haizeratzen hastean
Elorrixon zu ta ni
Bi indar, bi argi
Iraganeko bi zubi
Ta geroaren irudi
Elorrixon zu ta ni
Bi indar ta bi argi
Zeru zati honetan
Izarra bateginik
Asmo berri berritzaileen
Lema gidatzeko asmoz
Asmo berri berritzaileei
Berriz ekiteko gogoz
Elorrixon zu ta ni
Bi indar, bi argi
Iraganeko zubi
Ta geroaren irudi
Elorrixon zu ta ni
Bi indar ta argi
Zeru zati honetan
Izarra bateginik
Zeru zati honetan bateginik
Infernu zati honetan bateginik
Un saludu.
Películes encamentaes... de los 80
Gracies a los comentarios afalastisme a tirar por un tema que tengo perescaecíu nesti humilde blogue y que ye'l mio favoritu, el cine. He reconocer que soi un cinéfilu non tradicional y que soi quien a tragame 2 hores y media de película aburrida namás por tener vista una peli más, pero esti nun ye'l casu. Como'l tema preferíu de los comentarios foron los 80 pos voi siguir col tíulu que tenía pa esti tipu de posts "Películes encamentaes", pero añediendo-y de los 80 pa dir esbillando películes d'esos años que nun pueden pasar ensin ser vistes. Esta que vien darréu nun ye nin la meyor, nin la película
imprescindible d'esa década yá que yo nun me veo cola capacidá pa diutaminar esa xera, allá caún y los sos gustos nel cine, qu'esto ye como los colores, eso sí a min prestome enforma y veola como un referente del cine d'esa dómina y principalmente del xéneru "Anime".
- Akira: (1988, Katsuhiro Otomo) Esta gran obra del xéneru d'animación (ñegome a llamalu "dibuxos animaos"), más concretamente del estilu Anime xaponés, ye l'adautación de la novela gráfica (manga) del mesmu nome y del mesmu direutor, el xeniu Katsuhiro Otomo, autor d'otres grandes películes como "Steamboy" o l'adautación de "Metrópolis". Pa los que nun seyais aficionaos a esti xéneru, sabéi que foi'l primer gran ésitu d'una película d'esi calter y, por favor, nun vos quedar na estética y atendéi pal argumentu:
Nel añu 2019 el mundu tuvo a piques de la destrucción, tres una guerra nuclear qu'esfarrapó les grandes ciudaes del planeta. Trenta años depués, na megalópolis de Neo-Tokio, les seutes relixoses y los grupos estremistes, cultiven el mitu d'AKIRA, un "neñu cobaya" depositariu de la "enerxía absoluta" del que la so resurrección significaría pa Xapón l'alborecer d'una nueva era.
Kaneda y Tetsuo son miembros d'una banda que tien ente les sos aficiones les pelees escontra otres bandes sobre potentes motos. Nuna destes Tetsuo sofre un accidente. De magar entós, nun va ser el mesmu...
Pa los que yá tengais vista la película déxovos equí un videu, y avisu pa los que non (TIEN "SPOLIERS"):
Continuará...
Un saludu.
Cumpleaños retrasáu
Toi como una teya, nun m'alcuerdo nin del mio cumpleaños...Que sepais qu'esti blogue cumplió ayeri 1 añín, depués de camudar de nome trés vegaes equí sigue, con unes 12.000 entraes -dende marzu del añu pasáu que punxera'l cuntador- feches dende tolos requexos d'Asturies, d'Europa y cásique del mundu porque un faltó país del continente sudamericanu que nun entrare a esta fueya, les visites de Xapón foron bayuroses (por mor del videu del grupu xaponés que xubí) y nes nueves estadístiques (les de Nireblog) apaez como'l segundu país d'au más visites recibí, siguiendo-y los Estaos Xuníos. Como datu anecdóticu nesto de les visites ye que na época de los especiales sobre Cándido y Morala recibí visites constantes y amás a la mesma hora del "Gobierno del Principado de Asturias" que de xemes en cuando vuelven a apaecer pela páxina d'estadístiques, tamién se paseó per esta humilde fueya'l "Ministerio del Interior".
Y en cuantes a lo que se suel facer nesti tipu d'anversarios, que ye falar un pocu de como s'entamó'l blogue y tal, pos dicir sinceramente qu'entamé por aburrición, tenía tiempu llibre y punxime a trastiar col blogspot pa ver qué yera eso de los "blogs", la intención de facelo n'asturianu taba clara dende un entamu pero la temática foi'l tiempu'l que me la marcó xubiendo les tornes de noticies que me prestaben o llaborando los mios artículos d'opinión o sobre un tema determináu, como pue ser l'altermundismu o l'internacionalismu, amás como militante que soi la llista de convocatories rescamplaes nun podien faltar, d'ehí xurdieron llueu les cróniques d'esos actos que tantes visites me daríen...
Y bono, más nada, esto que veis toi acabante d'escrbilo de siguío y ensin aparame a revisar lo escritu, pero paezme que queda más espontaneu y ye qu'esto de les cellebraciones nun va conmigu...
Como siempre...Un saludu.
PD:La semeya ye cutre de coyones pero faime gracia xD
VITY
